ពានសម្តេចតេជោថ្នាក់ខេត្តវគ្គ៨ក្រុមរំពឹងប្រកួតក្រោយថ្ងៃ FIFA Day

ពានរង្វាន់សម្ដេចតេជោ ហ៊ុន សែន លើកទី១៧ ថ្នាក់ខេត្ត ឆ្នាំ២០២៣/២៤ បានរកឃើញ​៨ក្រុម​ចុង​ក្រោយ​ បន្ទាប់ពីចំណាយពេលប្រកួតជាង៦ខែរួចមក។

អធិរាជដំរីឦសាន–ខេត្តរតនគិរី​ជា​​ក្រុម​ចុង​ក្រោយ​គេ​​ដែល​បាន​ឡើង​វគ្គ​៨​ក្រុម​ចុង​ក្រោយ​ បន្ទាប់ពី​បានប្រកួតស្មើ ​១-១​ ជាមួយ​ ខេត្តកំពង់ធំ ក្នុងជំនួបបញ្ចប់​​ពូល D កាលពីថ្ងៃទី២៩ ខែកញ្ញា ឆ្នាំ២០២៣។

បេក្ខភាពវគ្គ​៨ក្រុមចុងក្រោយ៖

• ពូល A៖ ក្រុមភ្នំពេញហ្គាឡាក់ស៊ី និង ខេត្តព្រះសីហនុ
• ពូល B៖ ខេត្តត្បូងឃ្មុំ និង ខេត្តកំពង់ចាម 
• ពូល C៖ ខេត្តបន្ទាយមានជ័យ និង ក្រុមឈើតុំ–ខេត្ដពោធិ៍សាត់ 
• ពូល D៖ ក្រុមសន្ដិភាព-ខេត្តកំពង់ធំ និង អធិរាជដំរីឦសាន-រតនគីរី  

ចំពោះការប្រកួតវគ្គ​៨ក្រុមចុងក្រោយ គ្រោងនឹង​ធ្វើ​ក្រោយ​​ថ្ងៃ​​ការ​ប្រកួត​​របស់ក្រុមជម្រើសជាតិកម្ពុជា (FIFA Day) ខណៈនៅរង់ចាំការប្រកាសជាផ្លូវការពីគណៈកម្មការ​រៀបចំការប្រកួតពានរង្វាន់សម្តេចតេជោ ហ៊ុន សែន។

គួររម្លឹក​ថា ពានរង្វាន់សម្តេចតេជោ ហ៊ុន សែន លើកទី១៧ ថ្នាក់ខេត្ក ឆ្នាំ២០២៣-២០២៤ មាន២០ក្រុមចូលរួមប្រកួតតំណាងរាជធានីខេត្ត បែងចែកជា៤ពូល ក្នុង១ពូលមាន ៥ក្រុម បានចាប់ផ្តើមការប្រកួតតាំងពីថ្ងៃទី២៨ ខែមីនា ឆ្នាំ២០២៣៕

អត្ថបទ៖ មន្នីរ័ត្ន