កីឡា

៥ប្រទេសផ្សេងគ្នាមកប្រកួតក្នុងព្រឹត្តិការណ៍មានរង្វាន់រថយន្តលើកទី២នៅអូឡាំពិក

បានផុស

១ year មុន

នៅ

ថ្ងៃព្រហស្បតិ៍ ៥ តុលា ២០២៣

ដោយ

កីឡាករប្រដាល់៥ប្រទេសផ្សេងគ្នានឹងមកប្រកួតជាមួយអ្នកលេងគុនខ្មែរនៅក្នុងព្រឹត្តិការណ៍ប្រកួតដែលមានរង្វាន់រថយន្តពីប៊ូសស្ត្រង នៅថ្ងៃពុធ ទី១១ ខែតុលា ឆ្នាំ២០២៣ នៅពហុកីឡដ្ឋានជាតិអូឡាំពិក។

កីឡាករ Elias Ghazali (ស្តាំ) ជាដៃគូរបស់ ពេជ្រ សម្បត្តិ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតមិត្តភាពអន្តរជាតិទាំង៧គូ ប៉ុន្តែកីឡាករកម្ពុជា៤រូបគឺ ឈុត សេរីវ៉ាន់ថង, ឃីម បូរ៉ា, អេលីត សាន់ និង ទូច ដេវីត ត្រូវប្រជែងគ្នាដើម្បីដណ្តើមរង្វាន់រយន្តថ្មីទំនើប១គ្រឿង ខណៈ៣រូបទៀតគឺ ព្រំ សំណាង, ពេជ្រ សម្បត្តិ និង ប៉ឺត សង្ឃឹម មិនមែនប្រកួតដើម្បីប្រជែងរង្វាន់រថយន្តទេ។

កីឡាករ Italo Fritas (ប្រេស៊ីល) ដៃគូរបស់ ឈុត សេរីវ៉ាន់ថង

បេក្ខភាពប្រជែងរង្វាន់រថយន្តគឺ ទូច ដេវិត ប៉ះកីឡាករចិន Wang Yue Yue។ អេលីត សាន់ ប៉ះកីឡាករថៃ Rungrawee។ ឈុត សេរីវ៉ាន់ថង ប៉ះកីឡាករប្រេស៊ីល Italo Fritas និង ឃីម បូរ៉ា ប៉ះកីឡាកថៃ Chatchai។

ចំណែកមិត្តភាពអន្តរជាតិមិនប្រជែងរង្វាន់រថយន្ត ម្ចាស់មេដាយមាសស៊ីហ្គេម ប៉ឺត សង្ឃឹម ប៉ះកីឡាករចិន Guo Chen។ ម្ចាស់រង្វាន់រថយន្តលើកទី១ ពេជ្រ សម្បត្តិ ប៉ះកីឡាករម៉ាឡេស៊ី-អាមេរិក Elias Ghazali និងម្ចាស់មេដាយមាសស៊ីហ្គេម ព្រំ សំណាង ប៉ះកីឡាករអ៊ុយក្រែន Vladyslav។

លក្ខខណ្ឌនៃការប្រកួតប្រជែងដើម្បីដណ្តើមរង្វាន់រថយន្តសម្រាប់កីឡាករគុនខ្មែរទាំង៤រូបមានច្រើន ខណៈកីឡាករបរទេសមិនមែនជាបេក្ខភាពដើម្បីរង្វាន់រថយន្តទេ។ ពួកគេប្រកួតមិត្តភាពអន្តរជាតិធម្មតាដែលខុសពីកីឡាករកម្ពុជាប្រកួតមិត្តភាពអន្តរជាតិដើម្បីប្រជែងគ្នាឆ្ពោះទៅដណ្តើមរង្វាន់រថយន្ត។