កីឡា
តើតារាឆ្នើម Yudai Ogawa មានប្រវត្តិយ៉ាងណាមុនចូលជម្រើសជាតិកម្ពុជា?
សហព័ន្ធកីឡាបាល់ទាត់កម្ពុជាបានបង្កើតសករាជថ្មីនៃការធ្វើសញ្ជាតូបនីកម្មជាលើកដំបូងនៅពេលផ្តល់សញ្ជាតិខ្មែរឲ្យកីឡាករជប៉ុន Yudai Ogawa នៅថ្ងៃទី៦ ខែតុលា ឆ្នាំ២០២៣ ដើម្បីឲ្យក្លាយជាកីឡាករបាល់ទាត់ជម្រើសជាតិកម្ពុជាក្នុងការប្រកួតលើឆាកអន្តរជាតិ។
កីឡាករ Yudai Ogawa កើតនៅថ្ងៃទី៤ ខែតុលា ឆ្នាំ១៩៩៦ នៅទីក្រុង Kanagawa ប្រទេសជប៉ុន។ ស្ថិតក្នុងវ័យ២៧ឆ្នាំ កម្ពស់១,៧៤ម៉ែត្រ រូបគេទទួលបានជោគជ័យបំផុតជាមួយក្លិបបាល់ទាត់ភ្នំពេញក្រោនមុនពេលចូលរួមជាមួយជម្រើសជាតិកម្ពុជា។
កាលពីយុវជន Yudai លេងឲ្យក្រុម Valie Tsuru និង Yamanashi Gakuin។ ឆ្នាំ២០១៥-១៦ រូបគេបានចាប់ផ្តើមលេងនៅក្លិបអាជីព FC Gifu ស្ថិតនៅក្របខណ្ឌលីគទី៣របស់ប្រទេសជប៉ុន ហើយបង្ហាញខ្លួនជាផ្លូវការបានតែ៤ប្រកួតប៉ុណ្ណោះ និងឆ្នាំ២០១៧បានផ្លាស់ទៅលេងឲ្យក្លិប Widzew Lodz ស្ថិតនៅក្នុងក្របខណ្ឌលីគកំពូលរបស់ប្រទេសប៉ូឡូញ និងលេងបានតែ៤ប្រកួត។
ឆ្នាំ២០១៨ Yudai បានផ្លាស់មកទឹកដីកម្ពុជាចូលរួមជាមួយក្លិបក្រសួងការពារជាតិ ដោយបង្ហាញខ្លួនលើកទីលានបាន១៨លើក រកបាន១០គ្រាប់ក្នុងលីគកំពូលកម្ពុជា។ រដូវកាល២០១៩-២០២០ រូបគេបានចូលរួមជាមួយក្លិប អង្គរថាយហ្គឺរ ដោយបានបង្ហាញខ្លួនលើទីលានបាន១៤ប្រកួត រកបាន២គ្រាប។
ការបង្ហាញខ្លួនលើទីលានដ៏ល្អទាំងនៅក្លិបក្រសួងការពារជាតិ និងអង្គរថាយហ្គឺរបានទាក់ភ្នែករបស់គ្រូបង្វឹកភ្នំពេញក្រោនដែលបានសម្រេចនាំចូលនៅឆ្នាំ២០២១។ ចាប់តាំងពីចូលរួមជាមួយភ្នំពេញក្រោនមក Yudai បានអភិវឌ្ឍខ្លួនកាន់តែល្អប្រសើរ ហើយគិតត្រឹមថ្ងៃទី៦ ខែតុលា ឆ្នាំ២០២៣នេះ រូបគេលេងឲ្យភ្នំពេញក្រោនបានជាង៤០លើក និងរកបានប្រហែលជា១០គ្រាប់។
ក្នុងតំណែងជាខ្សែបម្រើកណ្តាល Yudai ត្រូវបានអ្នកជំនាញបាល់ទាត់ អ្នកគាំទ្រ និងមហាជនមើលឃើញពីការដើរតួនាទីដ៏សំខាន់ក្នុងជួយពង្រឹងដល់ទម្រង់លេងរបស់ភ្នំពេញក្រោនរយៈពេលពីរបីឆ្នាំចុងក្រោយ។ រូបគេជាអ្នកនាំលេង ជាអ្នកជួយទប់ស្កាត់ និងជាអ្នកបង្កើតឱកាស ហើយជាកីឡាករដែលស៊ុតបាល់ពីចម្ងាយដ៏មានប្រសិទ្ធភាព។
សមាជិកសំខាន់ Yudai Ogawa បានជួយឲ្យក្លិបភ្នំពេញក្រោនឈ្នះពានរង្វាន់សំខាន់៦ក្នុងរយៈពេលជិត៣ឆ្នាំចុងក្រោយនេះគឺឈ្នះជើងឯកលីគកំពូលកម្ពុជា២លើកជាប់គ្នា ឈ្នះជើងឯកខេមបូឌានលីគខាប់២លើកជាប់គ្នា និងឈ្នះពានខេមបូឌានស៊ុបភើខាប់២លើកជាប់។ រូបគេក៏ជាតួសំខាន់ជួយឲ្យភ្នំពេញក្រោនទទួលបានជ័យជម្នះ៤លើកជាប់គ្នាក្នុងពានរង្វាន់ AFC Cup ឆ្នាំ២០២៣។ ទាំងនេះហើយជាកីឡាករដែលគ្រូបង្វឹកជម្រើសជាតិកម្ពុជា និងអ្នកគាំទ្រចង់បានចូលរួមក្នុងក្រុមជម្រើសជាតិកម្ពុជា។
បើតាមតាមលក្ខន្តិកៈរបស់សហព័ន្ធកីឡាបាល់ទាត់អន្តរជាតិ ( FIFA) កីឡាករម្នាក់ដែលអាចលេងឱ្យក្រុមជម្រើសជាតិណាមួយបានលុះត្រាកើតកើតលើទឹកដីនៃសហព័ន្ធកីឡាបាល់ទាត់នោះ។ ម្តាយបង្កើត ឬឪពុកបង្កើតកើតនៅលើទឹកដីនៃសហព័ន្ធកីឡាបាល់ទាត់នោះ។ ជីដូនឬជីតាកើតនៅលើទឹកដីនៃសហព័ន្ធកីឡាបាល់ទាត់នោះ ហើយកីឡាករនោះរស់នៅយ៉ាងហោចណាស់៥ឆ្នាំជាប់គ្នាក្នុងប្រទេសមួយនោះទើបអាចលេងតំណាងឲ្យជាតិបាន។
ជាក់ស្តែង Yudai Ogawa ត្រូវតាមលក្ខន្តិកៈដែលសហព័ន្ធកីឡាបាល់ទាត់ពិភពលោកបានចែងគឺរូបគេបានលេងនៅលីគកំពូលកម្ពុជា៥ឆ្នាំជាប់គ្នាគិតចាប់តាំងពីឆ្នាំ២០១៨រហូតដល់២០២៣នេះ៕
អត្ថបទ៖ វីរបុត្រ
ក្រសួងការងារ ដំណើរការ App ២ ផ្តោតលើកម្មវិធីបណ្តុះបណ្តាលបច្ចេកទេស និងវិជ្ជាជីវៈ ដល់គ្រួសារក្រីក្រ
តារាចម្រៀង ស៊ិន សុភ័ក្រ្ត ស្ងាត់ៗបង្ហាញមុខនារីដ៏ស្រស់ស្អាតម្នាក់ ថែមទាំងអះអាងថាជាគូដណ្តឹង
ផ្លូវក្រាលកៅស៊ូមួយខ្សែប្រវែងជាង ៥ គីឡូម៉ែត្រ នៅស្រុកបាធាយ ត្រៀមសម្ពោធដាក់ឲ្យប្រើប្រាស់នៅខែមីនានេះ
តបតាមការសួររក! សេន រ៉ានុត និពន្ធនិងច្រៀងបទ «លោកពុក» ផ្ញើជូនសម្តេចតេជោ
យោធាមីយ៉ាន់ម៉ា បន្តដាក់ប្រទេសក្នុងគ្រាអាសន្នរយៈពេលប្រាំមួយខែទៀត
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
ដុំដែកធ្លាក់លើផ្ទះពលរដ្ឋខូចខាត៣ខ្នង ខណៈម្ចាស់ផ្ទះស្នើឲ្យអាជ្ញាធររកប្រភពដើម្បីទទួលខុសត្រូវ
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
ឆេះហាងកាហ្វេ ១ កន្លែង ដែលម្ចាស់បិទទ្វារចោលប្រមាណ ៣ ឆ្នាំ ដោយមិនដឹងមូលហេតុ
-
ចរាចរណ៍១ សប្តាហ៍ agoពលរដ្ឋអ្នកធ្វើដំណើរ គាំទ្រចំពោះការដាក់រនាំងដែកពុះចែកទ្រូងផ្លូវ នៅផ្លូវ ៦០ ម៉ែត្រ ដើម្បីកាត់បន្ថយគ្រោះថ្នាក់ចរាចរណ៍
-
ព័ត៌មានអន្ដរជាតិ១ សប្តាហ៍ agoអាមេរិក ផ្អាកជំនួយនៅបរទេសទាំងអស់ លើកលែងតែប្រទេសចំនួន២
-
ព័ត៌មានជាតិ២ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៥ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
ព័ត៌មានអន្ដរជាតិ៣ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
សន្តិសុខសង្គម១៩ ម៉ោង agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ២២ ម៉ោង agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានជាតិ៤ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»