កីឡា

ប្រកួតថ្ងៃស្អែក ព្រំ សំណាង សន្យាវ៉ៃឲ្យអស់ពីសមត្ថភាពដើម្បីអ្នកគាំទ្រ

បានផុស

១ year មុន

នៅ

ថ្ងៃអង្គារ ១០ តុលា ២០២៣

ដោយ

ការប្រកួតក្នុងកម្មវិធី«ប៊ូសស្រ្ដង ជួយគុនខ្មែរ អ្នកខ្លាំងពូកែឲ្យឡាន ២០២៣» នាថ្ងៃពុធ ទី១១ ខែតុលា វេលាម៉ោង ៧យប់ នៅវិមានពហុកីឡដ្ឋានជាតិអូឡាំពិក ជើងខ្លាំងគុនខ្មែរ ព្រំ សំណាង ប្តេជ្ញាវ៉ៃឲ្យអស់ពីសមត្ថភាពដើម្បីអ្នកគាំទ្រ

ព្រំ សំណាង និយាយថា ៖«សម្រាប់ការប្រកួតថ្ងៃស្អែកគឺខ្ញុំបានហ្វឹកហាត់គ្រាប់គ្រាន់។ ខ្ញុំនឹងប្រឹងប្រកួតឲ្យអស់ពីសមត្ថភាពដើម្បីលួងទឹកចិត្តអ្នកគាំទ្រ។ ខ្ញុដឹងថា ការប្រកួតលើកមុន ខ្ញុំធ្វើមិនបានល្អ អត់បានចេញកែង និងក្បាច់អ្វីសោះ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតចុងក្រោយ កីឡាករ ព្រំ សំណាង បានចាញ់ជើងខ្លាំងមកពីអាមេរិក Banasak Pawell ធ្វើឲ្យមិនទទួលបានខ្សែក្រវាត់ IPCC អន្តរទ្វីប។ ពេលនោះ ទោះចាញ់ប្រៀបខាងកម្ពស់ ក៏រូបគេមិនបានប្រើកណ្តាប់ដៃ កែង និងទាត់ឡើយ។ រូបគេក៏ព្យាយាមអោបដើម្បីឡើងជង្គង់ ប៉ុន្តែធ្វើមិនបានល្អ។

ការប្រកួតថ្ងៃស្អែក ព្រំ សំណាង ត្រូវជួបជើងខ្លាំងមកពីអ៊ុយក្រែនកីឡាករ Vladyslav ក្នុងជំនួបមិត្តភាពអន្តរជាតិ។ កីឡាករបានបន្ថែមថា៖«សម្រាប់ការប្រកួតថ្ងៃស្អែកគឺខ្ញុំសង្ឃឹមច្រើន ព្រោះខ្ញុំបានត្រៀមខ្លួន និងហ្វឹកហាត់បានល្អជាងមុន។ ចំពោះលទ្ធផលយើងមិនអាចកំណត់បានទេ។ ខ្ញុំសន្យាថា ការប្រកួតថ្ងៃស្អែកនេះ ខ្ញុំនឹងប្រឹងឲ្យអស់ពីសមត្ថភាពដើម្បីអ្នកគាំទ្ររបស់ខ្ញុំ»៕

អត្ថបទ៖ ផា រតនា