កីឡា
លោក Félix ប្រាប់ពីសារសំខាន់កីឡាករបរទេសចូលជម្រើសជាតិកម្ពុជា
គ្រូបង្វឹកក្រុមបាល់ទាត់ជម្រើសជាតិកម្ពុជា លោក Félix Dalmás បានចាត់ទុកកីឡាករសញ្ជាតិដើមជប៉ុន Yudai Ogawa និងកីឡាករ Privat Mbarga ជាធនធានដ៏សំខាន់ក្នុងក្រុមបាល់ទាត់ជម្រើសជាតិកម្ពុជា។
![](https://www.kampucheathmey.com/wp-content/uploads/2023/10/KPT-Conversation-with-Cambodian-national-coach-Felix-Dalmaz-1-1024x683.jpg)
នៅព្រឹកថ្ងៃទី១១ ខែតុលា ឆ្នាំ២០២៣នេះ សហព័ន្ធកីឡាបាល់ទាត់កម្ពុជាបានប្រកាសជាផ្លូវការនូវកីឡាករសញ្ជាតិដើមកាមេរូន Privat Mbarga ចូលជម្រើសជាតិកម្ពុជា។ ការធ្វើសញ្ជាតូបនីកម្មរបស់កម្ពុជានៅពេលនេះគឺដើម្បីត្រៀមខ្លួនប្រកួតជាមួយប៉ាគីស្ថាន វគ្គជម្រុះបឋម ជើងឯកពិភពលោកឆ្នាំ២០២៦។
ក្នុងបទសម្ភាសជាមួយ«កម្ពុជាថ្មី» លោកគ្រូបង្វឹកជម្រើសជាតិកម្ពុជាបានប្រាប់ថា នៅប្រទេសផ្សេងៗបានធ្វើសញ្ជាតូបនីកម្មយូរមកហើយ។ ជាក់ស្តែងក្រុមជម្រើសហុងកុងខ្លាំងគឺសុទ្ធតែកីឡាករបរទេសចូលសញ្ជាតិ ហើយប្រទេសចិនមានកីឡាករប្រេស៊ីលជាច្រើនចូលជម្រើសជាតិ ខណៈប្រទេសបារាំងមានកីឡាករចូលសញ្ជាតិច្រើនណាស់។
![](https://www.kampucheathmey.com/wp-content/uploads/2023/10/Yudai-6-1024x683.jpg)
លោកបានបន្តថា កម្ពុជាទើបតែចាប់ផ្តើមប៉ុណ្ណោះ ហើយរំពឹងមានបន្តបន្ទាប់ទៀត បន្ទាប់វត្តមានកីឡាករ Yudai Ogawa និង Privat Mbarga។ លោកបានរៀបរាប់ថា ៖«តាមពិត យើងបានជជែកគ្នាយូរមកជុំវិញករណីនេះ។ វាជាឱកាសល្អមួយសម្រាប់ Yudai ក្លាយជាកីឡាករជម្រើសជាតិកម្ពុជា ហើយគាត់ចង់ស្នាក់នៅទីនេះយូរ។ គាត់ចង់មានឱកាសដើម្បីតំណាងឲ្យប្រទេសជាតិ។ ខ្ញុំមិនដឹងថា មានមនុស្សច្រើនដឹងរឿងនេះទេ។ គាត់សម្រេចចិត្តស្នាក់នៅទីនេះ ទោះគាត់មានឱកាសនៅកន្លែងផ្សេង។ គាត់ចង់មានពេលវេលាមួយដែលត្រូវតាមលក្ខន្តិកៈរបស់ FIFA ដូច្នេះហើយបានជាគាត់ផ្លាស់ប្តូរគំនិតដើម្បីបន្តនៅទីនេះ។ ខ្ញុំអាចយល់បានពីអ្វីដែលគាត់យកចិត្តទុកអំពីបាល់ទាត់កម្ពុជា។ ពីទំហំដែលគាត់ចង់លេងឲ្យជម្រើសជាតិ»។
![](https://www.kampucheathmey.com/wp-content/uploads/2023/10/Privat1-1-1024x1024.jpg)
នៅពេលសួរថា តើ Yudai នឹងនាំអត្ថប្រយោជន៍អ្វីខ្លះដល់ក្រុមជម្រើសជាតិកម្ពុជា លោក Félix Dalmás បានឆ្លើយថា ៖«ខ្ញុំគិតថា Yudai នឹងផ្តល់នូវអ្វីដែលយើងមិនមាននៅក្នុងក្រុមជម្រើសជាតិ ជាពិសេសនៅតំបន់បម្រើកណ្តាល។ គាត់មានគុណភាព គាត់មានចក្ខុវិស័យ ជាកីឡាករដែលមានគំរូជាអ្នកដឹកនាំ។ គាត់បានយល់ និងស្គាល់ច្រើនណាស់ពីកីឡាករ និងបាល់ទាត់កម្ពុជា។ យើងឃើញហើយ គាត់លេងនៅលីគ CPL រាល់សប្តាហ៍។ គាត់បង្ហាញខ្លួនក្នុងពានរង្វាន់ AFC Cup យ៉ាងល្អ។ គាត់ជាធនធានកីឡាករដ៏កម្រ និងជាកីឡាករសំខាន់ដែលមានកម្រិតគុណភាពខ្ពស់»។
![](https://www.kampucheathmey.com/wp-content/uploads/2023/10/Cambodian-national-team-5-1024x683.jpg)
លោកបានបន្ថែមថា Yudai និងកីឡាករចូលសញ្ជាតិផ្សេងទៀតនឹងមានឥទ្ធិពលទាំងនៅលើទីលាន និងក្រៅទីលានដល់ក្រុមជម្រើសជាតិកម្ពុជា ប៉ុន្តែលោកមិនអាចនិយាយបានទេថា ការប្រកួតដំបូង ពួកគេបង្ហាញខ្លួនល្អឥតខ្ចោះ។ ពួកគាត់ត្រូវការពេលវេលាខ្លះ។ និយាយជារួម កីឡាករបរទេសនឹងនាំមកនូវអ្វីថ្មី ពិសេសប្លែកទាំងក្នុងទីលាន និងក្រៅទីលាន ប្រកបដោយមានភាពវិជ្ជមាន និងវប្បធម៌បាល់ទាត់ថ្មី៕
អត្ថបទ៖ វីរបុត្រ
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៤ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ