កីឡា
ឥណ្ឌូណេស៊ីកំពុងពិភាក្សាជាមួយអូស្ត្រាលី ម៉ាឡេស៊ី និងសិង្ហបុរី ដើម្បីដេញថ្លៃ World Cup 2034
ការប្រជែងកៅអីធ្វើជាម្ចាស់ផ្ទះពានរង្វាន់បាល់ទាត់ពិភពលោក (FIFA World Cup 2034) ឆ្នាំ២០៣៤ កំពុងទទួលបានការចាប់អារម្មណ៍ខ្លាំង ស្របពេលប្រទេសឥណ្ឌូណេស៊ី កំពុងពិភាក្សាជាមួយអូស្ត្រាលី ម៉ាឡេស៊ី និងសិង្ហបុរីដើម្បីដេញថ្លៃធ្វើជាម្ចាស់ផ្ទះរួមគ្នា។
ប្រទេសអារ៉ាប៊ីសាអ៊ូឌីត ដែលបានដាក់សំណើរជាផ្លូវការ និងចុះហត្ថលេខាលើសេចក្តីប្រកាសមួយកាលពីដើមសប្តាហ៍នេះ ហាក់ដូចជាការដេញថ្លៃតែម្នាក់ឯងគត់រហូតដល់ពេលនេះ។
FIFA បានកំណត់ត្រឹមថ្ងៃទី៣១ ខែតុលា ដែលមានតែប្រទេសនៅទ្វីបអាស៊ី និងទ្វីបអូសេអានីប៉ុណ្ណោះដែលមានសិទ្ធិដេញថ្លៃសម្រាប់ព្រឹត្តិការណ៍ឆ្នាំ២០៣៤។
ថ្លែងទៅកាន់ Sydney Morning Herald ប្រធានសមាគមកីឡាបាល់ទាត់ឥណ្ឌូណេស៊ី លោក Erick Thohir បាននិយាយថា៖ «យើងកំពុងពិភាក្សា (ដេញថ្លៃ) ជាមួយអូស្ត្រាលី។ នៅពេលខ្ញុំធ្វើទស្សនកិច្ចនៅម៉ាឡេស៊ី និងសិង្ហបុរី ប្រទេសទាំងពីរក៏បានបង្ហាញចំណាប់អារម្មណ៍ចូលរួមជាមួយឥណ្ឌូណេស៊ី និងអូស្ត្រាលីដែរ»។
«យើងមានជំហររឹងមាំណាស់។ ខ្ញុំគិតថា FIFA នឹងឃើញថា តំបន់មជ្ឈិមបូព៌ាធ្លាប់ធ្វើជាម្ចាស់ផ្ទះនៅកាតារ កាលពីឆ្នាំមុន។ ជប៉ុន និងកូរ៉េក៏ធ្លាប់ធ្វើជាម្ចាស់ផ្ទះដែរ។ ខ្ញុំប្រាកដថា FIFA នឹងសាកល្បងប្រទេសផ្សេងទៀត។ សក្កានុពលក្នុងការឈ្នះ ប្រសិនបើយើងចូលរួមជាមួយអូស្ត្រាលី ម៉ាឡេស៊ី និងសិង្ហបុរី គឺវាធំធេង»។ លោក Erick Thohir បានបន្ថែម។
ទីភ្នាក់ងារសារព័ត៌មានឥណ្ឌូណេស៊ី Antara បានផ្សាយថា លោកប្រធានាធិបតី Joko Widodo បានគាំទ្រការសម្រេចចិត្តនេះ ប៉ុន្តែមិនទាន់ជាផ្លូវការនៅឡើយ។
លោក Thohir ក៏បាននិយាយដែរថា ការវិវឌ្ឍមិនមែនជារឿងថ្មីនោះទេ។ ការពិភាក្សាបានធ្វើឡើងជាមួយអូស្ត្រាលី តាំងពីឆ្នាំ២០១៧ មកម្ល៉េះ។
យ៉ាងណាមិញ ឥណ្ឌូណេស៊ី នឹងធ្វើម្ចាស់ផ្ទះការប្រកួតបាល់ទាត់ពិភពលោកអាយុក្រោម១៧ឆ្នាំ (FIFA U-17 World Cup) ឆ្នាំ២០២៣ ចាប់ពីថ្ងៃទី១០ ខែវិច្ឆិកា ដល់ថ្ងៃទី២ ខែធ្នូ។ កាលពីខែមីនា ប្រទេសនេះត្រូវបានដកហូតសិទ្ធិធ្វើម្ចាស់ផ្ទះ FIFA U-20 World Cup ដោយសារការជំទាស់នឹងការចូលរួមរបស់អ៉ីស្រាអែល។
ការដេញថ្លៃរបស់អារ៉ាប៊ីសាអ៊ូឌីត សម្រាប់ការប្រកួតបាល់ទាត់ពិភពលោក ឆ្នាំ២០៣៤ ក៏ប្រឈមមុខនឹងការរិះគន់ចំពោះការលាងកីឡាដោយសារកំណត់ត្រាសិទ្ធិមនុស្សមិនល្អរបស់ប្រទេសនេះ។
ទោះជាយ៉ាងណាក៏ដោយ នោះមិនបានបញ្ឈប់មហិច្ឆតារបស់ប្រទេសឈូងសមុទ្រ ដែលបានវីនិយោគរាប់ពាន់លានដុល្លារ នៅក្នុងលីគអារ៉ាប៊ីសាអ៊ូឌីត និងបានទាក់ទាញកីឡាករល្បីមួយចំនួន។
ប្រទេសអេស្ប៉ាញ ម៉ារ៉ុក និងព័រទុយហ្គាល់ គ្រោងនឹងរៀបចំការប្រកួតបាល់ទាត់ពិភពលោកឆ្នាំ២០៣០ ដោយមានអ៊ុយរូហ្គាយ ប៉ារ៉ាហ្គាយ និងអាហ្សង់ទីន ធ្វើជាម្ចាស់ផ្ទះការប្រកួតបើកឆាក៕
ប្រែសម្រួល៖ មន្នីរ័ត្ន
ប្រភព៖ insidethegames.biz
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?