កីឡា
តើកម្ពុជាបង្កើតកំណត់ត្រាឡើងជុំទី២ជាលើកទី៣បានទេប៉ះប៉ាគីស្ថានថ្ងៃនេះ?
ក្រុមបាល់ទាត់ជម្រើសជាតិកម្ពុជានឹងប្រកួតជាមួយជម្រើសជាតិប៉ាគីស្ថាន ជើងទី២ វគ្គជម្រុះជុំទី១ ជើងឯកពិភពលោកឆ្នាំ២០២៦ វេលាម៉ោង៤រសៀលថ្ងៃទី១៧ ខែតុលា ឆ្នាំ២០២៣ នៅកីឡដ្ឋាន Jinnah ក្នុងទីក្រុង អីស្លាម៉ាបាដ។
នេះជាការប្រកួតកាត់សេចក្តីដើម្បីស្វែងរក១ក្រុមឡើងទៅវគ្គជម្រុះជុំទី២។ ក្រុមកម្ពុជាហាក់ខកចិត្តនៅក្នុងផ្ទះរបស់ខ្លួន បន្ទាប់ពីបានបញ្ចប់ទៅដោយលទ្ធផលគ្មានគ្រាប់បាល់ ០-០ ក្នុងជើងទី១ នៅពហុកីឡដ្ឋានជាតិអូឡាំពិក កាលពីថ្ងៃទី១២ ខែតុលា ឆ្នាំ២០២៣។
លទ្ធផលស្មើគ្នានៅជើងទី១ជាអ្វីដែលប៉ាគីស្ថានសប្បាយចិត្ត ខណៈក្នុងប្រវត្តិក្រុមមួយនេះមិនធ្លាប់ស្មើ ឬឈ្នះកម្ពុជាឡើយ។ ទាំងនេះបានធ្វើឲ្យពួកគេមានកម្លាំងចិត្តក្នុងការប្រកួតនៅជើងទី២ក្នុងផ្ទះរបស់ខ្លួន ហើយក៏ជាការប្រកួតក្នុងផ្ទះលើកដំបូងថែមទៀត បន្ទាប់ពីត្រូវបានហាមធ្វើម្ចាស់ផ្ទះក្នុងដីរបស់ខ្លួនអស់រយៈពេល៨ឆ្នាំមកហើយដោយសារបារម្ភពីសុវត្ថិភាព។
ដោយឡែក កម្ពុជានឹងបង្កើតស្ថិតិឡើងជុំទី២ជាលើកទី៣ ក្នុងវគ្គជម្រុះជើងឯកពិភពលោក ប្រសិនបើទទួលបានលទ្ធផលល្អជាមួយប៉ាគីស្ថានជើងទី២នេះ។
វគ្គជម្រុះជុំទី១ ជើងឯកពិភពលោកឆ្នាំ២០១៨ ក្រុមកម្ពុជាបានឡើងវគ្គជម្រុះជុំទី២ បន្ទាប់ពីបានយកឈ្នះលើ ម៉ាកាវ គឺជើងទី១ ឈ្នះ ៣-០ នៅថ្ងៃទី១២ ខែមីនា ឆ្នាំ២០១៥ នៅទឹកដីកម្ពុជា និងជើងទី២ ស្មើគ្នា ១-១ នៅថ្ងៃទី១៧ ខែមីនា ឆ្នាំ២០១៥ នៅទឹកដីម៉ាកាវ។
វគ្គជម្រុះជុំទី១ ជើងឯកពិភពលោក ឆ្នាំ២០២២ ក្រុមកម្ពុជា បានឡើងទៅជុំទី២ បន្ទាប់ពីបានយកឈ្នះ ប៉ាគីស្ថាន ក្នុងជើងទី១ ដោយលទ្ធផល ២-០ ថ្ងៃទី៦ ខែមិថុនា ឆ្នាំ២០១៩ នៅរាជធានីភ្នំពេញ និងជើងទី២ ដោយលទ្ធផល ២-១ នៅថ្ងៃទី១១ ខែមិថុនា ឆ្នាំ២០១៩ នៅប្រទេសកាតារដែលជាទឹកដីកណ្តាល៕
អត្ថបទ៖ វីរបុត្រ
ទ្រព្យសម្បត្តិមហាសេដ្ឋីពិភពលោក កើនដល់ ១៥ ទ្រីលានដុល្លារក្នុងឆ្នាំ ២០២៤
ការស្រាវជ្រាវនៅឧទ្យានជាតិវីរៈជ័យ ប្រទះរកឃើញឈ្លូសយក្ស ប្រភេទសត្វជិតផុតពូជនៅកម្ពុជា
ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ ប្ដូរឈ្មោះដាក់ទៅជា «អាកាសចរណ៍ជាតិកម្ពុជា»
សេចក្ដីជូនដំណឹង ស្ដីពីការអញ្ជើញចូលរួមដេញថ្លៃគម្រោងទិញប្រេងឥន្ធនៈប្រចាំឆ្នាំ២០២៥
Elon Musk ទះដៃសប្បាយអរជាងគេ ខណៈកូនពៅលោកត្រាំ បែរស្ងប់ស្ងាត់ខ្លាំង
ចូលកាន់តំណែងភ្លាម លោក ត្រាំ ប្រកាសអាសន្ននៅព្រំដែនជាប់ ម៉ិកស៊ិក ភ្លែត
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
សហភាពអឺរ៉ុបរកឃើញសំណល់ថ្នាំកសិកម្មលើសកម្រិត ក្នុងអង្ករកម្ពុជា ខណៈអង្ករមួយចំនួនត្រូវដឹកត្រឡប់មកវិញ
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ចរាចរណ៍១ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានជាតិ៧ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៥ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៥ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ