កីឡា
អវត្តមាន Privat និង វឌ្ឍនាកា ធ្វើឲ្យកម្ពុជាកាន់តែជួបបញ្ហាក្នុងតំបន់ប្រយុទ្ធ
ក្រុមជម្រើសជាតិកម្ពុជាត្រូវជួបជាមួយក្រុមជម្រើសជាតិប៉ាគីស្ថានក្នុងការប្រកួតជើងទី២ វគ្គជម្រុះបឋមពានរង្វាន់ពិភពលោកឆ្នាំ២០២៦ នៅកីឡដ្ឋាន Jinnah ក្នុងទីក្រុង អីស្លាម៉ាបាដ វេលាម៉ោង៤ រសៀល។
ការប្រកួតជើងទី២កម្ពុជានៅតែជួបបញ្ហាកង្វះកីឡាករនៅតំបន់ប្រយុទ្ធដោយសារកីឡាករដើមកំណើតកាមេរូន ទើបចូលសញ្ជាតិកម្ពុជា Privat Mbarga និងកីឡាករ ចាន់ វឌ្ឍនាកា នៅតែមិនបន្តចូលរួមជាមួយក្រុមជម្រើសជាតិ។ ក្រុមកម្ពុជានឹងត្រូវធ្វើការធ្ងន់នារសៀលនេះ ដោយសារការប្រកួតជើងទី១នៅពហុកីឡដ្ឋានជាតិអូឡាំពិកបានត្រឹមលទ្ធផល ០-០ ក្នុងនាមម្ចាស់ផ្ទះ។
![](https://www.kampucheathmey.com/wp-content/uploads/2023/10/Featured-Imag-copy-2-25-1024x614.jpg)
ការប្រកួតជើងទី១ កម្ពុជាធ្វើមិនបានល្អទេ ដោយពិបាករកឱកាសក្នុងការស៊ុតសំដៅទីលើក្រុមប៉ាគីស្ថាន។ ការប្រកួត៩០នាទីពេញកម្ពុជាស៊ុតបាន៩លើក ប៉ុន្តែចំគោលដៅតែ២លើកប៉ុណ្ណោះ។ ចំពោះខ្សែប្រយុទ្ធ២រូបកីឡាករ ឃាន់ សុប៉ិន និង រុឹង ប៊ុនហៀង ដែលលោក Félix Dalmás ជ្រើសរើសមកគឺសុទ្ឌតែជាកីឡាករដែលមាននាទីលេងតិចក្នុងលីគកំពូលកម្ពុជា។ នេះក៏ជាហេតុមួយដែលធ្វើឲ្យកម្ពុជាជួបបញ្ហាក្នុងតំបន់ប្រយុទ្ធ។ លោក Félix ក៏ធ្លាប់លើកឡើងពីបញ្ហាកង្វះខ្សែប្រយុទ្ធក្នុងប្រអប់ ដោយសារក្លិបនៅលីគកំពូលកម្ពុជាភាគច្រើនគឺប្រើប្រាស់ធនធានកីឡាករបរទេសក្នុងតំបន់ប្រយុទ្ធ។
![](https://www.kampucheathmey.com/wp-content/uploads/2023/10/watermaker-photo-copy-10-1024x683.jpg)
![](https://www.kampucheathmey.com/wp-content/uploads/2023/10/watermaker-photo-copy-11-1024x683.jpg)
ក្នុងជំនួបរសៀលនេះសមាជិកភ្នំពេញក្រោន៤រូបគឺកីឡាករ Yudai Ogawa, អ៊ន ចាន់ប៉ូលីន, យ៉ើ មូស្លីម និងកីឡារ ជួន ចាន់ចាវ នឹងក្លាយជាតួអង្គដ៏សំខាន់ក្នុងតំបន់បម្រើកណ្ដាលនិងតំបន់ការពារ។ ការប្រកួតជើងទី១ សមាជិកភ្នំពេញ៤រូបនេះពិតជាធ្វើបានល្អមែនទែន ជាពិសេសកីឡាករ Yudai Ogawa លេង៩០នាទីហើយបំពេញតួនាទីរបស់ខ្លួនក្នុងតំបន់បម្រើកណ្តាលបានយ៉ាងល្អ។ រូបគេក៏ជាប់ឈ្មោះជាកីឡាករដែលលេងល្អបំផុតក្នុងការប្រកួតនោះផងដែរ៕
![](https://www.kampucheathmey.com/wp-content/uploads/2023/10/watermaker-photo-copy-12-1024x683.jpg)
![](https://www.kampucheathmey.com/wp-content/uploads/2023/10/watermaker-photo-copy-13-1024x683.jpg)
អត្ថបទ៖ ផា រតនា
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ