កីឡា

របៀបគណនាចំណាត់ថ្នាក់់ក្រុមជម្រើសជាតិនីមួយៗរបស់ FIFA

បានផុស

១ year មុន

នៅ

ថ្ងៃសុក្រ ២០ តុលា ២០២៣

ដោយ

ការធ្វើចំណាត់ថ្នាក់ក្រុមបាល់ទាត់ជម្រើសជាតិត្រូវបានអនុវត្តចំពោះសមាជិកទាំង ២១១ របស់ សហព័ន្ធកីឡាបាល់ទាត់អន្តរជាតិ (FIFA) ដែលធ្វើបច្ចុប្បន្នភាពជារៀងរាល់ខែ។ ចំនួនពិន្ទុសរុបរបស់ក្រុមជម្រើសជាតិមួយត្រូវបានគណនាបន្ថែមដោយចំនួនពិន្ទុដែលបានប្រកួតក្នុងរយៈពេល១២ខែចុងក្រោយ ប្រៀបធៀបនឹងចំនួនពិន្ទុជាមធ្យមពីការប្រកួតក្នុងរយៈពេលលើសពី១២ខែ។

ដូច្នេះជាមូលដ្ឋានធំបំផុត សម្រាប់ធ្វើចំណាត់ថ្នាក់របស់ FIFA ត្រូវបានកំណត់ដោយដូចខាងក្រោម៖

ពិន្ទុមធ្យមភាគក្នុងរយៈពេល១២ខែ + ពិន្ទុមធ្យមភាគក្នុងរយៈពេល៣៦ខែមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបមន្តប្រើសម្រាប់ការគណនាពិន្ទុ

FIFA បានបង្កើតរូបមន្តសម្រាប់គណនាចំនួនពិន្ទុក្រុមអាចទទួលបានពីការប្រកួតមួយលើក (P) ដែលអាស្រ័យលើកត្តាដូចខាងក្រោម៖

ការប្រកួតឈ្នះ ឬស្មើ តាងដោយអក្សរ (M)
កម្រិតនៃការប្រកួត តាងដោយអក្សរ (I)
កម្រិតក្រុមដែលជាគូប្រជែងនិងមូលដ្ឋានរបស់សហព័ន្ធរបស់ក្រុមនោះ (T&C)

រូបមន្តគណនា៖ P = M x I x T x C (M គុណ I គុណ T គុណC)

ការគណនា (M)

ក្រុមទទួលបាន៣ពិន្ទុសម្រាប់ការឈ្នះ ១ពិន្ទុសម្រាប់ស្មើ និងសូន្យពិន្ទុសម្រាប់ការចាញ់។ ក្នុងករណីការឈ្នះដោយស៊ុតបាល់ប៉េណាល់ទី ទទួលបាន២ពិន្ទុ ហើយក្រុមចាញ់ទទួលបានមួយពិន្ទុ។

ឈ្នះការប្រកួត បាន ៣ពិន្ទុ
ស្មើការប្រកួត បាន ១ពិន្ទុ
ចាញ់ការប្រកួត បាន ០ពិន្ទុ
ឈ្នះដោយប៉េណាល់ទី១១ម៉ែត្រកាត់សេចក្តី បាន ២ពិន្ទុ
ឈ្នះទាត់ពិន័យ១១ម៉ែត្រកាត់សេចក្តី បាន ១ពិន្ទុ

ការគណនា ‘I’

សារសំខាន់នៃការប្រកួតត្រូវបានវាយតម្លៃពី១ ដល់៤ ហើយអាស្រ័យលើថាតើវាជាការប្រកួតមិត្តភាព (១) ការប្រកួតបាល់ទាត់ពិភពលោក ឬវគ្គជម្រុះកម្រិតសហព័ន្ធ (២.៥) ការប្រកួតវគ្គផ្តាច់ព្រ័ត្រកម្រិតសហព័ន្ធ (៣) ឬការប្រកួតបាល់ទាត់ពិភពលោក (៤)

ការប្រកួតមិត្តភាព បាន ១ពិន្ទុ
ការប្រកួត World Cup និងការប្រកួតជម្រុះផ្សេង បាន ២.៥ពិន្ទុ
ការប្រកួតវគ្គផ្តាច់ព្រ័ត្រកម្រិតសហព័ន្ធ & Confederations Cup បាន៣ពិន្ទុ
ការប្រកួតវគ្គផ្ដាច់ព្រ័ត្រ World Cup បាន៤ពិន្ទុ

ការគណនា ‘T’

ដើម្បីគណនាភាពខ្លាំងរបស់ក្រុមគូប្រជែង FIFA ប្រើរូបមន្តដូចខាងក្រោម៖
FIFA កំណត់យកលេខចំនួន ២០០ ដកនឹងចំណាត់ថ្នាក់ដែលក្រុមជម្រើសជាតិកំពុងតែឈរ (ដោយផ្អែកលើចំណាត់ថ្នាក់ថ្មីៗបំផុត)។ ឧទាហរណ៍ ដោយផ្អែកលើចំណាត់ថ្នាក់កាលពីខែកញ្ញា ឆ្នាំ២០១៧ ក្រុមជម្រើសជាតិព័រទុយហ្គាល់ឈរចំណាត់ថ្នាក់លេខ៣ ដូច្នេះព័រទុយហ្គាល់មានថ្នាក់ភាពខ្លាំងចំនួន១៩៧ (២០០ដក៣)។

ទោះយ៉ាងណាក៏ដោយមានករណីពិសេសមួយចំពោះក្រុមដែលស្ថិតនៅកំពូលនៃចំណាត់ថ្នាក់តែងតែត្រូវបានផ្តល់លេខចំួនន២០០ក្នុងការគណនា។ ខណៈក្រុមមានចំណាត់ថ្នាក់ទី១៥០ និងក្រោមនោះត្រូវបានផ្តល់តម្លៃអប្បបរមាត្រឹម៥០ ប៉ុណ្ណោះដើម្បីយកមកគណនាភាពខ្លាំងរបស់ក្រុម។

ការគណនា ‘C’

ភាពខ្លាំងរបស់សហព័ន្ធមួយគិតទៅលើចំនួននៃការទទួលបានជ័យជម្នះក្នុងការប្រកួតវគ្គផ្តាច់ព្រ័ត្រ World Cup ចំនួនបីចុងក្រោយ។

តម្លៃបច្ចុប្បន្នមានដូចខាងក្រោម៖