កីឡា
គ្រូបង្វឹក២រូបដឹកនាំក្រុមជម្រើសជាតិកម្ពុជាបានច្រើនជាគេ
ក្នុងរយៈពេល២០ឆ្នាំចុងក្រោយនេះកម្ពុជាមានការផ្លាស់ប្តូរគ្រូបង្វឹកជាច្រើន ប៉ុន្តែក្នុងនោះមានគ្រូបង្វឹក២រូបបានដឹកនាំក្រុមជម្រើសជាតិលើសពី៣០ប្រកួត ក្នុងប្រវត្តិសាស្រ្តបាល់ទាត់ជម្រើសជាតិកម្ពុជា។

១. លោក Lee Tae-hoon
លោក Lee Tae-hoon បច្ចុប្បន្នវ័យ៥២ឆ្នាំ ជនជាតិកូរ៉េខាងត្បូងគឺជាគ្រូបង្វឹកក្រុមជម្រើសជាតិកម្ពុជាដំបូងបង្អស់ដែលបានដឹកនាំរហូតដល់ចំនួន៤៥ប្រកួត។ លើកទី១ពីឆ្នាំ២០១០ដល់២០១២ លោកដឹកនាំក្រុមកម្ពុជាប្រកួតបាន១០លើក ក្នុងនោះឈ្នះ៣ ចាញ់២ និងស្មើ៥។ លើកទី២ពីឆ្នាំ២០១៣ ដល់២០១៧ លោកបានដឹកនាំបាន៣៥លើកក្នុងនោះ ឈ្នះ១៣ ចាញ់២០ និងស្មើ២។
សមិទ្ធផលល្អបំផុតរបស់លោក Lee Tae-hoon គឺជួយក្រុមកម្ពុជាឆ្លងផុតវគ្គជម្រុះជុំទី១ ជើងឯកពិភពលោកឆ្នាំ២០១៨ ក្រោយឈ្នះក្រុមម៉ាកាវ សរុបទាំងពីរជើងដោយលទ្ធផល៤-១។

២. លោក Keisuke Honda
លោក Keisuke Honda ជនជាតិជប៉ុន វ័យ៣៧ឆ្នាំ គឺជាបង្វឹកទី២ បន្ទាប់ពីលោក Lee Tae-hoon ដែលដឹកនាំក្រុមជម្រើសជាតិបានច្រើនជាងគេ។
កាលពីខែសីហា ឆ្នាំ២០១៨ កាលនៅជាកីឡាករ លោក Honda ត្រូវបានតែងតាំងជាអ្នកចាត់ការទូទៅរបស់កម្ពុជា។ ពេលនោះអ្នកដឹកនាំនៅលើទីលានផ្ទាល់គឺលោក Felix Dalmas។ ឆ្នាំ២០១៨ ដល់ ២០២៣ លោក Keisuke Honda បានដឹកនាំក្រុមកម្ពុជាបាន៣៤ប្រកួតក្នុងនោះ ឈ្នះ៨ ចាញ់២១ និងស្មើ៤។
លោក Honda បានសហការជាមួយលោក Felix Dalmas ជួយក្រុមកម្ពុជាឆ្លងផុតវគ្គជម្រុះជុំទី១ ជើងឯកពិភពលោក ឆ្នាំ២០២២ ក្រោយឈ្នះ ប៉ាគីស្ថាន ទាំងពីរជើង ៤-១។ លោកក៏រួមដៃគ្នាជាមួយលោក Felix ជួយក្រុម U23 កម្ពុជាបានឡើងវគ្គពាក់កណ្តាលផ្តាច់ព្រ័ត្រកីឡាស៊ីហ្គេម ឆ្នាំ២០១៩ ដែលនេះជាលើកដំបូងរបស់កម្ពុជាបានឡើងវគ្គ៤ក្រុមចុងក្រោយ និងទទួលបានចំណាត់ថ្នាក់លេខ៤។
ការដឹកនាំចុងក្រោយបំផុតរបស់លោក Keisuke Honda នៅក្នុងព្រឹត្តិការណ៏ស៊ីហ្គេម ឆ្នាំ២០២៣ ដែលក្រុម U23 កម្ពុជាធ្លាក់ត្រឹមវគ្គសន្សំពិន្ទុក្នុងពូល៕

អត្ថបទ៖ ផា រតនា

-
ព័ត៌មានអន្ដរជាតិ១០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?