កីឡា

ឃួន ឡាំងកូស៊ីន របួសបាក់ឆ្អឹងដងកាំបិត ក្រោយឈ្នះ ធន់ ស៊ីហុង ទទួលបានពានម៉ារ៉ាតុន

បានផុស

១ year មុន

នៅ

ថ្ងៃចន្ទ ២៣ តុលា ២០២៣

ដោយ

កីឡាករប្រដាល់ ឃួន ឡាំងកូស៊ីន បានរបួសបាក់ឆ្អឹងដងកាំបិតនៅពេលប្រកួតជាមួយកីឡាករ ធន់ ស៊ីហុង វគ្គផ្តាច់ព្រ័ត្រដណ្តើមពានរង្វាន់ម៉ារ៉ាតុន ក្នុងកម្មវិធី ICY COOL សង្វៀនគុនខ្មែរ កាលពីថ្ងៃសៅរ៍ ទី២១ ខែតុលា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតជុំទី១ ឃួន ឡាំងកូស៊ីន បានផ្តួលកីឡាករ ម៉ាលី អូប៉ ឲ្យសន្លប់ក្នុងទឹកទី២ដើម្បីឡើងទៅកាន់វគ្គផ្តាច់ព្រ័ត្រ ជួបកីឡាករ ធន់ ស៊ីហុង ដែលបានផ្តួលកីឡាករ អេលីត សេងទ្រី នៅទឹកទឹកទី២ដូចគ្នា។

ការប្រកួតវគ្គផ្តាច់ព្រ័ត្រ ឃួន ឡាំងកូស៊ីន និង ធន់ ស៊ីហុង បានតស៊ូគ្នា៣ទឹកពេញ និងគួរឲ្យចាប់អារម្មណ៍។ ចៅក្រមទាំង៥រូបបានផ្តល់ពិន្ទុឲ្យ ឡាំងកូស៊ីន ទទួលបានជ័យជម្នះដោយពិន្ទុមិនឯកច្ឆន្ទ៣ទល់២ដើម្បីក្លាយជាម្ចាស់ពានរង្វាន់ម៉ារ៉ាតុនអមដោយប្រាក់រង្វាន់៤លានរៀល។

ក្រោយចប់ការប្រកួត ឃួន ឡាំងកូនស៊ីន បានទៅពេទ្យពិនិត្យអាការឈឺចាប់ ហើយជាលទ្ធផលឃើញរបួសបាក់ឆ្អឹងដងកាំបិតដែលត្រូវឲ្យរូបគេចំណាយពេលព្យាបាលយូរ៕