Connect with us

កីឡា

គ្រូបង្វឹក​៤រូបឈ្នះពានរង្វាន់ UCL ច្រើនជាងគេបំផុតក្នុងប្រវត្តិសាស្ត្រ

បានផុស

នៅ

UEFA Champion League គឺជាពានរង្វាន់លំដាប់កំពូលក្នុងទ្វីបអឺរ៉ុប​ដែល​​ជា​បំណង​ប្រាថ្នា​របស់​គ្រូ​បង្វឹក និង​ក្លិប​ធំ​ៗ​នៅអឺរ៉ុប។ គ្រូ​បង្វឹក​ឆ្នើម​៤​រូប​​ដែល​បាន​ឈ្នះពានរង្វាន់មួយ​នេះ​ច្រើន​​ជាងគេគិតត្រឹមឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.លោក Carlo Ancelotti  

លោក Carlo Ancelotti វ័យ៦៤ឆ្នាំ ជនជាតិអ៉ីតាលីគឺជាគ្រូបង្វឹកតែមួយរូបគត់ ដែលមានលទ្ធភាពឈ្នះពានរង្វាន់ UEFA Champion League ចំនួន៤​លើកជាមួយក្លិប២ផ្សេងគ្នាគិតត្រឹមឆ្នាំ២០២៣។ ឆ្នាំ២០០៣ លោក​បានជួយក្លិប AC Milan ឈ្នះពានរង្វាន់ Champion League លើកទី៦ ក្នុងប្រវត្តិសាស្រ្តរបស់ក្លិប ក្រោយយកឈ្នះ Juventus នៅវគ្គផ្តាច់ព័ត្រ ដោយបាល់ពិន័យ១១ម៉ែត្រក្នុងលទ្ធផល៣-២។ ជាថ្មីម្តងទៀតនៅ​ឆ្នាំ២០០៧ Ancelotti ​បាន​បន្តជួយ AC Milan ឈ្នះពានរង្វាន់ Champion League ក្រោយយកឈ្នះក្លិបហង្សក្រហម Liverpool ២-១ នៅ​វគ្គផ្ដាច់ព័ត្រ។

ឆ្នាំ២០១៤និង​ឆ្នាំ២០២២ លោក Ancelotti បានជួយក្លិបអធិរាជស Real Madrid ឈ្នះពានរង្វាន់ Champion League ២លើក។ ក្នុងនោះកាលពីឆ្នាំ២០១៤ Real Madrid បានយកឈ្នះក្លិប Atletico Madrid ក្នុងម៉ោងបន្ថែមដោយលទ្ធផល ៤-១ និងយកឈ្នះក្លិប Liverpool ១-០ ក្នុងវគ្គផ្ដាច់ព្រ័ត្រកាលពីឆ្នាំ២០២២។

២.លោក Bob Paisley

លោក Bob Paisley គឺជាវីរបុរសរបស់ក្លិបហង្សក្រហម Liverpool ​ដែល​បាន​​ចំណាយពេលជិត៥០ឆ្នាំជាមួយក្លិបដោយចាប់ផ្តើមតាំងពីកីឡាកររហូតដល់គ្រូបង្វឹក។ ក្នុងអាជីពជាគ្រូបង្វឹកលោក Bob Paisley បានជួយឲ្យក្លិប Liverpool ឈ្នះពានរង្វាន់ UEFA Champion League ៣លើកនៅក្នុងឆ្នាំ ១៩៧៧ ១៩៧៨ និង១៩៨១។ ក្នុងឆ្នាំ១៩៧៧ លោក Paisley ដឹកនាំក្រុម Liverpool យកឈ្នះក្រុម Borussia Mönchengladbach ដោយលទ្ធផល ៣-១ ។ ឆ្នាំ១៩៧៨ លោកបានដឹកនាំ Liverpool ឈ្នះក្លិប Club Brugge ក្នុងលទ្ធផល ១-០ និងចុងក្រោយឆ្នាំ១៩៨១ ​នាំ​ Liverpool បានយកឈ្នះក្លិប Real Madrid ក្នុងលទ្ធផល ១-០។

៣.លោក Zinedine Zidane

លោក Zinedine Zidane ជនជាតិបារាំង បច្ចុប្បន្នវ័យ៥១ឆ្នាំគឺជាគ្រូបង្វឹកតែរូបគត់ដែលដឹកនាំក្លិបអធិរាជសរ Real Madrid ឈ្នះពានរង្វាន់ UEFA Champion League ៣លើកជាប់គ្នាក្នុងប្រវត្តិសាស្រ្ត។ ឆ្នាំ២០១៦ លោក Zidane ដឹកនាំក្លិប Real Madrid ឈ្នះក្លិប Atletico Madrid ដោយបាល់ពិន័យ១១ម៉ែត្រកាត់សេចក្តីក្នុងលទ្ធផល ៥-៣ ក្រោយស្មើគ្នា ១-១។ ឆ្នាំ ២០១៧ Real Madrid បានយកឈ្នះ Juventus ក្នុងលទ្ធផល ៤-១ និងឆ្នាំ២០១៨ ​​បានយកឈ្នះ Liverpool ក្នុងលទ្ធផល ៣-១ ក្រោមការដឹកនាំរបស់លោក Zinedine Zidane។

៤. លោក Pep Guardiola

លោក Pep Guardiola ជនជាតិអេ្បស៉ាញ វ័យ៥២ឆ្នាំគឺជាគ្រូបង្វឹកទី៤ ដែលឈ្នះពានរង្វាន់ UEFA Champion League ៣លើកគិតត្រឹមឆ្នាំ២០២៣។ ឆ្នាំ២០០៩ លោកបានជួយក្លិបអ្នកមានបុណ្យ FC Barcelona យកឈ្នះក្លិប​បិសាចក្រហម Manchester United ក្នុងលទ្ធផល ២-០។ ឆ្នាំ២០១១ លោកបន្តជួយក្លិប FC Barcelona យកឈ្នះក្លិប Manchester United ដោយលទ្ធផល ៣-១ ជាថ្មី​ទៀត​។

ថ្មីៗ​នេះ​គឺ​ឆ្នាំ២០២៣ លោក Pep បានជួយឲ្យក្លិប Manchester City ឈ្នះពានរង្វាន់ UEFA Champion League លើកដំបូងក្នុងប្រវត្តិសាស្រ្តរបស់ក្លិប ក្រោយយកឈ្នះ Inter Milan ក្នុងលទ្ធផល ១-០ នៅវគ្គផ្ដាច់ព័ត្រ៕

អត្ថបទ៖ ផា រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

​រូប​ភាព​រលំបាក់​អគារ​គួររន្ធត់​នៅថៃ ប៉ុន្តែ​​អាជ្ញាធរ​​បញ្ជាក់ថា​ ចំនួន​អ្នកស្លាប់​មាន៩នាក់​ដល់​ពេលនេះ​

ព័ត៌មានអន្ដរជាតិ៣ ម៉ោង មុន

​​រហូត​ដល់​ពេល​នេះ មីយ៉ាន់​ម៉ារកឃើញ​អ្នក​ស្លាប់​​​និងរបួស​ជិត​៩០០​នាក់​ក្នុងគ្រោះរញ្ជួយដី​

ព័ត៌មានជាតិ៥ ម៉ោង មុន

ក្រុមហ៊ុន​បច្ចេកវិទ្យា​ទំនើប​​ចិន ប្ដេជ្ញា​ជំរុញ​កម្មវិធី​សិក្សា TVET កម្ពុជា ឱ្យ​ស្រប​តាមស្តង់ដារ​សិក្សា​នៃ​ប្រទេសចិន និងអាល្លឺម៉ង់

ព័ត៌មានជាតិ៦ ម៉ោង មុន

មន្ត្រីក្រសួងសេដ្ឋកិច្ច ៖ ម្ចាស់​អាជីវកម្ម ដែលប្រឈមហានិភ័យ ត្រូវ​មាន​ធានារ៉ាប់រង​សម្រាប់​អាជីវកម្ម​ខ្លួន

ព័ត៌មានអន្ដរជាតិ៨ ម៉ោង មុន

​​តើគ្រោះ​​រញ្ជួយដី​កើត​នៅ​មីយ៉ាន់​ម៉ា​​​ប៉ះពាល់​និង​ជះឥទ្ធិពលដល់​ណាខ្លះ?​

ព័ត៌មានអន្ដរជាតិ១០ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ព័ត៌មានជាតិ២០ ម៉ោង មុន

បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព

ក្រុងប៉ោយប៉ែត
សន្តិសុខសង្គម៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ១០ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ១០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

Sokha Hotels

ព័ត៌មានពេញនិយម