កីឡា

សាលី អ៊ូម៉ើត«ការឈ្នះមេដាយនៅអាមេរិកគឺជាការលើកមុខមាត់កម្ពុជា

បានផុស

១ year មុន

នៅ

ថ្ងៃពុធ ២៥ តុលា ២០២៣

ដោយ

ក្រុមកីឡាករម៉ូតូទឹកកម្ពុជាបានឈ្នះមេដាយចំនួន៩គ្រឿងគឺមាស៤ ប្រាក់៤ និងសំរិទ្ធ១ក្នុងព្រឹត្តិការណ៍ប្រកួតលំដាប់ពិភពលោក Water Jet Ski World Series ឆ្នាំ២០២៣ នៅសហរដ្ឋអាមេរិកដែលការទទួលបានលទ្ធផលគួរជាទីគាប់ប្រសើរនេះជាការលើកមុខមាត់កម្ពុជាលើឆាកអន្តរជាតិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីធ្វើដំណើរមកដល់កម្ពុជាកាលពីល្ងាចថ្ងៃទី២៤ ខែតុលា វីរកីឡាករ សាលី អ៊ូម៉ើត ដែលបានដឹកនាំក្រុមកីឡាករកម្ពុជាទៅចូលរួមប្រកួតបាននិយាយក្នុងបទសម្ភាសថា៖«សម្រាប់ជ័យជម្នះដណ្តើមមេដាយក្នុងព្រឹត្តិការណ៍លំដាប់ពិភពលោកនេះបានបង្ហាញពីកម្ពុជាជាប្រទេសតូច ប៉ុន្តែមានបេះដូង និងឆន្ទៈធំ។ ការខិតខំប្រឹងប្រែងនេះគឺដើម្បីឲ្យប្រទេសមហាអំណាចនានាបានស្គាល់កម្ពុជា»។

កីឡាករ សាលី អ៊ូម៉ើត បានបន្ថែមថា៖«សម្រាប់ជ័យជម្នះនេះគឺបង្ហាញពីការដឹកនាំក្រុមម៉ូតូទឹកផ្ទាល់ដោយរូបខ្ញុំជាមួយការបង្វឹកយ៉ាងយកចិត្តទុកដាក់។ ទោះបីក្រុមកីឡាកររបស់យើងមានវ័យក្មេង ប៉ុន្តែពួកគេមានសមត្ថភាព។ ចំពោះបទពិសោធដែលខ្ញុំមានកន្លងមក ខ្ញុំបានចែករំលែកដល់ក្រុមកីឡាករក្មេងៗរបស់យើង។ ខ្ញុំតែងតែលើកទឹកចិត្តឲ្យខំប្រឹងឡើងកុំបាក់ទឹកចិត្តនៅអ្វីដែលយើងជួបហើយត្រូវប្រឹងដើម្បីឲ្យគេស្គាល់ប្រទេសកម្ពុជាយើង និងមើលឃើញថាកូនខ្មែរយើងអាចធ្វើបាន»។