កីឡា
ចេញទៅវ៉ៃនៅអូស្ត្រាលី ពេជ្រ សម្បត្តិ និង អេ អាំម៉ារីន បារម្ភរឿងមួយដូចគ្នា
អ្នកលេងគុនខ្មែរ៥រូបត្រូវចេញដំណើរទៅប្រទេសអូស្ត្រាលី ព្រឹកថ្ងៃទី៣០ ខែតុលា ឆ្នាំ២០២៣ ដើម្បីប្រកួតជាមួយកីឡាករម្ចាស់ផ្ទះសម្រាប់ការដណ្តើមខ្សែក្រវាត់ និងមិត្តភាពអន្តរជាតិ នាថ្ងៃទី៥ ខែវិច្ឆិកា។
កាលពីម្សិលមិញនេះមានសន្និសីទសារព័ត៌មានស្តីពីគោលបំណងនៃព្រឹត្តិការណ៍ប្រកួតនៅទឹកដីអូស្ត្រាលីដែលរៀបចំដោយ «គុនខ្មែរស៊ុបពើរហ្វៃត៍»។ កីឡាករកម្ពុជាទាំង៥រូបគឺ អេ អាំម៉ារីន ភូថង, ពេជ្រ សម្បត្តិ, លន បញ្ញា, ពេជ្រ ប៊ុនសិទ្ធ និង គឿម សុវណ្ណគីម ដែលអមដំណើរដោយលោកគ្រូ អេ ភូថង និងលោកគ្រូ ពេជ្រ សុផាន់ ព្រមទាំងអ្នកបច្ចេកទេស រួមទាំងពិធីករទៅជាមួយដែរ។
ក្នុងចំណោមកីឡាករទាំង៥រូបមាន៣រូបដែលត្រូវប្រកួតដណ្តើមខ្សែក្រវាត់គុនខ្មែរអន្តរជាតិគឺ អេ អាំម៉ារីនភូថង ប្រកួតជាមួយកីឡាករអូស្ត្រាលី Clinton Corke ជាម្ចាស់ខ្សែក្រវាត់ស្ថាប័ន Rise ដើម្បីដណ្ដើមខ្សែក្រវាត់ទម្ងន់៦៦គីឡូក្រាម។
តារាគុនខ្មែរកំពុងស្ថិតលើវិថីជោគជ័យនៃអាជីពគុនខ្មែរ ពេជ្រ សម្បត្តិ តទល់នឹងកីឡាករថៃ Tum Kitti Patkam ដើម្បីដណ្តើមខ្សែក្រវាត់ ហើយម្ចាស់មេដាយមាសស៊ីហ្គេម លន បញ្ញា ជួបជើងខ្លាំង Cian Lougheed របស់អូស្ត្រាលីក៏ដើម្បីដណ្តើមខ្សែក្រវាត់ដែរ។
ចំពោះការប្រកួតមិត្តភាពអន្តរជាតិ ពេជ្រ ប៊ុនសិទ្ធ ប៉ះ Moo Do និង គឿម សុវណ្ណគីម ជួប Fahed Haidar។
ក្នុងបទសម្ភាសក្រោយសន្និសីទសារព័ត៌មាន ពេជ្រ សម្បត្តិ និង អេ អាំម៉ារីនភូថង មិនមានអ្វីបារម្ភច្រើនទេដោយសារមានក្រុមការងារ និងគ្រូបង្វឹកទៅជាមួយ ប៉ុន្តែមានរឿងមួយដែលអ្នកទាំងពីរបារម្ភដូចគ្នាគឺខ្លាចដៃគូរត់ថយក្រោយ។
ពេជ្រ សម្បត្តិ បាននិយាយថា ៖«ខ្ញុំអត់មានអីបារម្ភទេ ព្រោះមានគ្នាច្រើនទៅជាមួយ។ ខ្ញុំបារម្ភតែមួយគឺខ្លាចដៃគូរត់ថយក្រោយ»។ ចំណែក អេ អាំម៉ារីនភូថង ក៏បានដែរថា ៖«អត់មានអីបារម្ភទេ ខ្ញុំបារម្ភខ្លាចតែដៃគូវ៉ៃរត់ដែលធ្វើឲ្យមិនល្អមើល»។
ចំពោះកីឡាករ លន បញ្ញា មិនបារម្ភរឿងដៃគូរត់ថយក្រោយទេ ពីព្រោះរូបគេបានមើលការប្រកួតរបស់ដៃគូហើយជាប្រភេទកីឡាករដែលព្យាយាមវ៉ៃតទល់។
សូមបញ្ជាក់ថា ការប្រកួតនេះមានរង្វាន់រថយន្តថ្មីសន្លាង១គ្រឿងដើម្បីលើកទឹកចិត្តដល់កីឡាករគុនខ្មែរម្នាក់ក្នុងចំណោមពួកគេ ប៉ុន្តែលក្ខខណ្ឌនៃការផ្តល់រង្វាន់គ្រោងនឹងប្រកាសឲ្យដឹងជាផ្លូវការនៅថ្ងៃទី៣១ ខែតុលា ឆ្នាំ២០២៣។
ព្រឹត្តិការណ៍នេះធ្វើនៅវិមាន MALVERN TOWN HAL ទីក្រុងម៉េលប៊ន ប្រទេសអូស្ត្រាលី ដែលផ្សាយបន្តផ្ទាល់តាមរយៈ BTV ចាប់ពីម៉ោង១១ព្រឹក ថ្ងៃទី៥ ខែវិច្ឆិកា ឆ្នាំ២០២៣៕
អត្ថបទ៖ វីរបុត្រ
សម្តេចតេជោ ហ៊ុន សែន រកឃើញកុមារីលក់ផ្កា គ្រោងនឹងជួបឪពុកម្តាយរបស់កុមារីនៅថ្ងៃទី២៧ ខែមេសា
ពលរដ្ឋរងគ្រោះដោយខ្យល់កន្ត្រាក់១០គ្រួសារ ទទួលអំណោយពីកាកបាទក្រហមកម្ពុជាខេត្តបន្ទាយមានជ័យ
លោក សួស យ៉ារ៉ា ៖ ការទូតសន្តិភាពសភាកម្ពុជាមានបទពិសោធន៍កសាងសន្តិភាពជាក់ស្តែង និងផ្អែកលើគោលការណ៍ទាំង៥
កម្ពុជាកំពុងរៀបចំនីតិវិធីពិសេស សម្រាប់ការនាំចេញទំនិញទៅទីផ្សារអាមេរិក
រដ្ឋមន្ត្រីក្រសួងការងារ ចុះហត្ថលេខាលើឯកសារចំនួន៣ ជាមួយថៃ ក្រោមអធិបតីភាព សម្តេចធិបតី ហ៊ុន ម៉ាណែត
សម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
លើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
លួងលោមចូលផ្ទះសំណាក់មិនបាន ដឹកចូលព្រៃស្ងាត់ចាប់រំលោភបានសម្រេច រួចវាយប្លន់យកទ្រព្យសម្បត្តិអស់
ត្រាំ បន្ទន់ជំហរដាក់ចិនដោយប្រកាសពីការទម្លាក់ពន្ធ ក្រោយចិនសម្ដែងភាពមិនរុញរា
កុំខកខាន! ភ្នំពេញក៏អាចមើលឃើញ បាតុភូត «មេឃញញឹម» ដ៏កម្រ នៅថ្ងៃ២៥នេះដែរ
-
ចរាចរណ៍២ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម១ សប្តាហ៍ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
ព័ត៌មានអន្ដរជាតិ៧ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានជាតិ១១ ម៉ោង agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៧ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ
-
សុខភាព២ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ១៤ ម៉ោង agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ៧ ថ្ងៃ agoខ្លះៗអំពីរថយន្តដែលលោក ស៊ី ជីនពីង យកពីចិនមកជិះនៅកម្ពុជា