កីឡា
Bellingham ជាបេក្ខភាពឈានមុខក្នុងការឈ្នះពាន Golden Boy
ខ្សែបម្រើវ័យក្មេងកីឡាករ Jude Bellingham ត្រូវបានគេរំពឹងថានឹងឈ្នះពានរង្វាន់ Golden Boy ដោយសារសមត្ថភាពលេចធ្លោក្នុងការបង្ហាញខ្លួនជាមួយក្លិប Dortmund មុនពេលផ្លាស់មកក្លិប Real Madrid ។
យោងតាមប្រភពព័ត៌មានក្នុងប្រទេសអេស្បាញបានអះអាងថា Bellingham ជាកីឡាករស័ក្តិសមឈ្នះពានរង្វាន់ Golden Boy។ ខ្សែបម្រើរូបនេះទទួលបានសំឡេងគាំទ្រក្នុងការបោះឆ្នោត៩៥% ក្នុងបណ្តាញផ្សព្វផ្សាយនៅក្នុងដំណើរការជ្រើសរើស។

គូប្រជែងដណ្តើមពានរង្វាន់ Golden Boy ជាមួយកីឡាករ Bellingham គឺជាអតីតសិស្សសាលា Croydon តារាឆ្នើមរបស់ Bayern Munich កីឡាករ Jamal Musiala, Rasmus Hojlund របស់ Manchester United និងកីឡាករវ័យក្មេង Lamine Yamal របស់ Barcelona ។

កីឡាករ Bellingham ជាសមាជិកសំខាន់មួយរូបដែលជួយឲ្យក្រុមជម្រើសជាតិអង់គ្លេសធានាបានកៅអីឡើងទៅវគ្គជម្រុះ Euro 2024។ ខ្សែបម្រើវ័យក្មេងរូបនេះបានធ្វើឲ្យអ្នកគាំទ្របាល់ទាត់កាន់តែភ្ញាក់ផ្អើល ក្រោយរូបគេស៊ុតបាន២គ្រាប់ក្នុងជំនួប El Clásico ជួយឲ្យក្លិប Real Madrid យកឈ្នះ Barcelona ២-១ កាលពីថ្ងៃសៅរ៍ ទី២៨ ខែតុលា ឆ្នាំ២០២៣ ក្នុងពានរង្វាន់ LaLiga។

ប្រសិនបើ Bellingham ឈ្នះពានរង្វាន់ Golden Boy រូបគេនឹងក្លាយជាកីឡាករអង់គ្លេសទី៣ដែលឈ្នះរង្វាន់នេះ។ កីឡាករអង់គ្លេស២រូបធ្លាប់ឈ្នះពានរង្វាន់នេះគឺកីឡាករ Wayne Rooney ក្នុងឆ្នាំ ២០០៤ និងកីឡាករ Raheem Sterling ក្នុងឆ្នាំ២០១៤។ ពានរង្វាន់ Golden Boy នឹងត្រូវប្រកាសនៅទីក្រុង Turin ប្រទេសអុីតាលី ថ្ងៃទី១០ ខែវិច្ឆិកា ឆ្នាំ២០២៣៕
ប្រភព៖ thesun
ប្រែសម្រួល៖ ផា រតនា

-
ព័ត៌មានអន្ដរជាតិ១០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?