កីឡា
មកដឹងលំអិតពីករណីកម្រឃើញ អាជ្ញាកណ្តាលរាប់កីឡាករថៃដល់២០
កីឡាករថៃ កង់ណៈផា ស៊ីម៉ុងឃុន ត្រូវបានអាជ្ញាកណ្តាលលោក ជូន សំណាង រាប់ដល់២០ក្នុង១លើក បន្ទាប់ពីត្រូវបានកីឡាករគុនខ្មែរ នូវ ដារ៉ូ កាច់ឲ្យធ្លាក់ពីលើសង្វៀនចុងទឹកទី៥។
ការប្រកួតរវាងអ្នកទាំងពីរប្រើពេល៥ទឹកដោយមិនសូវលើសខ្វះគ្នាប៉ុន្មានឡើយក្នុងជំនួបសន្សំពិន្ទុជុំទី១ ខ្សែក្រវាត់ខារ៉ាបាវ រដូវកាលទី១០ នៅសង្វៀនបាយ័នស្ទឹងមានជ័យ យប់ថ្ងៃអាទិត្យ ទី២៩ ខែតុលា ឆ្នាំ២០២៣។
នៅទឹកទី៥ កីឡាករថៃ កង់ណៈផា មិនសូវចង់វ៉ៃឡើយដោយព្យាយាមថយក្រោយ និងការពារប៉ុណ្ណោះ ខណៈកីឡាករកម្ពុជា នូវ ដារ៉ូ បានព្យាយាមចូលវ៉ៃ។ នៅចុងទឹក នូវ ដារ៉ូ បានចាប់អោប និងកាច់ កង់ណៈផា ឲ្យធ្លាក់ចេញពីលើសង្វៀន ដោយធ្លាក់ទៅលើប្រអប់តុរបស់ចៅក្រមដាក់ពិន្ទុ។
ក្នុងហេតុការណ៍នេះឃើញថា កីឡាករថៃមានស្នាមក្រហមលើដងខ្លួន ដោយមានអាការមិនអាចឡើងមកលើសង្វៀនវិញ ដូច្នេះអាជ្ញាកណ្តាលរាប់តែម្តង ប៉ុន្តែការរាប់នេះមិនមែនត្រឹម១០ទេគឺរហូតដល់២០ទើបឈប់។
លោក ជា រិទ្ធ អាជ្ញាកណ្តាលរបស់សហព័ន្ធកីឡាប្រដាល់គុនខ្មែរបានប្រាប់«កម្ពុជាថ្មី»ថា ៖«ជាទូទៅ យើងរាប់២០ បើកីឡាករម្នាក់ធ្លាក់ពីលើសង្វៀន។ ពេលរាប់២០ហ្នឹង យើងត្រូវពិនិត្យមើលដែរ នៅពេលកីឡាករធ្លាក់ភ្លាមៗគឺមិនឲ្យនរណាអន្តរាគមន៍ទេ។ បើឃើញថា គាត់អាចក្រោកឡើងមកសង្វៀនវិញបានគឺអត់ឲ្យនរណាម្នាក់ទៅជួយលើកទេ។ ជាទូទៅរាប់ដល់២០ បើរាប់២០ហើយឡើងអត់រួចទេគឺគាត់ចាញ់ តែបើគាត់ឡើងរួចមុន២០គឺឈប់រាប់ សួរគាត់ថា អាចវ៉ៃបានអត់? បើវ៉ៃបានគឺឲ្យវ៉ៃបន្តទៀតបាន តែបើធ្លាក់ទៅឃើញធ្ងន់ធ្ងរ យើងបញ្ឈប់ការប្រកួតតែម្តង»។
តាមធម្មតាកីឡាករម្នាក់ត្រូវដៃគូវាយឲ្យបាត់បង់ស្មារតី ឬសន្លប់ ត្រូវបានអាជ្ញាកណ្តាលរាប់ដល់៨ បើមានស្មារតីអាចបន្តការប្រកួតទៀតបានគឺអាជ្ញាកណ្តាលអនុញ្ញាតឲ្យប្រកួតបន្ត ប៉ុន្តែបើគ្មានស្មារតីល្អរឹងមាំទេ អាជ្ញាកណ្តាលរាប់ដល់១០ដើម្បីបញ្ឈប់ការប្រកួតតែម្តង។ ក្នុងនោះ បើឃើញស្ថានភាពសន្លប់ធ្ងន់ធ្ងរគឺមិនចាំបាច់រាប់ ដោយបញ្ឈប់ការប្រកួតតែម្តង។
សកម្មភាពមួយទៀតដែលអ្នកគាំទ្រឃើញញឹកញាប់គឺទាត់ត្រូវប្រដាប់ការពារក៏អាចរាប់ដល់១០ និងទុកពេល២នាទីដើម្បីសម្រួលឲ្យធូរស្បើយ មុនពេលបន្តការប្រកួត ឬសម្រេចរបស់គណៈកម្មការ។
សូមបញ្ជាក់ថា នូវ ដារ៉ូ ទទួលបាន៣ពិន្ទុ តាមរយៈការផ្តួលដៃគូឲ្យសន្លប់ក្នុងទឹកទី៥ ពីការប្រកួតសន្សំពិន្ទុជុំទី១ ខ្សែក្រវាត់ខារ៉ាបាវ រដូវកាល២០២៣ ខណៈកីឡាករថៃ ហ្វុនលួង ទទួលបាន៣ពិន្ទុដែរ បន្ទាប់ពីបានឈ្នះពិន្ទុកីឡាករកម្ពុជា ឡុង ប៉េងលឿន៕
អត្ថបទ៖ វីរបុត្រ
តើអ្វីជាលក្ខណៈពិសេសនៃនាវាចម្បាំង USS Savannah (LCS 28) ដែលនឹងចូលចតនៅខេត្តព្រះសីហនុចាប់ពីថ្ងៃចន្ទ?
មនុស្សប្រមាណ២ពាន់នាក់ ចូលគ្នារត់ប្រណាំងប្រមូលថវិកាជូនអង្គការគ្រួសារថ្មី គាំទ្រការអប់រំជនមានពិការភាព
អតីតសហការីទណ្ឌិត សម រង្ស៊ី៖ ជនក្បត់ជាតិបីជំនាន់ សម រង្ស៊ី មិនស័ក្តិសមជាធ្វើជាអ្នកដឹកនាំប្រទេសទេ
អ្នកជំនាញយានយន្ត NPIC លើកទឹកចិត្តឱ្យនារីចូលសិក្សាជំនាញមេកានិកយានយន្តឱ្យបានច្រើនថែមទៀត ខណៈកំពុងមានតម្រូវការទីផ្សារខ្ពស់
លោកសុខ ពេញវុធ ត្រូវបានប្រកាសតែងតាំងជាប្រធានក្រុមការងារយុវជនគណបក្សរាជធានីភ្នំពេញជំនួសលោក នួន ផារ័ត្ន
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
វៀតណាមត្រូវការលុយ ១៤ ប៊ីលានដុល្លារ ដើម្បីសាងសង់ស្ថានីយសាកថ្ម EV ទូទាំងប្រទេស
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
កម្ពុជារកចំណូលបានជាង១ពាន់លានដុល្លារពីពាណិជ្ជកម្មតាមប្រព័ន្ធអេឡិចត្រូនិកនៅឆ្នាំ២០២៤
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៧ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ