កីឡា

អបអរសាទរ! កុមារាគាំទ្រព្រះខ័នរាជស្វាយរៀងទទួលបានអាវយឺតពីក្លិបហើយ

បានផុស

១ year មុន

នៅ

ថ្ងៃអង្គារ ៣១ តុលា ២០២៣

ដោយ

កុមារាដែលជាអ្នកគាំទ្រក្លិបបាល់ទាត់ព្រះខ័នរាជស្វាយរៀងបានទទួលអាវយឺតជាកាដូពីក្លិបដែលមានមូលដ្ឋាននៅខេត្តស្វាយរៀងហើយ បន្ទាប់ពីឯកឧត្តម ឌី វិជ្ជា ប្រធានក្លិបបានប្រកាសស្វែងរកកុមារារូបនេះកាលពីពីរថ្ងៃមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅរសៀលថ្ងៃទី៣១ ខែតុលានេះ ឯកឧត្តម ឌី វិជ្ជា ប្រធានក្លិបបាល់ទាត់ព្រះខ័នរាជស្វាយរៀងបានសរសេរថា ៖«ក្មួយប្រុសជាអ្នកគាំទ្រក្លិបបាល់ទាត់ព្រះខ័នរាជស្វាយរៀង បានទទួលនូវអាវអ្នកគាំទ្រ ដែលក្រុមការងារខ្ញុំយកទៅប្រគល់ដល់ពួកគាត់នៅព្រឹកនេះ»។

សូមបញ្ជាក់ថា មានកុមារាពីរនាក់ដែលម្នាក់ជាអ្នកគាំទ្ររបស់ព្រះខ័នរាជស្វាយរៀង និងម្នាក់ទៀតជាអ្នកគាំទ្ររបស់បឹងកេត បានទៅទស្សនាការប្រកួតរវាងក្លិបទាំងពីរកាលពីថ្ងៃសៅរ៍ ទី២៨ ខែតុលា ឆ្នាំ២០២៣ នៅពហុកីឡដ្ឋានជាតិអូឡាំពិក ប៉ុន្តែកុមារាដែលជាអ្នកគាំទ្រព្រះខ័នរាជស្វាយរៀងមិនមានអាវពាក់ទេ។ ដូច្នេះក្នុងនាមជាប្រធានក្លិប ឯកឧត្តម ឌី វិជ្ជា បានប្រកាសស្វែងរកកុមារារូបនេះដើម្បីផ្តល់អាវយឺតជាការលើកទឹកចិត្ត៕