កីឡា
ពិធីករ FOX SPORT ៤រូបនឹងធ្វើអត្ថាធិប្បាយប្រដាល់គុនខ្មែរថ្ងៃអាទិត្យនេះ
ពិធីករកីឡាប្រដាល់បរទេស៤រូបនឹងធ្វើអត្ថាធិប្បាយការប្រកួតគុនខ្មែរជាភាសាអង់គ្លេសនៅថ្ងៃអាទិត្យ ទី៥ ខែវិច្ឆិកា ឆ្នាំ២០២៣ ដើម្បីឲ្យពិភពលោកបានស្គាល់កាន់តែច្បាស់ពីក្បាច់គុនខ្មែរដែលកំពុងល្បីសុះសាយ។
លោក Tommy Kim អ្នកផ្គូផ្គងកម្មវិធីប្រដាល់នៅសង្វៀនទូរទស្សន៍ថោនបានដឹងថា លោក Andrew Whitelaw និង Christopher Garridor មកពីទូរទស្សន៍កីឡា FOX SPORT នឹងធ្វើអត្ថាធិប្បាយព្រឹត្តិការណ៍ប្រកួតដ៏ធំប្រចាំឆ្នាំនៅថ្ងៃទី៥ ខែវិច្ឆិកា ឆ្នាំ២០២៣ ដែលមានកីឡាករ ព្រំ សំណាង ប្រកួតជាមួយកីឡាករមីយ៉ាន់ម៉ា Dave Leduc ព្រមទាំងមានកីឡាករគុនខ្មែរជាច្រើនរូបទៀតដូចជា ធឿន ធារ៉ា, រឿង សុភ័ណ្ឌ, ផល សោភ័ណ្ឌ, ប៉ឺត សង្ឃឹម និងឈុត សេរីវ៉ាន់ថង។
លោក Andrew Whitelaw និង Christopher Garridor ជាពិធីករកីឡាប្រដាល់នៅកម្មវិធីប្រដាល់គុនចម្រុះដ៏ធំក្នុងពិភពលោក UFC របស់សហរដ្ឋអាមេរិក។
ជាមួយគ្នានេះ លោក ពេជ្រ សុផាន់ គ្រូបង្ហាត់របស់កីឡាករ ពេជ្រ សម្បត្តិ បានឲ្យដឹងថា កម្មវិធីប្រកួតដណ្តើមខ្សែក្រវាត់គុនខ្មែរពិភពលោកនៅប្រទេសអូស្ត្រាលី នាថ្ងៃទី៥ ខែវិច្ឆិកា ឆ្នាំ២០២៣ នឹងមានពិធីករមកពីទូរទស្សន៍ប៉ុស្តិ៍កីឡាដ៏ល្បី FOX SPORT ២រូបធ្វើអត្ថាធិប្បាយ។
ការប្រកួតដណ្តើមខ្សែក្រវាត់គុនខ្មែរនៅលើទឹកដីអូស្ត្រាលីនេះផ្សាយបន្តផ្ទាល់ដោយទូរទស្សន៍ BTV Cambodia និងគ្រោងទុកចាក់ផ្សាយនៅលើទូរទស្សន៍កីឡា FOX SPORT ប្រហែលជា២សប្តាហ៍បន្ទាប់។
កីឡាករដែលប្រកួតនៅប្រទេសអូស្ត្រាលីមាន ពេជ្រ សម្បត្តិ, អេ អាំម៉ារីនភូថង និង លន បញ្ញា សុទ្ធតែដណ្តើមខ្សែក្រវាត់គុនខ្មែរពិភពលោក ហើយក៏មានរង្វាន់រថយន្ត១គ្រឿង។ ជាមួយគ្នានេះ ក៏មានកីឡាករគុនខ្មែរ២រូបទៀតគឺ ពេជ្រ ប៊ុនសិទ្ធ និង គឿម សុវណ្ណគីម ប្រកួតមិត្តភាពអន្តរជាតិ។
ព្រឹត្តិការណ៍នេះធ្វើនៅវិមាន MALVERN TOWN HAL ទីក្រុងម៉េលប៊ន ប្រទេសអូស្ត្រាលី ចាប់ពីម៉ោង១១ព្រឹក ថ្ងៃទី៥ ខែវិច្ឆិកា ឆ្នាំ២០២៣។
នេះជាសកម្មភាពដ៏សំខាន់ក្នុងការផ្សព្វផ្សាយគុនខ្មែរទៅកាន់ពិភពលោកឲ្យស្គាល់កាន់តែច្បាស់អំពីក្បាច់គុនរបស់កម្ពុជា៕
អត្ថបទ៖ វីរបុត្រ
-
ចរាចរណ៍៥ ថ្ងៃ ago
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ ago
ទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៥ ថ្ងៃ ago
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ១ ថ្ងៃ ago
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១ សប្តាហ៍ ago
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ២ ថ្ងៃ ago
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ១២ ម៉ោង ago
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ ago
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់