ម្ចាស់ផ្ទះឥណ្ឌូណេស៊ីតៀមខ្លួនប្រកួត 2023 World Cup U-17

ប្រទេសឥណ្ឌូណេស៊ី តៀមខ្លួនរួចរាល់ទាំងហេដ្ឋារចនាសម្ព័ន្ធនិងក្រុមបាល់ទាត់ ដើម្បីប្រកួតពានរង្វាន់បាល់ទាត់ពិភពលោកឆ្នាំ២០២៣ អាយុក្រោម១៧ឆ្នាំ ដែល​ត្រូវចាប់ផ្តើមការប្រកួតនៅថ្ងៃសុក្រ ទី១០​ ខែវិច្ឆិកា ឆាំ២០២៣ ដែលមានប្រទេសចំនួន២៦។

លោក Bima Sakti គ្រូបង្វឹកគ្រូក្រុមជម្រើសឥណ្ឌូណេស៊ីបាននិយាយថា​៖«យើងបានរៀបចំខ្លួនរួចរាល់​សម្រាប់​ការ​ប្រកួត​ World Cup U17។ មុនព្រឹត្តិការណ៍នេះចូលមកដល់យើងបានរៀបចំកម្មវិធីប្រកួតមិត្តភាពសំខាន់ចំនួន៧។ សម្រាប់ការប្រកួត២លើកដំបូងរបស់យើងគឺត្រូវប្រកួតជាក្រុមដែលមានកម្រិតទាប។

ការប្រកួតបន្ទាប់គឺយើងត្រូវជួប​ជាមួយ ក្រុម Paderborn និង ក្រុម Osnabruck ដែល​ក្រុមស្ថិតនៅលីគទី២ Bundesliga ដែលកីឡាករ​ល្អ​ខ្លាំងៗ។ បន្ទាប់មកទៀតក្រុមយើងក៏ត្រូវជួបជាមួយ ក្រុម U-18 និង U-19 របស់ក្លិប Eintracht Frankfurt, Mainz និង FC Koln ទៀត»។

ក្រុមបាល់ទាត់ឥណ្ឌូណេសុី ស្ថិតក្នុងពូល A ដែល​មាន​ក្រុមអេក្វាឌ័រ ម៉ារ៉ុក និង ប៉ាណាម៉ា។ ការប្រកួតដំបួងរបស់ក្រុមឥណ្ឌូណេសុីនឹងត្រូវជួបជាមួយក្រុមអេក្វាឌ័រ នៅថ្ងៃសុក្រ ទី១០ ខែវិច្ឆកា ឆ្នាំ២០២៣ វេលាម៉ោង៧យប់ នៅកីឡដ្ឋាន Gelora Bung Tomo។

ចំពោះការប្រកួតវគ្គពាក់កណ្តាលផ្តាច់ព្រ័ត្រ និងវគ្គផ្ដាច់ព័្រត្រ​នៅកីឡដ្ឋាន Manahan បើតាមបញ្ជាក់របស់ លោក Erick Thohir ប្រធានសហព័ន្ធបាល់ទាត់ឥណ្ឌូណេសុី៕

អត្ថបទ៖ ផា តនា