កីឡា
កត្តា៣យ៉ាងនេះធ្វើឲ្យកីឡាករកម្ពុជាមិនសូវបានទៅលេងនៅក្រៅប្រទេស
កង្វះការផ្សព្វផ្សាយ គុណភាពក្រុមបាល់ទាត់ជម្រើសជាតិ និងភ្នាក់ងារដោះដូរកីឡាករប្រហែលជាបញ្ហាប្រឈមធំដែលរារាំងដល់កីឡាករបាល់ទាត់កម្ពុជាក្នុងការទទួលបានឱកាសទៅលេងនៅក្រៅប្រទេស។
លោក Pep Munoz គ្រូបង្វឹកក្លិបបាល់ទាត់ព្រះខ័នរាជស្វាយរៀងបានមើលឃើញថា កីឡាករកម្ពុជាមានសមត្ថភាពអាចប្រកួតប្រជែងនៅក្នុងតំបន់បាន ប៉ុន្តែផ្ទុយទៅវិញពិភពខាងក្រៅមិនសូវបានស្គាល់ ឬដឹងច្រើនពីបាល់ទាត់កម្ពុជាទេ។
លោកបានលើកឡើងថា ៖«មិនមែនជាការងាយស្រួលទេរឿងនេះ ពីព្រោះមានប្រទេសជាច្រើនដែលមិនដឹងច្បាស់ពីបាល់ទាត់កម្ពុជា ដូច្នេះយើងត្រូវបង្ហាញពិភពខាងក្រៅឲ្យស្គាល់ពីកម្រិតលីគកម្ពុជា។ យើងត្រូវតែបង្ហាញហេដ្ឋារចនាសម្ព័ន្ធកីឡដ្ឋានរបស់យើងឲ្យប្រទេសគេបានឃើញថា យើងមានការប្រកួតប្រជែងកម្រិតណា? យើងមានកីឡាករល្អ ហើយក្រុមបាល់ទាត់ជម្រើសជាតិកម្ពុជាក៏ត្រូវតែបង្ហាញកម្រិតគុណភាពរបស់ខ្លួនដែរ។ អីចឹងពេលគេឃើញពីភាពខ្លាំងរបស់យើង គេនឹងចាប់អារម្មណ៍»។
«ខ្ញុំឃើញច្បាស់ណាស់ ជាក់ស្តែងនៅក្រុមរបស់ខ្ញុំ មានកីឡាករល្អៗច្រើន។ ពួកគេមានសមត្ថភាពអាចទៅលេងនៅក្រៅប្រទេសយ៉ាងពិតប្រាកដ តែរឿងសំខាន់មួយទៀតគឺមិនសូវមានភ្នាក់ងារទិញដូរកីឡាករ។ អីចឹង បើអត់មានភ្នាក់ងារទាក់ទងគឺកីឡាករកម្ពុជានឹងមិនមានឱកាសចេញទៅក្រៅប្រទេសទេ»។ លោកបានបញ្ជាក់។
បច្ចុប្បន្នមានតែកីឡាករ សៀង ចន្ធា ម្នាក់គត់ដែលបានចេញទៅលេងនៅលីគទី២របស់ប្រទេសកាតារក្នុងលក្ខខណ្ឌខ្ចីជើង១រដូវកាល។ ប្រសិនបើរូបគេធ្វើបានល្អ និងអភិវឌ្ឍខ្លួនកាន់តែខ្ពស់ រូបគេនឹងកាន់តែមានឱកាសច្រើន។
កន្លងមក ធារី ចន្ថាប៊ីន, ប្រាក់ មុន្នីឧត្តម, ចាន់ វឌ្ឍនាកា និង កែវ សុខផេង ធ្លាប់បានទៅលេងនៅលីគម៉ាឡេស៊ី ប៉ុន្តែមានតែ ធារី ចន្ថាប៊ីន ដែលទទួលបានជោគជ័យជាងគេដោយលេងនៅទីនោះបាន២រដូវកាល។ បន្ទាប់មកលីគម៉ាឡេស៊ីក៏មិនឃើញមានទាក់ទងកីឡាករកម្ពុជាទៅលេងបន្តទៀត។
ដោយឡែក លីគកម្ពុជា២០២៣-២៤ បានកំណត់ឲ្យក្លិបចុះបញ្ជីកីឡាករកូតាអាស៊ាន ហើយមានក្លិបភាគច្រើនបាននាំចូលកីឡាករអាស៊ានដូចជាកីឡាករមីយ៉ាន់ម៉ា ទីម័រខាងកើត ឡាវ ហ្វីលីពីន ថៃ និងសិង្ហបុរី ជាដើម ហើយពួកគេនឹងរួមចំណែកពង្រឹងសមត្ថភាពក្រុមបាល់ទាត់ជម្រើសជាតិរបស់ខ្លួន៕
អត្ថបទ៖ វីរបុត្រ
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ