កីឡា
ភរិយា អេ ភូថង៖ កីឡាករខ្លះនឹងក្លាយជាអ្នកមាន បើចេះសន្សំទុកដាក់
កីឡាករ កីឡាការិនីប្រដាល់គុនខ្មែរមួយចំនួននឹងក្លាយជាអ្នកមានជីវភាពធូរធារ ប្រសិនបើពួកគេចេះសន្សំទុកដាក់ និងប្រើប្រាស់ថវិកាដែលរកបានពីប្រដាល់សម្រាប់ប្រកបរបររកស៊ីនៅពេលខ្លួនវ៉ៃលែងកើត។
អ្នកស្រី សាំង សុម៉ាលី ភរិយារបស់លោកគ្រូ អេ ភូថង នឹកស្មានមិនដល់ដែលកីឡាប្រដាល់គុនខ្មែរបានរីកចម្រើនទាំងធនធានមនុស្ស គុណភាព ការរីកចម្រើនទាំងក្នុង និងក្រៅប្រទេស ជាពិសេសសំបូរអ្នកមានធនធានឧបត្ថម្ភគាំទ្រកាន់តែច្រើន។
អ្នកស្រីបានរៀបរាប់ថា ៖«ជីវភាពរបស់កីឡាករប្រដាល់បច្ចុប្បន្នល្អខ្លាំងមែនទែន ពីព្រោះឥឡូវវ៉ៃតម្លៃខ្លួនក៏បានថ្លៃ ម្ចាស់ឧបត្ថម្ភក៏ច្រើន ហើយមានរៀបចំកម្មវិធីប្រកួតមានរង្វាន់ធំៗ អត់ដូចសម័យប្តីខ្ញុំទេ។ បើកីឡាករចេះសន្សំទុក នឹងមានជីវភាពធូរធារខ្លាំង អាចក្លាយជាអ្នកមាន។ ដូច ធឿន ធារ៉ា ពីមុនខ្វះខាត តែឥឡូវវ៉ៃបានប្រាក់ច្រើន ដោះបំណុលគេអស់ ហើយនៅសល់ថែមទៀត។ ឥឡូវនេះ វាមិនអាចក្លាយជាអ្នកមានទេ លុះត្រាតែតទៅមុខទៀតទើប ធារ៉ា មានជីវភាពធូរធារខ្លាំង។ ខ្ញុំជឿថា ធារ៉ា នឹងក្លាយជាអ្នកមាន មានផ្ទះ មានអីដូចគេដូចឯង»។
ពាក់ព័ន្ធនឹងកូនប្រុសទាំងពីររបស់អ្នកស្រីគឺកីឡាករ ម៉ឺន មេឃា និង អេ អាំម៉ារីន ដែលទើបឈ្នះខ្សែក្រវាត់ពីប្រទេសអូស្ត្រាលីដោយទទួលបានរង្វាន់រថយន្ត១គ្រឿង អ្នកស្រីគិតថា ពួកគេនឹងមានអនាគតល្អប្រសើរជាងឪពុករបស់ខ្លួន។
អ្នកស្រី សាំង សុម៉ាលី បានរៀបរាប់ថា ៖«កូនខ្ញុំនឹងមានអនាគតល្អជាងប្តីខ្ញុំ ពីព្រោះជំនាន់ប្តីខ្ញុំវ៉ៃ តម្លៃខ្លួនតិច ហើយការប្រកួតអត់សូវមានញឹកញាប់។ កាលណោះបីបួនខែទើបមានការប្រកួតម្តង ឬពេលខ្លះ១ឆ្នាំទើបអាចប្រកួតម្តង។ ឥឡូវនេះមានគ្រប់ប៉ុស្តិ៍ហើយម្ចាស់ឧបត្ថម្ភកម្មវិធីមានច្រើន កីឡាករររកតែកម្លាំងវ៉ៃមិនចង់បានផង»។
«ពីមុនខ្ញុំគិតថា ការសម្រេចចិត្តរបស់ខ្ញុំដែលឲ្យកូនចាប់អាជីពប្រដាល់ខុស ពីព្រោះខ្ញុំគិតថា ប្រដាល់អត់រីកចម្រើនដល់ម្ល៉េះទេ។ ប្តីខ្ញុំអត់ចង់ឲ្យកូនប្រកួតទេ ព្រោះគាត់ខ្លាចដូចគាត់។ តែឥឡូវនេះ ខ្ញុំពិតជាសម្រេចចិត្តត្រូវ។ ខ្ញុំមានមោទនភាពសម្រាប់កូនខ្ញុំទាំងពីរណាស់»។ អ្នកស្រី សាំង សុម៉ាលី បានរៀបរាប់។
បច្ចុប្បន្ន ម្ចាស់ផលិតផលក្នុងស្រុក និងអ្នកមានធនធានកាន់តែច្រើនបានចំណាយថវិកាដើម្បីឧបត្ថម្ភគាំទ្រការប្រកួតគុនខ្មែរដែលបានផ្តល់ឲ្យទីផ្សារប្រដាល់មានច្រើន តម្លៃខ្លួនកាន់តែខ្ពស់ ហើយមានទាំងរង្វាន់រថយន្តជាបន្តបន្ទាប់។ ទីផ្សារប្រកួតសំបូរបែបនេះ កីឡាករល្អៗ ល្បីៗ ស្ទើរតែរកពេលសម្រាកគ្មាន៕
អត្ថបទ៖ វីរបុត្រ
អ្នកវិភាគ និងអ្នកឃ្លាំមើលសង្គម ៖ ចលនារបស់ក្រុមប្រឆាំងគឺជាចលនាបំផ្លាញសន្តិភាព និងការអភិវឌ្ឍដែលពលរដ្ឋមិនគួរអើពើ
ស្តង់របស់ក្រសួងការងារទទួលបានអ្នកទស្សនានិងបានចែកខិត្តប័ណ្ណផ្សព្វផ្សាយបានជិត៣មុឺននាក់ក្នុងរយៈពេល៣ថ្ងៃ នៃព្រះរាជពិធីបុណ្យអុំទូក
ក្រុមនារី Esports កម្ពុជា បានឡើងវគ្គមេដាយ ក្រោយទម្លាក់អ៊ុយក្រែន ក្នុងជើងឯកពិភពលោក
ប្រធានសមាគម JCA៖ ក្រុមហ៊ុនជប៉ុនជាច្រើននឹងនាំបច្ចេកវិទ្យាទំនើបៗរបស់ជប៉ុនមកកម្ពុជា តាមរយៈការវិនិយោគ
ប្រធានអង្គការ IDC-CDI កោតសរសើរប្រទេសកម្ពុជា ដែលសម្រេចបាននូវសន្តិភាព និងឯកភាពជាតិ
ទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
អ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
ឃាត់ខ្លួនមន្ត្រីនគរបាលម្នាក់ ក្រោយបាញ់ប្រហារប្ដីប្រពន្ធមួយគូរងរបួសធ្ងន់
ជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
ផ្លូវជាតិលេខ ៤៨ (ស្រែអំបិល-កោះកុង) គ្រោងបញ្ចប់នៅចុងរដូវប្រាំងឆ្នាំ ២០២៥ ខណៈវឌ្ឍនភាពសម្រេចបានជាង ៦៨%
-
ព័ត៌មានជាតិ៥ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ព័ត៌មានជាតិ៧ ថ្ងៃ agoជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
-
ព័ត៌មានជាតិ១ សប្តាហ៍ agoរដ្ឋកំពុងសិក្សាផ្លូវជិះកង់ពីខេត្តកែប ដល់ខេត្តកោះកុង នៅតាមមាត់សមុទ្រ
-
ជីវិតកម្សាន្ដ១២ ម៉ោង agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានអន្ដរជាតិ៧ ថ្ងៃ agoការសិក្សាថ្មី! ភពអ៊ុយរ៉ានូស អាចឲ្យមនុស្សរស់នៅបាន
-
ជីវិតកម្សាន្ដ១៩ ម៉ោង agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានអន្ដរជាតិ១ សប្តាហ៍ agoយន្តហោះBoeing ដឹកអ្នកដំណើរ២៤៩នាក់ ហោះបុកសត្វស្លាប បណ្តាលឲ្យឆេះម៉ាស៊ីន
-
ព័ត៌មានជាតិ៤ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក