កីឡា

ជើងទី១ កំពង់ចាម និងត្បូងឃ្មុំទទួលបានជ័យជម្នះវគ្គ៤ក្រុមពានសម្តេចតេជោថ្នាក់ខេត្ត

បានផុស

១ year មុន

នៅ

ថ្ងៃអង្គារ ១៤ វិច្ឆិកា ២០២៣

ដោយ

ក្រុមម្ចាស់ផ្ទះខេត្តកំពង់ចាម និងត្បូងឃ្មុំសុទ្ធតែទទួលបានជ័យជម្នះសម្រាប់ការប្រកួតជើងទី១ វគ្គពាក់កណ្តាលផ្តាច់ព្រ័ត្រ ពានរង្វាន់សសម្តេចតេជោ ហ៊ុន សែន ថ្នាក់ខេត្ត លើកទី១៧ នៅរសៀលថ្ងៃទី១៤ ខែវិច្ឆិកា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លេងនៅទីលានវិទ្យាល័យព្រះសីហនុ ក្រុមខេត្តកំពង់ចាមបានយកឈ្នះលើក្រុមខេត្តកំពង់ធំ ដោយលទ្ធផល ១-០។ លទ្ធផលនេះមិនទាន់កក់ក្តៅទេសម្រាប់ខេត្តកំពង់ចាមទេសម្រាប់ឱកាសឡើងវគ្គផ្តាច់ព្រ័ត្រ ពីព្រោះជើងទី២នៅខេត្តកំពង់ធំមិនមែនជាការងាយស្រួលឡើយ។

គ្រាប់បាល់ជ័យជម្នះរបស់ខេត្តកំពង់ចាមរកបានដោយកីឡាករ ប៊ុន ស៊ីប្រី ដោយការស៊ុតប៉េណាល់ទីនៅនាទីទី៥៦ ខណៈក្រុមខេត្តកំពង់ធំក៏ទទួលបានពិន័យប៉េណាល់ទី១១ម៉ែត្រដែរ ប៉ុន្តែប្រធានក្រុមធ្វើមិនបានសម្រេច។

ចំណែកក្រុមខេត្តត្បូងឃ្មុំបានបង្កើតភាពកក់ក្តៅសម្រាប់ឱកាសឡើងទៅវគ្គផ្តាច់ព្រ័ត្រ បន្ទាប់ពីបានឈ្នះលើក្រុមខេត្តបន្ទាយមានជ័យដោយលទ្ធផល ៤-១ នៅទីលានវិទ្យាល័យ ប៊ុនរ៉ានី ហ៊ុនសែន មេមត់ ដូច្នេះក្រុមខេត្តបន្ទាយមានជ័យពិបាកវាយបកណាស់សម្រាប់ជើងទី២។

៤គ្រាប់របស់ត្បូងឃ្មុំរកបានដោយកីឡាករមហាម៉ាត់ មូស្តាហ្វា នៅនាទី៥៨ និងកីឡាករ ម៉ើល ចាន់រ៉ា រកបាន២គ្រាប់នៅនាទី៦៨ និង៨៤ ហើយ១គ្រាប់ទៀតជាការចូលទីខ្លួនឯងរបស់កីឡាករ ប្រាក់ តាប់យ៉ា នៅនាទី៥២។ ១គ្រាប់របស់ក្រុមខេត្តបន្ទាយមានជ័យរកបានដោយកីឡាករ វិត ដេវីត នៅនាទីទី៧៤។