កីឡា
ហេតុអ្វីបានជារៀបចំការប្រកួតគុនខ្មែរពិភពលោក?
កម្ពុជានឹងរៀបចំព្រឹត្តិការណ៍ប្រកួតគុនខ្មែរពិភពលោក លើកទី៤ ថ្ងៃទី២៦-២៧-២៨ ខែវិច្ឆិកា ឆ្នាំ២០២៣ នៅទឹកដីប្រាសាទអង្គរវត្ត ខេត្តសៀមរាប ដែលមានសហព័ន្ធកីឡាគុនខ្មែរអន្តរជាតិជាង១០ប្រទេសចូលរួម។
លោក វ៉ាត់ ចំរើន អគ្គលេខាធិការនៃគណៈកម្មាធិការជាតិកម្ពុជា (NOCC) និងជារដ្ឋលេខាធិការក្រសួងអប់រំ យុវជន និងកីឡាបានលើកឡើងថា ការរៀបចំព្រឹត្តិការណ៍ប្រកួតគុនខ្មែរពិភពលោកគឺមានគោលបំណងសម្រាប់ខ្មែរទាំងអស់គ្នា ពីព្រោះនេះជាកីឡាអត្តសញ្ញាណជាតិរបស់ខ្មែរ។ ខ្មែរទាំងអស់គ្នានៅក្នុង និងក្រៅប្រទេសមានទ្រព្យសម្បត្តិដែលជាអត្តសញ្ញាណរបស់ខ្លួន។
លោកមានប្រសាសន៍ថា ៖«យើងធ្វើការងារ២សំខាន់នៅក្នុងដំណើរការសកម្មភាពដើម្បីគុនខ្មែរ។ ទី១គឺយើងធ្វើសកម្មភាពដើម្បីអភិរក្ស។ អភិរក្សមានន័យថា យើងថែរក្សាកេរ្តិ៍ដំណែលរបស់ដូនតាយើងដូចជា យើងមានគុនខ្មែរ យើងមានល្បុក្កតោ មានកីឡាផ្សេងៗទៀត ប៉ុន្តែឥឡូវនេះ យើងរុញគុនខ្មែរឲ្យមានបែបផែនដែលអាចអភិរក្សបាន»។
«បេសកកម្មទី២គឺអភិវឌ្ឍ។ យើងអភិរក្សគឺរក្សា និងកំណត់អត្តសញ្ញាណដែលជារបស់ខ្មែរ។ យើងអភិវឌ្ឍដើម្បីតាមឲ្យទាន់ទីផ្សារ តាមឲ្យទាន់សម័យកាល។ បើយើងយកការអភិវឌ្ឍសម័យអង្គរផ្សេង បើអភិវឌ្ឍនៅសម័យនេះផ្សេងគឺឲ្យទាន់សម័យកាលនេះដើម្បីឲ្យមនុស្សទូទាំងពិភពលោកទទួលបាន។ ដូច្នេះមនុស្សក្នុងសម័យនេះទទួលបាននូវក្បាច់គុនមួយដែលមានការជឿនលឿន។ ក្បាច់គុនមួយដែលក្លាយជាប្រព័ន្ធនៃការអប់រំ ព្រោះក្បាច់គុនគឺការអប់រំ។ អប់រំចិត្ត អប់រំកាយ អប់រំចរិតលក្ខណៈរបស់មនុស្សជាតិ។ មួយទៀតអប់រំសីលធម៌ក្នុងសកម្មភាពក្បាច់គុនរបស់យើង»។ លោកបានរៀបរាប់។
លោកបានសង្កត់ធ្ងន់ថា ៖«យើងមានមហិច្ឆតាធំណាស់គឺធ្វើឲ្យកីឡាមួយនេះមានប្រជាប្រិយភាពទូទាំងពិភពលោក។ យើងបានឈានពីមួយជំហានទៅមួយជំហានគឺចេញពីកីឡាតំបន់ក្នុងកម្រិតស៊ីហ្គេមដែលយើងត្រូវបានទទួលស្គាល់ និងចុះបញ្ជីក្នុងច្បាប់កីឡាស៊ីហ្គេមថា មានកីឡាគុនខ្មែរមួយ។ យើងឈានពីតំបន់គឺធ្វើយ៉ាងណាឲ្យកីឡាអូឡាំពិកអាស៊ីទទួលស្គាល់។ នេះជាជំហានទី២ ហើយជំហានទី៣ យើងត្រូវទៅឲ្យដល់កម្រិតអូឡាំពិកពិភពលោក។ នេះជាសុបិរបស់យើង គឺជាសុបិនមួយដែលមានឆន្ទៈពិតប្រាកដរបស់ខ្មែរយើង»។
សម្រាប់ការប្រកួតគុនខ្មែរពិភពលោក លើកទី៤ នៅខេត្តសៀមរាបមានវិញ្ញាសាជាច្រើនទាំងបុរស និងនារី ដែលត្រូវបានបែងចែកជា៣ប្រភេទគឺកម្រិតស្ម័គ្រចិត្ត ពាក់កណ្តាលអាជីព និងអាជីព ដែលត្រូវផ្តល់សញ្ញាប័ត្រ មេដាយ និងខ្សែក្រវាត់កម្រិតពិភពលោកដល់ជយលាភី។
២០២៣ជាឆ្នាំដែលកីឡាអត្តសញ្ញាណជាតិ«គុនខ្មែរ»រីកចម្រើនយ៉ាងឆាប់រហ័ស បន្ទាប់ពីត្រូវបានដាក់បញ្ចូលក្នុងកីឡាស៊ីហ្គេម លើកទី៣២ ឆ្នាំ២០២៣ និងត្រូវបានពិភពលោកចាប់អារម្មណ៍រហូតមានប្រទេសជាង៦០បានចូលជាសមាជិកសហព័ន្ធកីឡាគុនខ្មែរអន្តរជាតិ៕
អត្ថបទ៖ វីរបុត្រ
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា