កីឡា

នេះចំណូល-ទ្រព្យសម្បត្តិសរុបរបស់តារាឆ្នើម Son Heung-Min

បានផុស

១ year មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

តារាបាល់ទាត់ឆ្នើមកីឡាករ Son Heung-Min ទទួលបានប្រជាប្រិយភាពនិងរកបានប្រាក់ចំណូលយ៉ាងច្រើន ក្រោយផ្លាស់មកកាន់ក្របខណ្ឌ Premier League ជាមួយក្លិប Tottenham Hotspur តាំងពីឆ្នាំ២០១៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែប្រយុទ្ធកីឡាករ Son Heung-min បច្ចុប្បន្នមានទ្រព្យសម្បត្តិសរុបចំនួន៥៥លានដុល្លារអាមេរិក។ ប្រភពចំណូលធំរបស់រូបគេគឺពីអាជីពបាល់ទាត់ និងកិច្ចព្រមព្រៀងជាមួយដៃគូសហការឧបត្ថម្ភផ្សេងទៀត។ ប្រធានក្រុមបានចុះហត្ថលេខាលើកិច្ចសន្យារយៈពេល៤ឆ្នាំជាមួយលក្លិប Tottenham Hotspur ដែលមានតម្លៃរហូតដល់ ៣៩,៩៣៦,០០០ផោន ដូច្នេះជាមធ្យមរូបគេទទួលបានប្រមាណ ៩,៩៨៤,០០០ ផោនក្នុងមួយឆ្នាំ និង១សប្ដាហ៍ទទួលបាន ១៩២,០០០ ផោន។

Son Heung-min ក៏ជាម្ចាស់ផ្ទះតម្លៃ៥លានដុល្លារនៅក្នុងសង្កាត់ដ៏ល្បីល្បាញរបស់ទីក្រុងឡុងដ៍ ដែលបង្ហាញពីភាពជោគជ័យក្នុងអាជីព។ លើសពីនេះ តារាបាល់ទាត់រូបនេះបានផ្តល់មូលនិធិផ្ទាល់ដល់សាលាបាល់ទាត់ Son Football Academy ចំនួន១១លានផោននៅខេត្ត Chuncheon ដែលឪពុក និងបងប្រុសរបស់គាត់ជាអ្នកគ្រប់គ្រង។

កីឡាករ Son Heung-min បានចាប់ដៃគូជាមួយ Adidas ចាប់តាំងពីរូបគេលេងនៅក្លិប Hamburger SV រហូតដល់ពេលបច្ចុប្បន្ន។ រូបគេបានលេចមុខនៅក្នុងការផ្សាយពាណិជ្ជកម្មរបស់ Gillette និងក្រុមហ៊ុន Ice Cream មកពីប្រទេសកូរ៉េខាងត្បូងដែលមានឈ្មោះថា Bing Ice Cream នេះក៏ជាប្រភពប្រាក់ចំណូលបន្ថែម។ សម្រាប់តម្លៃរថយន្តសរុបរបស់កីឡាករ Son Heung-min មានតម្លៃ១.៥លានផោនក្នុងនោះរួមមានរថយន្ត Ferrari LaFerrari, Audi R8 Coupe, Maserati Levante, Range Rover និង Bentley Continental GT៕