កីឡា
ថ្នាក់ដឹកនាំ NOCC៖ ចង់ឲ្យគេស្រឡាញ់គុនខ្មែរ ត្រូវប្រកាន់គោលការណ៍
កម្ពុជានឹងរៀបចំព្រឹត្តិការណ៍ប្រកួតគុនខ្មែរពិភពលោក លើកទី៤ នៅថ្ងៃទី២៦-២៧-២៨ ខែវិច្ឆិកា ឆ្នាំ២០២៣ នៅទឹកដីអង្គរ ខេត្តសៀមរាប ដើម្បីពង្រីកសក្តានុពលគុនខ្មែរទៅលើឆាកអន្តរជាតិឲ្យកាន់តែរីកចម្រើន។
តាមការគ្រោងទុកមានប្រទេសប្រមាណ១២ដឹកនាំប្រតិភូគុនខ្មែររបស់ខ្លួនចូលរួមប្រកួតដើម្បីដណ្តើមមេដាយ និងខ្សែក្រវាត់គុនខ្មែរពិភពលោកដែលមានវិញ្ញាសាជាច្រើនប្រភេទទម្ងន់លើកម្រិត៣គឺលក្ខណៈស្ម័គ្រចិត្ត កម្រិតពាក់កណ្តាលអាជីព និងអាជីព។
លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជា (NOCC) បានលើកឡើងថា នេះជាឱកាសដ៏ល្អវិសេសវិសាលដែលកម្ពុជាក្នុងនាមជាម្ចាស់ផ្ទះត្រូវទាក់ទាញចិត្តភ្ញៀវឲ្យស្រឡាញ់ចូលចិត្តក្បាច់គុនខ្មែរខ្លាំងឡើងទាំងនៅលើសង្វៀន និងក្រៅសង្វៀន។
ក្នុងសន្និសីទសារព័ត៌មាន លោក វ៉ាត់ ចំរើន បានលើកឡើងថា សូមឲ្យគណៈកម្មការរៀបចំការប្រកួត និងអត្តពលិកទាំងអស់ត្រូវប្រកាន់ខ្ជាប់គោលការណ៍យុត្តិធម៌ (Fair Play) ដែលគោរពគ្នាទៅវិញទៅមក គោរពបទបញ្ជានៃការប្រកួត និងគោរពតួនាទីរបស់ខ្លួន។ គោលការណ៍យុត្តិធម៌នេះហើយដែលនឹងធ្វើឲ្យគុនខ្មែររឹងមាំ រីកចម្រើន និងល្បីល្បាញលើឆាកអន្តរជាតិ។
«ទីមួយ កីឡាករ កីឡាការិនីត្រូវតែជ្រះស្រឡះក្នុងចិត្តថា យើងប្រកួតជាមួយបរទេស យើងត្រូវគោរពគ្នាទៅវិញទៅមក។ កីឡាករជៀសឲ្យផុតពីការប្រកួតដោយកំហឹង តែត្រូវប្រកួតដោយបច្ចេកទេស គោរពបទបញ្ជានៃការប្រកួត និងគោលការណ៍យុត្តិធម៌»។ លោកបានសង្កត់ធ្ងន់។
អគ្គលេខាធិការនៃគណៈកម្មាធិការជាតិអូឡាំពិកកម្ពុជាបន្តថា ៖«ប្អូនៗកីឡាករ កីឡាការិនីទាំងអស់គ្នាត្រូវចាំថា ក្បាច់គុននេះជារបស់យើង។ យើងត្រូវប្រកួតជាមួយគេដោយបច្ចេកទេស មិនត្រូវបង្ហាញអ្វីដែលធ្វើឲ្យប៉ះពាល់ដល់សេចក្តីថ្លៃថ្នូរក្នុងនាមជាម្ចាស់ផ្ទះ និងម្ចាស់ក្បាច់គុនឡើយ»។
លោក វ៉ាត់ ចំរើន បន្ថែមថា អ្វីដែលសំខាន់ទៀតនោះ មន្ត្រីអាជ្ញាកណ្តាល និងចៅក្រមត្រូវមានភាពសុក្រឹត និងតម្លាភាព ក្នុងការកាត់ក្តី ឈ្នះចាញ់ឲ្យត្រឹមត្រូវតាមបទបញ្ជា តាមច្បាប់ តាមបច្ចេកទេស។ ជៀសវាងឲ្យបានអគតិទាំង៤ ដោយជៀសវាងពីការស្រឡាញ់ បក្សពួក សាច់ញាតិ ផលប្រយោជន៍ ប៉ុន្តែត្រូវប្រកាន់គោលការណ៍ឧបេក្ខាគឺនៅកណ្តាលជានិច្ច។
«គេមកប្រកួត មិនមែនដើម្បីប្រកួតតែម្យ៉ាងនោះទេ ប្រកួតជារឿងមួយ តែមានរឿងល្អៗច្រើនទៀតដែលយើងត្រូវទាក់ទាញចិត្តគេ។ គេសុខចិត្តមកដើម្បីគុនខ្មែរ អីចឹងយើងត្រូវបំពេញតួនាទីជាម្ចាស់ផ្ទះល្អដើម្បីផ្តល់ភាពកក់ក្តៅដល់ភ្ញៀវ»។ រដ្ឋលេខាធិការប្រសួងអប់រំ យុវជន និងកីឡាបញ្ជាក់។
នេះជាលើកទី៤ដែលសហព័ន្ធកីឡាប្រដាល់គុនខ្មែរអន្តរជាតិរៀបចំការប្រកួតគុនខ្មែរពិភពលោកដើម្បីពង្រឹង ពង្រីក និងពន្លឿនក្បាច់គុនខ្មែរឲ្យរីកចម្រើន បន្ទាប់ពីធ្លាប់រៀបចំ៣លើកហើយ។ ឆ្នាំ២០២៣នេះត្រូវបានចាត់ទុកជាឆ្នាំជោគជ័យបំផុតសម្រាប់គុនខ្មែរ បន្ទាប់ពីត្រូវបានចុះក្នុងបញ្ជីធម្មនុញ្ញកីឡាស៊ីហ្គេម នៅពេលកម្ពុជារៀបចំធ្វើជាម្ចាស់ផ្ទះ។ ជំហានបន្ទាប់ កម្ពុជាដាក់គោលដៅនាំយកគុនខ្មែរទៅក្នុងព្រឹត្តិការណ៍កីឡាអាស៊ី និងចុងក្រោយកម្រិតកីឡាអូឡាំពិកពិភពលោក៕
អត្ថបទ៖ វីរបុត្រ
តើអ្វីជាលក្ខណៈពិសេសនៃនាវាចម្បាំង USS Savannah (LCS 28) ដែលនឹងចូលចតនៅខេត្តព្រះសីហនុចាប់ពីថ្ងៃចន្ទ?
មនុស្សប្រមាណ២ពាន់នាក់ ចូលគ្នារត់ប្រណាំងប្រមូលថវិកាជូនអង្គការគ្រួសារថ្មី គាំទ្រការអប់រំជនមានពិការភាព
អតីតសហការីទណ្ឌិត សម រង្ស៊ី៖ ជនក្បត់ជាតិបីជំនាន់ សម រង្ស៊ី មិនស័ក្តិសមជាធ្វើជាអ្នកដឹកនាំប្រទេសទេ
អ្នកជំនាញយានយន្ត NPIC លើកទឹកចិត្តឱ្យនារីចូលសិក្សាជំនាញមេកានិកយានយន្តឱ្យបានច្រើនថែមទៀត ខណៈកំពុងមានតម្រូវការទីផ្សារខ្ពស់
លោកសុខ ពេញវុធ ត្រូវបានប្រកាសតែងតាំងជាប្រធានក្រុមការងារយុវជនគណបក្សរាជធានីភ្នំពេញជំនួសលោក នួន ផារ័ត្ន
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
វៀតណាមត្រូវការលុយ ១៤ ប៊ីលានដុល្លារ ដើម្បីសាងសង់ស្ថានីយសាកថ្ម EV ទូទាំងប្រទេស
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
កម្ពុជារកចំណូលបានជាង១ពាន់លានដុល្លារពីពាណិជ្ជកម្មតាមប្រព័ន្ធអេឡិចត្រូនិកនៅឆ្នាំ២០២៤
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៤ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៦ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ