កីឡា
តើ ធឿន ធារ៉ា ស័ក្តិសមហៅ«ស្តេចប្រដាល់គុនខ្មែរ»បានឬទេ?
ជើងខ្លាំង ធឿន ធារ៉ា បានក្លាយជាជើងឯកគុនខ្មែរពិភពលោកក្នុងព្រឹត្តិការណ៍ប្រកួតបេក្ខភាព៨រូបមកពី៨ប្រទេសផ្សេងគ្នា (8 Men Tournament) បន្ទាប់ពីផ្តួលដៃគូ៣រូបក្នុង១រាត្រីនៅថ្ងៃទី២៣ ខែវិច្ឆិកា ឆ្នាំ២០២៣ នៅសង្វៀនថោន។
ជុំដំបូង ធឿន ធារ៉ា បានយកឈ្នះកីឡាករអ៊ុយក្រែន WHITE SHARK ដែលជាអតីតដៃគូរបស់ Buakaw ដោយពិន្ទុ ប៉ុន្តែមុនពេលឈ្នះពិន្ទុត្រូវបានកីឡាករកម្ពុជាវ៉ៃឲ្យអាជ្ញាកណ្តាលរាប់៨ពីរដងដើម្បីឡើងទៅកាន់វគ្គពាក់កណ្តាលផ្តាច់ព្រ័ត្រ។
នៅវគ្គពាក់កណ្តាលផ្តាច់ព្រ័ត្រ ធឿន ធារ៉ា បានផ្តួលកីឡាករសាធារណរដ្ឋឆេក MICHAL ឲ្យសន្លប់ធំក្នុងទឹកទី១តាមរយៈកណ្តាប់ដៃឆ្វេងដ៏មហាទម្ងន់ដើម្បីឡើងទៅកាន់វគ្គផ្តាច់ព្រ័ត្រ។ នៅវគ្គផ្តាច់ព្រ័ត្រកីឡាករគុនខ្មែររូបនេះបានផ្តួលកីឡាករប្រេស៊ីល MACHADO BENTO ឲ្យសន្លប់ធំក្នុងទឹកទី១ទៀតតាមរយៈកណ្តាប់ដៃស្តាំ។
ជ័យជម្នះ៣លើកជាប់គ្នាក្នុងរាត្រីតែមួយ ធឿន ធារ៉ា បានក្លាយជាម្ចាស់ខ្សែក្រវាត់គុនខ្មែរពិភពលោក និងទទួលបានរង្វាន់រថយន្តថ្មីសន្លាង១គ្រឿងដែលមានតម្លៃប្រមាណ៤ម៉ឺនដុល្លារអាមេរិក។ យប់មិញនេះសរុបទាំងប្រាក់រង្វាន់ និងប្រាក់ឧបត្ថម្ភផ្សេងៗ រូបគេទទួលបានប្រមាណ២០០លានរៀល។
គិតចាប់ពីចុងឆ្នាំ២០២២ រហូតដល់ចុងឆ្នាំ២០២៣នេះ ធឿន ធារ៉ា កំពុងក្លាយជាកីឡាករប្រដាល់គុនខ្មែរទទួលបានជោគជ័យបំផុតទាំងការប្រកួតក្នុងប្រទេស និងក្រៅប្រទេស។ ពេលនេះរូបគេបានឈ្នះខ្សែក្រវាត់ចំនួន៦គ្រឿងហើយ។
ខ្សែក្រវាត់ទាំង៦គ្រឿងរបស់ ធឿន ធារ៉ា
- ខ្សែក្រវាត់អន្តរជាតិ Thai Fight
- ខ្សែក្រវាត់គុនខ្មែរអន្តរជាតិ IPCC Kun Khmer
- ខ្សែក្រវាត់ គ្រុឌគុនខ្មែរអន្តរជាតិ
- ខ្សែក្រវាត់គុនខ្មែរអន្តរជាតិ
- ខ្សែក្រវាត់គុនខ្មែរពិភពលោក IPCC តេជោសន្តិភាព
- ខ្សែក្រវាត់គុនខ្មែរពិភពលោក 8 Men Tournament
អ្នកគាំទ្រខ្មែរមួយចំនួនបាននាំគ្នាហៅកីឡាករ Buakaw ជាស្តេចប្រដាល់ស្រុកថៃ និងហៅកីឡាករកាណាដា-មីយ៉ាន់ម៉ា Dave Leduc ជាស្តេចប្រដាល់មីយ៉ាន់ម៉ា ប៉ុន្តែនៅកម្ពុជាមិនទាន់មានកីឡាករណាម្នាក់ត្រូវបានដាក់រហស្សនាមថា «ស្តេចប្រដាល់គុនខ្មែរ»។ តើ ធឿន ធារ៉ា ស័ក្តិសមទទួលបានរហស្សនាម«ស្តេចប្រដាល់គុនខ្មែរ»ទេ? ពិធីករបរទេសដែលបានមកអត្ថាធិប្បាយយប់មិញនេះគឺលោក Whitelaw បានបង្ហោះលើគណនី IG ពីកីឡាករ ធឿន ធារ៉ា ពាក់ម្កុដ ដែលជាសញ្ញាថា ស្តេចប្រដល់គុនខ្មែរ។
ទោះបីជាយ៉ាងណា អ្នកគាំទ្រមួយចំនួនបានលើកឡើងថា ដើម្បីក្លាយជាស្តេចប្រដាល់គុនខ្មែរបាន ធឿន ធារ៉ា ត្រូវជម្រះបញ្ជីឲ្យដាច់ស្រឡះជាមួយមិត្តរួមជាតិគឺ ឡៅ ចន្ទ្រា និង ធន់ រិទ្ធី ដែលជាជើងខ្លាំងទម្ងន់៧២គីឡូក្រាមប្រចាំស្រុកខ្មែរដែរ៕
អត្ថបទ៖ វីរបុត្រ
រង្វាន់កាន់តែធំអស្ចារ្យពី Smart! បញ្ចូលលុយទូរសព្ទមានឱកាសឈ្នះខុនដូរបស់បុរីប៉េង ហួត ឈ្នះឡាន BYD
មន្ត្រីជំនាញព្រួយបារម្ភ មាន់ទាងាប់ប្រមាណជាង ១៥០ ក្បាល នៅក្រុងក្រចេះ ជាជំងឺផ្ដាសាយបក្សី
សប្ដាហ៍នេះ រដ្ឋមន្ត្រីការបរទេសទីម័រ នឹងធ្វើទស្សនកិច្ចនៅកម្ពុជា ដើម្បីពង្រឹងទំនាក់ទំនង
IU រកចំណូលបានជាង២៣លានដុល្លារ ពីអាជីពសិល្បៈមួយមុខ
សេចក្តីជូនដំណឹង ស្តីពី ការអញ្ជើញចូលរួមដេញថ្លៃការងារជួសជុល ផ្លូវបេតុងអារមេប្រវែង ៤៦៩ម ទទឹង ៥ម កម្រាស់ ០,១៥ម នៅសង្កាត់អូរជ្រៅ ក្រុងកំពង់សោម សម្រាប់ឆ្នាំ ២០២៥ ជូនមន្ទីរអភិវឌ្ឍន៍ជនបទខេត្តព្រះសីហនុ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
មីយ៉ាន់ម៉ា៖ ទឹក៤ដបជួយក្មេងស្រីឲ្យរស់ ទោះជាប់ក្រោមគំនរបាក់បែករហូត៥០ម៉ោង
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៣ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ២ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី