កីឡា
ប្រធានគុនខ្មែរអន្តរជាតិប្រាប់ថា ថៃក៏បញ្ជូនកីឡាករម្នាក់មកប្រកួតគុនខ្មែរពិភពលោក
ប្រទេសថៃគ្រោងបញ្ជូនកីឡាករម្នាក់មកចូលរួមប្រកួតគុនខ្មែរពិភពលោក លើកទី៤ ដែលធ្វើចាប់ពីថ្ងៃទី២៦-២៧-២៨ ខែវិច្ឆិកា ឆ្នាំ២០២៣ នៅប្រាសាទអង្គរវត្ត ខេត្តសៀមរាប់។
លោក មៀម រ៉ា ប្រធានសហព័ន្ធកីឡាប្រដាល់គុនខ្មែរអន្តរជាតិថា បានឲ្យដឹងថា ប្រទេសដែលចូលរួមប្រកួតគុនខ្មែរពិភពលោកលើកទី៤នេះមានជាង២០ ក្នុងនោះមាន១៧ប្រទេសបានបញ្ជូនអត្តពលិកឲ្យចូលរួមប្រកួត និងប្រទេសមួយចំនួនទៀតមានជាតំណាង ឬសមាជិកចូលរួមដែលមានកិច្ចប្រជុំប្រចាំឆ្នាំផង។
ជាមួយគ្នានេះ លោក មៀម រ៉ា បានបញ្ជាក់ថា ព័ត៌មានជាក់លាក់គឺមាន១៧ប្រទេសបានបញ្ជូនអត្តពលិកចូលរួមប្រកួតដែលសរុបកីឡាករ កីឡាការិនីរបស់ម្ចាស់ផ្ទះកម្ពុជាផងមានជាង៦០នាក់។ ក្នុងចំណោមវិញ្ញាសា និងការប្រកួតខ្សែក្រវាត់ មានវិញ្ញាសាខ្លះមានបេក្ខភាពច្រើននាក់ដែលត្រូវប្រកួតជម្រុះច្រើនវគ្គ។
លោកបានរៀបរាប់ថា ប្រទេសដែលបញ្ជូនកីឡាករ កីឡាការិនីចូលរួមប្រកួតមានរុស្ស៊ី (៦នាក់) ឥណ្ឌា (៦នាក់) កាហ្សាស្ថាន (៤នាក់) អ៉ីរ៉ង់ (៤នាក់) ជប៉ុន (៣នាក់) ហ្វីលីពីន (៥នាក់)ឥណ្ឌូណេស៊ី (៤នាក់) កាមេរ៉ូន (១នាក់) អូស្ត្រាលី (១នាក់) ម៉ាឡេស៊ី (១នាក់) អាហ្សង់ទីន (១នាក់) វៀតណាម (១នាក់) ឡាវ (១នាក់) ថៃ (១នាក់) និងម្ចាស់ផ្ទះកម្ពុជា (២៥នាក់)។
តាមអ្វីដែលលោកប្រធានសហព័ន្ធគុនខ្មែរពិភពលោកបានបង្ហាញខាងលើនេះឃើញថា ថៃគ្រោងបានបញ្ជូនកីឡាករម្នាក់ចូលរួមដែរ។ កាលស៊ីហ្គេម លើកទី៣២ ខែឧសភា ឆ្នាំ២០២៣ កន្លងទៅ ថៃមិនបានបញ្ជូនអត្តពលិករបស់ខ្លួនចូលរួមប្រកួតប្រភេទគុនខ្មែរទេ ហើយរហូតដល់ពេលនេះ នៅមិនទាន់បើកទ្វារទទួលយកអត្តពលិកគុនខ្មែរទៅប្រកួតនៅប្រទេសថៃ ស្របពេលកម្ពុជាអនុញ្ញាតឲ្យកីឡាករ កីឡាការិនីថៃមកប្រកួតរាល់សប្តាហ៍។
តាមការឲ្យដឹងងពីលោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជាថា ការប្រកួតគុនខ្មែរពិភពលោកលើកទី៤នេះមានការបែងចែកជា៣ប្រភេទគឺកម្រិតស្ម័គ្រចិត្ត កម្រិតពាក់កណ្តាលអាជីព និងកម្រិតអាជីព ក្នុងនោះមានខ្សែក្រវាត់៤គ្រឿង និងមេដាយមាស ប្រាក់ សំរិទ្ធគ្រប់វិញ្ញាសា។
លោក វ៉ាត់ ចំរើន បានផ្តាំផ្ញើដល់អត្តពលិកគុនខ្មែរ និងគណៈកម្មការរៀបចំការប្រកួតថា សូមឲ្យគណៈកម្មការរៀបចំការប្រកួត និងអត្តពលិកទាំងអស់ត្រូវប្រកាន់ខ្ជាប់នូវគោលការណ៍យុត្តិធម៌ (Fair Play) ដែលគោរពគ្នាទៅវិញទៅមក គោរពបទបញ្ជានៃការប្រកួត និងគោរពតួនាទីរបស់ខ្លួន។ គោលការណ៍យុត្តិធម៌នេះហើយដែលនឹងធ្វើឲ្យគុនខ្មែររឹងមាំ រីកចម្រើន និងល្បីល្បាញលើឆាកអន្តរជាតិ។
ក្នុងនាមជាម្ចាស់ផ្ទះ កម្ពុជាបានត្រៀមកីឡាករ កីឡាការិនី២៥រូបចូលរួមប្រកួតគ្រប់វិញ្ញាសាទាំងកម្រិតស្ម័គ្រចិត្ត ពាក់កណ្តាលអាជីព និងអាជីព។ កីឡាករកម្ពុជាដែលប្រកួតកម្រិតអាជីពមានដូចជា រឿង សុភ័ណ្ឌ, ផល សោភ័ណ្ឌ, ខាំ ខ្លានាង និង ឈុត សេរីវ៉ាន់ថង ជាដើមដែលសុទ្ធតែម្ចាស់មេដាយមាសស៊ីហ្គេម៕
អត្ថបទ៖ វីរបុត្រ
រដ្ឋមន្ត្រីថាកម្ពុជាមានទឹកស្ដុកសម្រាប់ខែប្រាំងជិត៤លានម៉ែត្រគូបខណៈស្នើកសិករធ្វើស្រែតែមួយដង
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់លើរាជរដ្ឋាភិបាលលើបញ្ហាទឹកដី
អគារសិក្សាថ្មថ្មី ១ ខ្នង ៥ បន្ទប់ ជាក្តីសង្ឃឹមកុមារតំបន់ដាច់ស្រយាល ក្នុងស្រុកអូរគ្រៀងសែនជ័យ
ធនាគារកណ្តាលកម្ពុជានឹងបន្តសហការជាមួយចិនលើវិស័យហិរញ្ញវត្ថុ
ដើម្បីបង្ហាញការយកចិត្តទុកដាក់បងប្អូនម៉ូស្លីម កម្ពុជានឹងរៀបចំពិធីពិសាអាហារស្រាយបួសខែរ៉ម៉ាឌន
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ