ព័ត៌មានជាតិ
ឧត្តមសេនីយ៍ឯករ័ត្ន ស្រ៊ាង ជំរុញឲ្យក្រុមយុវជនបាល់ទាត់ សាលាបាក់ទូករួមគ្នាបន្តលើកស្ទួយវិស័យនេះកាន់តែរីកចម្រើន
ភ្នំពេញ ៖ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញបានថ្លែងនូវការជំរុញឲ្យក្រុមយុវជនបាល់ទាត់ សាលាបាក់ទូករួមគ្នាបន្តប្រឹងប្រែងលើកស្ទួយវិស័យកាន់តែរីកចម្រើនថែមទៀត។
លោកឧត្តមសេនីយ៍ឯក រ័ត្ន ស្រ៊ាងថ្លែងបែបនេះ ខណៈអញ្ជើញជួបសំណេះសំណាលជាមួយ លោកគ្រូអ្នកគ្រូចូលនិវត្តន៍ និងសម្ពោធដាក់ឲ្យដំណើរការប្រើប្រាស់ជាផ្លូវការទីលានបាល់ទាត់នៃវិទ្យាល័យបាក់ទូកថ្មីៗនេះ។ ទីលានបាល់ទាត់ដ៍ល្អនេះធ្វើឡើង ក្រោយពីបានរៀបចំកែលម្អបន្ថែមជាថ្មី ក្រោមកិច្ចសហការជាមួយដៃគូអភិវឌ្ឍន៍ដែលមានបទពិសោធន៍រៀបចំតារាងបាល់ទាត់ ក្រាលស្មៅសិប្បនិមិត្ត។
ក្នុងឱកាសនោះ ក៏មានការចូលរួមពីលោកឌួង មាសចម្រើន អគ្គនាយករង នៃអគ្គនាយកដ្ឋានកីឡា ក្រសួងអប់រំយុវជន និងកីឡា លោក ហែម ស៊ីណារ៉េត ប្រធានមន្ទីរអប់រំ យុវជននិងកីឡា រាជធានីភ្នំពេញ លោក តូច កន្តាល់ នាយកវិទ្យាល័យបាក់ទូក លោកបណ្ឌិត អ៊ឹមសុធារិទ្ធ តំណាងក្រុមហ៊ុន ជីប ម៉ុង លោក សោម សុនិមិត្ត តំណាងដៃគូអភិវឌ្ឍតារាងបាល់ទាត់ និង លោក លោកស្រី នាយករង-បុគ្គលិកសិក្សា អតីតលោកគ្រូអ្នកគ្រូ អតីតសិស្ស សាលាបាក់ទូក នាយទាហាន នាយទាហានរង នៃកងរាជអាវុធហត្ថរាជធានីភ្នំពេញ គណៈកម្មការរៀបចំការប្រកួត ក្រុមកីឡាករបាល់ទាត់ ព្រមទាំងក្មួយៗ សិស្សានុសិស្សជាច្រើនរូបទៀត។
លោកឧត្តមសេនីយ៍ឯក រ័ត្ន ស្រ៊ាង បានថ្លែងថា ការជ្រើសរើសដៃគូអភិវឌ្ឍន៍ របស់គណៈកម្មការ ទ្រទ្រង់សាលា គណៈនាយកសាលា និងក្រុមបច្ចេកទេស នៃសាលាបាក់ទូក មកអភិវឌ្ឍន៍នូវតារាងបាល់ទាត់ គឺជាការ រីកចម្រើនថ្មីមួយរបស់សាលាស្របតាមការរីកចម្រើនរបស់ប្រទេសជាតិ នាសម័យបច្ចុប្បន្ន ដែលមានសម្តេចអគ្គមហាសេនាបតី តេជោ ហ៊ុន សែន ជាប្រមុខដឹកនាំប្រកបដោយ គតិបណ្ឌិត ដូច្នេះលោកសង្ឃឹមថា តារាងបាល់ទាត់មួយនេះ នឹងបានជាប្រយោជន៍ ដល់ប្អូនៗយុវជនជំនាន់ក្រោយ ក្នុងការលើកស្ទួយវិស័យបាល់ទាត់ឲ្យរីកចម្រើនតទៅ និងជួយលើកមុខលើកមាត់ ប្រទេសជាតិយើង នៅលើឆាកអន្តរជាតិ។
សូមបញ្ជាក់ថា បន្ទាប់ពីកាត់ខ្សែបូរ សម្ពោធទីលានបាល់ទាត់រួច គណៈអធិបតី និងភ្ញៀវកិត្តិយសទាំងអស់ បាននាំគ្នាទស្សនា ការប្រកួតផ្តាច់ព្រ័ត្រ យកចំណាត់ថ្នាក់លេខ១ លេខ២ និងលេខ៣ រហូតចប់ការប្រកួត និងបានប្រគល់មេដាយពានរង្វាន់ជ័យលាភីដល់ក្រុមកីឡាបាល់ទាត់ទាំង៣ចំណាត់ថ្នាក់ខាងលើ មាន មេដាយមាស ប្រាក់ និងសំរិទ្ធ ថវិកាលើកទឹកចិត្ត មី ភេសជ្ជៈមួយចំនួន និងបាល់ទាត់ ផងដែរ៕
ដោយ ៖ វិមាន
អបអរសាទរ! ក្រមាក្នុងប្រពៃណីខ្មែរត្រូវបាន UNESCO ដាក់បញ្ចូលជាសម្បត្តិបេតិកភណ្ឌអរូបី នៃមនុស្សជាតិ
កំពង់ចាមឈ្នះខេត្តកែប ៦-២ ជើងទី១ ថ្នាក់ខេត្ត វគ្គ៤ក្រុមពានសម្តេចតេជោ
ស្ត្រីចំណាស់ម្នាក់រងរួបសន្លប់ស្ដូកស្ដឹង ក្រោយពីត្រូវក្រុមជនសង្ស័យឆក់ខ្សែ ក ដួលបោកក្បាល
អបអរសាទរ ! អ្នកនៅក្រុងកំពត ដែលទទួលបានរង្វាន់ធំទឹកប្រាក់ ១២៥លានរៀល ពីភេសជ្ជៈប៉ូវកម្លាំង ខារ៉ាបាវ
កម្ពុជា-ឡាវ ចុះកិច្ចព្រមព្រៀងលុបបំបាត់ការយកពន្ធត្រួតគ្នា លើពន្ធប្រាក់ចំណូល និងការបង្ការ ការគេចវេះពន្ធ និងការចៀសវាងពន្ធ
ទឹកជំនន់នៅភាគខាងត្បូងថៃ រឹតតែធ្ងន់ ឯមនុស្សស្លាប់ កើនច្រើនឡើងៗ
ផ្ទុះការចាប់អារម្មណ៍! ក្រោយស្ថាប័ន Supranational Cambodia ប្រកាសវត្តមាន AnNa Rose ចូលរួមប្រកួត
ករណីចាប់ត្រាក់ទ័រមួយគ្រឿង អ្នកភូមិអះអាងថាឈូសសំអាតដីភូមិធ្វើស្រែចម្ការ មិនមែនឈូសដីព្រៃនោះទេ
ឆាកតន្រ្តីដ៏ល្បីល្បាញកំឡុងឆ្នាំ២០០០ លើទឹកដីបាត់ដំបង ជាកន្លែងដំបូងដែល ឱក សុគន្ធកញ្ញា ឡើងបង្ហើរសំនៀង
ហេតុអ្វីកូរ៉េខាងត្បូង ដាក់ច្បាប់អាជ្ញាសឹក? តើពេលនេះ ស្ថានការណ៍យ៉ាងណាហើយ?
-
សេដ្ឋកិច្ច៦ ថ្ងៃ agoព្រលានយន្តហោះអន្តរជាតិតេជោសាងសង់បាន ៩២% ចំណាយថវិកាអស់ជាង ១,៣ ពាន់លានដុល្លារ
-
ព័ត៌មានជាតិ៥ ថ្ងៃ agoស្ពានដីឥដ្ឋ-ថ្មគរ នៅកៀនស្វាយឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
-
សន្តិសុខសង្គម៦ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ព័ត៌មានជាតិ៥ ថ្ងៃ agoEmirates នឹងតភ្ជាប់កម្ពុជាទៅកាន់១៤៨ គោលដៅក្នុង៨០ ប្រទេសនៅលើសកលលោក
-
សេដ្ឋកិច្ច៣ ថ្ងៃ agoក្រុមហ៊ុន Royal Railway បញ្ជាទិញទូរថភ្លើងដឹកទំនិញ ៦០ គ្រឿងបន្ថែមទៀតពីប្រទេសចិន
-
ជីវិតកម្សាន្ដ៤ ថ្ងៃ agoសុខោទ័យ អ្នកនិពន្ធបទ«សែកមន្ដ» ចេញបញ្ជាក់ពីការសហការប្រគល់សិទ្ធិ ក្នុងការផលិតបទ”សែកមន្ត”ជាមួយGalaxy Navatra
-
ព័ត៌មានអន្ដរជាតិ៤ ថ្ងៃ agoវៀតណាម អនុម័តគម្រោងផ្លូវរថភ្លើងល្បឿនលឿនតម្លៃ ៦៧ពាន់លានដុល្លារ
-
ព័ត៌មានជាតិ២ ថ្ងៃ agoឃ្លាំងស្តុកដំឡូងមី ដែលប្រមូលទិញពីកសិករក្នុងស្រុកកែវសីមា ត្រូវបង្ខំចិត្តបិទទ្វារ ដោយសារបញ្ហាដឹកជញ្ជូន