កីឡា

ពិធីករបរទេសលោក Andrew ចង់ឲ្យ ធឿន ធារ៉ា ប៉ះ ព្រំ សំណាង ដើម្បីដាច់ស្រឡះ

បានផុស

១ year មុន

នៅ

ថ្ងៃចន្ទ ៤ ធ្នូ ២០២៣

ដោយ

លោក Andrew Whitelaw ពិធីករកីឡាប្រដាល់អន្តរជាតិពិតជាចង់ឲ្យជំនួបជើងខ្លាំងគុនខ្មែរ ធឿន ធារ៉ា និង ព្រំ សំណាង កើតឡើងដើម្បីបញ្ជាក់ឲ្យច្បាស់ថាតើនរណាជា«អធិរាជគុនខ្មែរ»នៅប្រទេសកម្ពុជានាពេលបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជើងខ្លាំង ធឿន ធារ៉ា ទទួលបានការចាប់អារម្មណ៍ខ្លាំងមួយរយៈពេលចុងក្រោយនេះ បន្ទាប់ពីផ្តួលដៃគូបរទេស៣នាក់ក្នុងមួយរាត្រីដើម្បីក្លាយជាជើងឯកគុនខ្មែរពិភពលោក Kun Khmer 8 Men Tournament។ ក្រោយមកត្រូវបានមហាជនផ្គូផ្គងឲ្យជួបជើងខ្លាំងជាច្រើន ក្នុងនោះលោក អេ ភូថង ចង់ឲ្យជួបជើងខ្លាំងថៃ Buakaw ដើម្បីដកស្រង់បច្ចេកទេស និងបទពិសោធ។ សូម្បីតែមិត្តរួមជាតិក៏មានការលើកឡើងឲ្យជួបគ្នាដែរគឺកីឡាករ ព្រំ សំណាង។

ការផ្ទុះចាប់អារម្មណ៍ប៉ុន្មានថ្ងៃនេះគេចមិនផុតពីក្រសែភ្នែករបស់លោក Andrew Whitelaw រហូតដល់លោកបានលើកឡើងថា ៖«ខ្ញុំមិនដឹងថា រឿងនេះពិតឬយ៉ាងណាទេ ដែលមានគេនិយាយពីការជួបគ្នារវាង ធឿន ធារ៉ា និង ព្រំ សំណាង ប៉ុន្តែជំនួបនេះត្រូវតែកើតមានដើម្បីសម្រេចថា នរណាជាស្តេចប្រដាល់គុនខ្មែរនៅក្នុងប្រទេសកម្ពុជានាពេលបច្ចុប្បន្ន»។

លោក Andrew Whitelaw ដែលត្រូវបានគេស្គាល់ជាអ្នកអត្ថាធិប្បាយប្រដាល់នៅសង្វៀនគុនចម្រុះ UFC ធ្លាប់មកធ្វើអត្ថាធិប្បាយគុនខ្មែរពីរលើក២លើក និងបានចាប់អារម្មណ៍យ៉ាងខ្លាំងចំពោះកីឡាប្រដាល់គុនខ្មែរ។ កីឡាករគុនខ្មែរដែលលោកបានស្គាល់ច្បាស់បំផុតគឺ ធឿន ធារ៉ា ដែលធ្វើឲ្យលោកបាននិយាយតាមរយៈអត្ថាធិប្បាយថា នៅប្រទេសអាហ្សង់ទីនមានកីឡាករបាល់ទាត់ Missi នៅប្រទេសព័រទុយហ្គាល់មានកីឡាករ Ronaldo ហើយនៅកម្ពុជាមាន ធឿន ធារ៉ា ដែលល្បីខ្លាំង។

លោក Andrew Whitelaw បានឃើញ និងអត្ថាធិប្បាយផ្ទាល់ភ្នែកលើកទី១នៅពេល ធឿន ធារ៉ា ប្រើកណ្តាប់ដៃឆ្វេងផ្តួលកីឡាករប្រេស៊ីល DANIEL TORRES ឲ្យសន្លប់ក្នុងទឹកទី២កាលពីជាងមួយខែមុន។ លើកទី២ លោកបានអត្ថាប្បាយនៅពេលអ្នកលេងគុនខ្មែរទម្ងន់៧២គីឡូក្រាមបានយកឈ្នះកីឡាករអ៊ុយក្រែន WHITE SHARK ដោយពិន្ទុ និងផ្តួលកីឡាករសាធារណរដ្ឋឆេក MICHAL ឲ្យសន្លប់ធំក្នុងទឹកទី១ វគ្គពាក់កណ្តាលផ្តាច់ព្រ័ត្រ ហើយបន្តផ្តួលកីឡាករប្រេស៊ីល MACHADO BENTO ឲ្យសន្លប់ធំក្នុងទឹកទី១ទៀតតាមរយៈកណ្តាប់ដៃស្តាំវគ្គផ្តាច់ព្រ័ត្រដើម្បីឈ្នះខ្សែក្រវាត់គុនខ្មែរពិភពលោក៕

អត្ថបទ៖ វីរបុត្រ