លោក​ មាស ចាន់ណា ក្លាយជាគ្រូធំវិសាខាលើកទី២

ក្លិបបាល់ទាត់វិសាខាបានប្រកាសជាផ្លូវការនៅថ្ងៃពុធ ទី៦ ខែធ្នូ ឆ្នាំ២០២៣ ពីការតែងតាំងលោក មាស ចាន់ណា ជាគ្រូបង្គោល បន្ទាប់​ពីបញ្ចប់កុងត្រា​លោក Simon McMenemy កាលពីថ្ងៃអង្គារ៍ ទី៥ ខែធ្នូ ឆ្នាំ២០២៣។

លោក មាស ចាន់ណា កាន់​អាជ្ញាប័ណ្ណ​ A License ជាគ្រូបង្វឹក​កម្ពុជាមួយរូប ដែលមានបទពិសោធដឹកនៅលីគកំពូលច្រើនឆ្នាំ។

ឆ្នាំ២០១២-១៣ លោក មាស ចាន់ណា បានដឹកនាំក្រុមណាហ្គាវើលដ៍ ឈ្នះពាន​សម្ដេចអគ្គមហាសេនាបតីតេជោ ហ៊ុន សែន។ ឆ្នាំ២០២១ លោក​ត្រូវបានតែងតាំងជាគ្រូបង្វឹក​វិសាខា​ដែល​បាន​ឈ្នះពាន​សម្ដេចតេជោ ហ៊ុន សែន ​មាន​ឱកាស​​ទៅលេង​ពាន AFC Cup។

ការប្រកួតជុំទី២ ខេមបូឌានព្រីមៀរលីគ វិសាខា បច្ចុប្បន្ន​ឈរ​លេខ៣ បន្ទាប់​ពី​១២​ប្រកួត​ ឈ្នះ៧ ស្មើ២ និង​ចាញ់៣ មាន២៣ពិន្ទុ។ ទីផ្សារដោះដូរកីឡាករនៅកម្ពុជានឹងត្រូវបិទទ្វារនៅថ្ងៃទី១១ ខែធ្នូ ឆ្នាំ២០២៣ ដូច្នេះលោក មាស ចាន់ណា មាន​ឱកាស​រៀប​ចំ​ក្រុម​ជា​ថ្មី៕

អត្ថបទ៖ ផា រតនា