កីឡា

Gael Clichy ថា Man City សំណាងហើយដែលរបូតត្រឹម១គ្រាប់ជួប Aston Villa យប់មិញ

បានផុស

១ year មុន

នៅ

ថ្ងៃព្រហស្បតិ៍ ៧ ធ្នូ ២០២៣

ដោយ

រឿងដ៏គួរឲ្យភ្ញាក់ផ្អើលកាលពីយប់មិញគឺក្លិប Manchester City បានចាញ់ក្រុមម្ចាស់ផ្ទះ Aston Villa ១-០ នៅកីឡដ្ឋាន Villa Park ដែលធ្វើឲ្យក្រុម Aston Villa ឡើងមកលេខ៣ ខណៈ Man City ធ្លាក់ទៅលេខ៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អតីតខ្សែការពារក្លិប Man City កីឡាករ Gael Clichy បាននិយាយថា ៖«នេះជាការប្រកួតមួយដែល Man City លេងអាក្រក់បំផុត។ យើងមិនធ្លាប់ឃើញពួកគេលេងបែបនេះទេពីមុន។ វាមិនមានភាពរលូនសោះ។ ពួកគេសំណាងហើយ ដែលមិនរបូតគ្រាប់បាល់២គ្រាប់ ឬច្រើនជាងនេះអាច ៣ទៅ៤គ្រាប់»។

ការប្រកួតយប់មិញជាការប្រកួតដ៏អាក្រក់បំផុតរបស់ Man City ដោយ៩០នាទីពេញ ពួកគេមានឱកាសស៊ុតសំដៅទីក្រុម Aston Villa បានតែ២លើកគត់ ហើយពួកមិនមានឱកាសសោះក្នុងការទាត់បាល់ជ្រុង ខណៈក្រុម Aston Villa មានឱកាសស៊ុត២២លើក ចំគោលដៅ៧លើក រកបាន១គ្រាប់ និងមានឱកាសទាត់បាល់ជ្រុងរហូតដល់ទៅ៦លើក។

លោក Pep Guardiola បាននិយាយថា៖«ក្រុមធ្វើបានល្អគឺជាអ្នកឈ្នះ។ យើងបានតស៊ូ ជាពិសេសនៅវគ្គទី១ និងវគ្គទី២គឺខុសគ្នាទាំងស្រុង។ គុណភាពនៃការបញ្ចូនបាល់ និងការធ្វើចលនារបស់យើង ខ្ញុំស្ទើរតែមិនឃើញសោះក្នុងការប្រកួតនេះ។ ខ្ញុំដឹងពីកម្រិតរបស់ខ្ញុំ ហើយក្នុងនាមជាអ្នកចាត់ការ ខ្ញុំត្រូវរកវិធីដើម្បីឈ្នះការប្រកួតបន្ទាប់។ ខ្ញុំនៅទីនេះដើម្បីជួយពួកគេ។ បរាជ័យ៤ដងរបស់យើងនៅរដូវកាលនេះបានកើតឡើងនៅពេលខ្សែបម្រើដ៏មានឥទ្ធិពល Rodri បានអវត្តមានក្នុងជម្រើស១១នាក់»។

ចំពោះវត្តមានក្នុងការបង្ហាញខ្លួនរបស់កីឡាករ Rodri ជាមួយក្រុម Man City គឺក្រុមមិនស្គាល់ចាញ់សោះក្នុងការប្រកួត៤៣លើកចុងក្រោយរបស់ពួកគេ៕