កីឡា
Dave Leduc ប្រាប់ថា បើ ប៉ះ ធឿន ធារ៉ា ងាយស្រួលបំផុតសម្រាប់ខ្លួន
ជើងខ្លាំងកាណាដា-មីយ៉ាន់ម៉ា Dave Leduc ហាក់មើលឃើញកីឡាករគុនខ្មែរ ធឿន ធារ៉ា មិនមែនជាឧបសគ្គធំទេ ខណៈកីឡាករគុនខ្មែររូបនេះសង្ឃឹមរហូតដល់៧០% ប្រសិនបើអ្នកទាំងពីរជួបគ្នាថ្ងៃណាមួយ។
កាលពីថ្ងៃទី៥ ខែធ្នូ ឆ្នាំ២០២៣ សារព័ត៌មាន BKFC បានចេញផ្សាយពីបញ្ហាប្រឈមស្ថិតនៅពីក្រោយនៃការផ្គូផ្គងជើងខ្លាំងមីយ៉ាន់ម៉ា Dave Leduc ជាមួយកំពូលអ្នកប្រដាល់ថៃ Buakaw Banchamek ដែលពិបាកនឹងកើតឡើង។
Dave Leduc បានសម្រេចចូលនិវត្តន៍ បន្ទាប់ពីប្រកួតជាមួយកីឡាករគុនខ្មែរ ព្រំ សំណាង កាលពីថ្ងៃទី៥ ខែវិច្ឆិកា ឆ្នាំ២០២៣ ដែលបញ្ចប់ទៅដោយលទ្ធផលស្មើគ្នា បើទោះបីជាកីឡាករមីយ៉ាន់ម៉ារូបនេះបានវាយឲ្យអាជ្ញាកណ្តាលរាប់កីឡាករគុនខ្មែរ៨ម្តង ប៉ុន្តែយោងតាមលក្ខន្តិកៈនៃការប្រកួត១ទឹកមាន៩នាទីគ្មានអ្នកសន្លប់គឺគ្មានអ្នកឈ្នះចាញ់។
ថ្វីបើរូបគេបានប្រកាសចូលនិវត្តន៍មែន ប៉ុន្តែមហាជននៅតែមានការផ្គូផ្គងចង់ឲ្យជួបកីឡាករនេះ កីឡាករនោះជាដើមរួមទាំងជើងខ្លាំងគុនខ្មែរ ធឿន ធារ៉ា ផង។ នៅក្រោមអត្ថបទនិយាយពីបញ្ហាប្រឈមដែលកីឡាករ Dave Leduc និង Buakaw មានអ្នកបញ្ចេញមតិម្នាក់ឈ្មោះ Akara Mov បានលើកឡើងថា លោកគួរតែសាកល្បងជាមួយកីឡាករកម្ពុជា ធឿន ធារ៉ា។
ឆ្លើយតបនឹងមតិខាងលើ Dave Leduc បាននិយាយយ៉ាងខ្លីថា ៖«Too easy for me ឬ ងាយស្រួលបំផុតសម្រាប់ខ្ញុំ»។ ខ្លឹមសារខ្លីនេះអាចយល់បានថា ធឿន ធារ៉ា មិនមែនជាដៃគូពិបាកសម្រាប់រូបគេឡើយ ប្រសិនបើថ្ងៃណាមួយបានជួបគ្នាមែន។
ចំពោះអ្នកគាំទ្រនៅកម្ពុជាក៏ហាក់ដូចជាចង់ឲ្យអ្នកលេងគុនខ្មែរ ធឿន ធារ៉ា ប៉ះ Leduc ដែរ បន្ទាប់ពីមួយរយៈពេលចុងក្រោយកីឡាករគុនខ្មែររូបនេះមានសន្ទុះកើនឡើងយ៉ាងខ្លាំង ជាពិសេសរូបគេបានផ្តួលដៃគូ៣នាក់ក្នុងមួយរាត្រីដើម្បីក្លាយជាម្ចាស់ខ្សែក្រវាត់គុនខ្មែរពិភពលោក 8 Men Tournament ដែលមានរង្វាន់រថយន្ត១គ្រឿង។
នៅពេលទៅទទួលស្វាគមន៍ អេ អាំម៉ារីន ត្រឡប់មកពីប្រទេសអូស្ត្រាលី ធឿន ធារ៉ា បានផ្តល់បទសម្ភាសពាក់ព័ន្ធនឹង Dave Leduc ថា ៖«ប្រសិនបើប៉ះគ្នាមែន ខ្ញុំសង្ឃឹម៧០% ពីព្រោះខ្ញុំគិតថា សមត្ថភាពមិនលើសខ្វះគ្នាប៉ុន្មានទេ។ វ៉ៃជាមួយកីឡាករ Leduc ប្រសិនបើយឹតគឺពិបាកធ្វើគាត់។ គាត់ជាកីឡាករច្បាស់កណ្តាប់ដៃ តែគាត់មិនសូវពូកែទាត់ទេ»។
ក្រៅពីមានកណ្តាប់ដៃច្បាស់ល្អ កីឡាករ Dave Leduc មានប្រៀបគឺកម្ពស់ខ្ពស់ និងទម្ងន់ធ្ងន់ជាង ខណៈ ធឿន ធារ៉ា មានសមត្ថភាពវ៉ៃបានល្អទាំងព្រមគឺកណ្តាប់ដៃ ទាត់ កែង និងធាក់ ហើយកម្លាំងស៊ុហ្វក៏ពេញល្អ៕
អត្ថបទ៖ វីរបុត្រ
រដ្ឋមន្ត្រីថាកម្ពុជាមានទឹកស្ដុកសម្រាប់ខែប្រាំងជិត៤លានម៉ែត្រគូបខណៈស្នើកសិករធ្វើស្រែតែមួយដង
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់លើរាជរដ្ឋាភិបាលលើបញ្ហាទឹកដី
អគារសិក្សាថ្មថ្មី ១ ខ្នង ៥ បន្ទប់ ជាក្តីសង្ឃឹមកុមារតំបន់ដាច់ស្រយាល ក្នុងស្រុកអូរគ្រៀងសែនជ័យ
ធនាគារកណ្តាលកម្ពុជានឹងបន្តសហការជាមួយចិនលើវិស័យហិរញ្ញវត្ថុ
ដើម្បីបង្ហាញការយកចិត្តទុកដាក់បងប្អូនម៉ូស្លីម កម្ពុជានឹងរៀបចំពិធីពិសាអាហារស្រាយបួសខែរ៉ម៉ាឌន
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ