កីឡា

អ៊ុយក្រែន មិនអស់ចិត្តនឹង IPC អនុញ្ញាតឱ្យរុស្ស៊ី ចូលប្រកួតប៉ារ៉ាឡាំពិក២០២៤

បានផុស

១ year មុន

នៅ

ថ្ងៃសុក្រ ៨ ធ្នូ ២០២៣

ដោយ

ប្រទេសរុស្ស៊ី និងបេឡារុស្ស នឹងចូលរួមប្រកួតកីឡាអូឡាំពិកនៅទីក្រុងប៉ារីស ក្រោមទង់ជាតិអព្យាក្រឹត បន្ទាប់ពីការបោះឆ្នោតហាមឃាត់ជុំវិញជម្លោះរបស់ពួកគេជាមួយអ៊ុយក្រែន ត្រូវបានបរាជ័យកាលពីខែកញ្ញា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបោះឆ្នោតនៅក្នុងមហាសន្និបាតរបស់គណៈកម្មាធិការប៉ារ៉ាឡាំពិកអន្តរជាតិ (IPC) នៅទីក្រុងម៉ាណាម៉ា ប្រទេសបារ៉ែន បានឃើញសមាជិកចំនួន ៧៤នាក់ បានជំទាស់នឹងការហាមឃាត់រុស្ស៊ី និងបេឡារុស្ស ក្នុងនោះមាន ៦៥សម្លេងគាំទ្រឱ្យចូលរួម និង ១៣សម្លេងអនុប្បវាទ។

លោក Valeriy Sushkevych ប្រធានគណៈកម្មាធិការប៉ារ៉ាឡាំពិកអ៊ុយក្រែន បាននិយាយក្នុងសេចក្តីថ្លែងការណ៍មួយថា ការបោះឆ្នោតត្រូវបានធ្វើឱ្យខូចគុណភាព ដោយចោទប្រកាន់ប្រតិភូមួយចំនួនមកពីប្រទេសនៅតំបន់អាហ្វ្រិកថា «មានសម្ពាធនយោបាយយ៉ាងសំខាន់ពីប្រទេសរុស្ស៊ីតាមរយៈស្ថានទូត និងរដ្ឋាភិបាល»។

ការប្រកួតប៉ារ៉ាឡាំពិក ទីក្រុងប៉ារីស ឆ្នាំ២០២៤ នឹងប្រព្រឹត្តទៅចាប់ពីថ្ងៃទី២៨ ខែសីហា ដល់ថ្ងៃទី០៨ ខែកញ្ញា បន្ទាប់ពីកីឡាអូឡាំពិកបានបញ្ចប់១ខែ។

គណៈកម្មាធិការប៉ារ៉ាឡាំពិកអន្តរជាតិ បានបដិសេធធ្វើអត្ថាធិប្បាយលើការចោទប្រកាន់នេះ ប៉ុន្តែនឹងនាំពាក្យសម្ដីចោទប្រកាន់ទៅប្រធានរបស់ខ្លួនគឺលោក Andrew Parsons បន្ទាប់ពីការបោះឆ្នោតនៅ Manama ត្រូវអនុញ្ញាតឱ្យអត្តពលិកមានពិការភាពរុស្ស៊ី និងបេឡារុស្សចូលរួមប្រកួតប្រជែងនៅប៉ារ៉ាឡាំពិក៕