កីឡា
ធឿន ធារ៉ា ប្រាប់ពីចំណុចខ្លាំងរបស់ Leduc បើជួបសង្ឃឹមឈ្នះ៧០%
ជើងខ្លាំងគុនខ្មែរកំពុងឈានមុខ ធឿន ធារ៉ា សង្ឃឹមទទួលបានជ័យជម្នះ៧០% ប្រសិនបើជួបជើងខ្លាំងជាអតីតស្តេចប្រដាល់មីយ៉ាន់ម៉ា Dave Leduc ដែលចាត់ទុកខ្លួនស្ថិតនៅក្រោម ព្រំ សំណាង។
ធឿន ធារ៉ា បានឃើញសមត្ថភាពរបស់កីឡាករកាណាដា-មីយ៉ាន់ម៉ា Dave Leduc ច្បាស់នៅពេលប្រកួតជាមួយ ព្រំ សំណាង កាលពីថ្ងៃទី៥ ខែវិច្ឆិកា ឆ្នាំ២០២៣ នៅប្រទេសកម្ពុជា។ ពេលនោះ Leduc បានគ្រប់គ្រងការប្រកួតស្ទើរទាំងស្រុង ហើយវាយឲ្យអាជ្ញាកណ្តាលរាប់ សំណាង ៨ម្តង ប៉ុន្តែគ្មានអ្នកឈ្នះដោយសារចុងក្រោយគ្មានអ្នកសន្លប់ បន្ទាប់ពីចប់១ទឹកមាន៩នាទី។
នៅអាកាសយានដ្ឋានភ្នំពេញអន្តរជាតិកំពុងរង់ចាំទទួលស្វាគមន៍កីឡាករ អេ អាំម៉ារីនភូថង, ម៉ឺន មេឃា និងលោកគ្រូ អេ ភូថង វិលត្រឡប់មកពីប្រទេសអូស្ត្រាលី កាលពីដើមខែវិច្ឆិកា ធឿន ធារ៉ា បានផ្តល់បទសម្ភាសពាក់ព័ន្ធនឹងកីឡាករ Dave Leduc ថា ៖«ប្រសិនបើប៉ះគ្នាមែន ខ្ញុំសង្ឃឹម៧០% ពីព្រោះខ្ញុំគិតថា សមត្ថភាពរបស់គាត់មិនលើសខ្ញុំប៉ុន្មានទេ។ វ៉ៃជាមួយកីឡាករ Leduc ប្រសិនបើយឹតគឺពិបាកធ្វើគាត់។ គាត់ជាកីឡាករល្អកណ្តាប់ដៃ ហើយចេះកែងដែរ តែគាត់មិនសូវល្អទាត់ទេ»។
កាលពីពេលថ្មីៗនេះ Dave Leduc ហាក់មើលស្រាលចំពោះកីឡាករ ធឿន ធារ៉ា ដោយបានចាត់ទុកកីឡាករកម្ពុជារូបនេះងាយស្រួលសម្រាប់ខ្លួន។ អ្វីដែលកាន់តែជាក់ច្បាស់នោះគឺរូបគេប្រើគណិតវិទ្យាដោយបានចាត់ទុក ធឿន ធារ៉ា នៅកម្រិតក្រោម ព្រំ សំណាង ហើយ ព្រំ សំណាង ស្ថិតក្រោមរូបគេ ដូច្នេះខ្លួនជាស្តេចប្រដាល់នៅតំបន់អាស៊ីអាគ្នេយ៍។
Leduc បានលើកឡើងថា ៖«ខ្ញុំបានចូលនិវត្តន៍ជាស្តេចឡេតវេ និងជាស្តេចគុនខ្មែរ។ នេះជាគណិតវិទ្យាសាមញ្ញ៖ ខ្ញុំវាយឈ្នះព្រំ សំណាង ហើយសំណាងវាយឈ្នះធឿន ធារ៉ា។ ដាវ > សំណាង > ធារ៉ា = ដាវ។ ខ្ញុំជាស្តេចប្រដាល់ប្រចាំអាស៊ីអាគ្នេយ៍»។
ធឿន ធារ៉ា ទើបតែបានឈ្នះខ្សែក្រវាត់គុនខ្មែរពិភពលោក 8 Men Tournament បន្ទាប់ពីផ្តួលដៃគូ៣នាក់ក្នុងមួយរាត្រីដើម្បីទទួលបានរថយន្ត១គ្រឿង។
នាថ្ងៃទី១៤ ខែធ្នូនេះ ធឿន ធារ៉ា ត្រូវប្រកួតជាមួយកីឡាករ Nassan Vandani នៅដីឡូត៍ក្បែរវត្តស្ងួនពេជ្រ ខណ្ឌកំបូល ដែលផ្សាយផ្ទាល់ដោយទូរទស្សន៍ BTV Cambodia៕
អត្ថបទ៖ វីរបុត្រ
លោក សាំ ពិសិដ្ឋ៖ ការបាក់ស្រុតផ្លូវបេតុងនៅសង្កាត់ស្ទឹងមានជ័យទី២ ដោយសារទឹកហូរច្រោះខាងក្រោមផ្លូវ
ឯកឧត្តម ហ៊ុន ម៉ានី បើកសិក្ខាសាលាយុទ្ធសាស្រ្តខេត្តកំពង់ស្ពឺត្រៀមលក្ខណៈឆ្ពោះទៅកាន់ការបោះឆ្នោត
IU ក្លាយជាតារាចម្រៀងស្រីដំបូងគេ ដែលប្រគំតន្ត្រីនៅកីឡដ្ឋានធំបំផុតរបស់កូរ៉េ
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា