កីឡា
Man United ប្រមូលយកទាំងអស់ពានរង្វាន់ប្រចាំខែវិច្ឆិកានៅ Premier League
ក្លិបបិសាចក្រហម Manchester United បានប្រមូលយកពានរង្វាន់ប្រចាំខែវិច្ឆិកាទាំង៣ ក្នុងក្របខណ្ឌ Premier League គឺពានរង្វាន់គ្រូបង្វឹកឆ្នើមប្រចាំខែ ពានរង្វាន់កីឡាករល្អប្រចាំខែ និងពានរង្វាន់អ្នកស៊ុតបញ្ចូលទីល្អប្រចាំខែ។

គ្រូបង្វឹកក្លិប Manchester United លោក Erik ten Hag ត្រូវបានជ្រើសរើសជាគ្រូបង្វឹកល្អប្រចាំខែវិច្ឆិកា ឆ្នាំ២០២៣ បន្ទាប់ពីលោកដឹកនាំ៣ប្រកួតចុងក្រោយ ក្នុងក្របខណ្ឌ Premier League មិនរហូតគ្រាប់សូម្បីតែ១គ្រាប់។ ចំពោះ៣ប្រកួតចុងក្រោយនោះក្លិប Man Utd បានយកឈ្នះ Fulham ១-០, ឈ្នះ Luton Town ១-០ និងឈ្នះ Everton ៣-០។ នេះគឺពានរង្វាន់គ្រូបង្វឹកឆ្នើមទី៣ ដែលលោក Erik ten Hag បានឈ្នះ បន្ទាប់ពីលោកធ្លាប់ឈ្នះពានរង្វាន់កាលពីខែកុម្ភៈ ឆ្នាំ២០២៣ និងខែកញ្ញា ឆ្នាំ២០២២។

ខ្សែការពារ Manchester United កីឡាករ Harry Maguire ក៏ត្រូវបានជ្រើសរើសជាខ្សែការពារល្អបំផុតប្រចាំខែវិច្ឆិកា។ រូបគេបានក្លាយជាខ្សែការពារទី១៥ ក្នុងប្រវិត្តសាស្រ្តក្នុងក្របខណ្ឌ Premier League ដែលឈ្នះពានរង្វាន់នេះ។ ស្ថិតិរបស់កីឡាករ Harry Maguire ក្នុងខែវិច្ឆិកា លេងបាន២៧០នាទី ការពារក្រុមមិនឲ្យរបូតគ្រាប់បាល់៣ប្រកួតចុងក្រោយ រារាំងបាល់បាន៦លើក ការទាត់បាល់កាត់ផ្ដាច់២០លើក និងការប្រជែងឈ្នះបាល់លើអាកាសចំនួន១៦លើក។

កីឡាករ Alejandro Garnacho បានឈ្នះពានរង្វាន់កីឡាករដែលស៊ុតបញ្ចូលទីល្អបំផុត នៅពេលរូបគេប្រើក្បាច់លោតទាត់បាល់លើអាកាសបានយ៉ាងល្អ នៅពេលក្លិប Man Utd ជួបជាមួយក្លិប Everton។ នេះជាលើកទី២ហើយដែលកីឡាកររបស់ Man Utd បានឈ្នះពានរង្វាន់មួយនេះ បន្ទាប់ពីកីឡាករ Bruno Fernandes ធ្លាប់បានឈ្នះពេលស៊ុតចូលក្រុម Burnley ៕


អត្ថបទ៖ ផា រតនា

-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?