កីឡា

កម្ពុជាទទួលបានមេដាយប្រាក់១ សំរិទ្ធ១ពីការប្រកួតគុនចម្រុះកម្រិតពិភពលោក

បានផុស

១០ ខែ មុន

នៅ

ថ្ងៃចន្ទ ១១ ធ្នូ ២០២៣

ដោយ

អត្តពលិកកីឡាគុនចម្រុះកម្ពុជាទទួលបានមេដាយ២គ្រឿងគឺប្រាក់១ និងសំរិទ្ធ១ពីការប្រកួតគុនចម្រុះកម្រិតពិភពលោក GAMMA World MMA នៅប្រទេសថៃដែលបានបញ្ចប់កាលពីថ្ងៃអាទិត្យ ទី១០ ខែធ្នូ ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករប្រដាល់ ឡុង ឡា ដែលមានប្រភពដើមជាកីឡាករគុនខ្មែរបានឈ្នះមេដាយប្រាក់ បន្ទាប់ពីប្រកួតចាញ់កីឡាករចិន Zhou នៅវគ្គផ្តាច់ព្រ័ត្រ។ ចំណែកកីឡាការិនី សំ ថារ័ត្ន ទទួលបានមេដាយសំរិទ្ធ។

ព្រឹត្តិការណ៍ប្រកួតគុនចម្រុះកម្រិតពភពលោក GAMMA World MMA មានច្រើនវិញ្ញាសា និងច្រើនទម្រង់។ វិញ្ញាសាខ្លះអាចកាច់ឃ្លេ វ៉ៃទាត់ ធាក់ កណ្តាប់ដៃ និងកែងបានតាមសេរី ប៉ុន្តែវិញ្ញាសាខ្លះពេលឃ្លេកាច់ឲ្យដួលហើយមិនអាចវ៉ៃកណ្តាប់ដៃ និងកែងបានទេ។

ប្រតិភូអត្តពលិកគុនចម្រុះកម្ពុជាដែលដឹកនាំដោយលោកគ្រូ ហ៊ុន ចន្ទរាជ បានបញ្ជូនកីឡាករ និងកីឡាការិនី៩រូបបានខិតខំប្រឹងប្រែងប្រកួតជាច្រើនដំណាក់កាលពោលតាំងពីវគ្គជម្រុះរហូតដល់វគ្គពាក់កណ្តាលផ្តាច់ព្រ័ត្រ និងវគ្គផ្តាច់ព្រ័ត្រ៕

អត្ថបទ៖ វីរបុត្រ