កីឡា
ព្រំ សំណាង វាយបក Dave Leduc វិញថា ជាមនុស្សក្រឡេចក្រឡុច
សង្គ្រាមពាក្យសំដីរវាងកីឡាករកម្ពុជា ព្រំ សំណាង និងកីឡាករមីយ៉ាន់ម៉ា Dave Leduc នៅតែបន្តកើតមានមិនដាច់ បន្ទាប់ពីអ្នកទាំងពីរបានប្រកួតស្មើគ្នាកាលពីថ្ងៃទី៥ ខែវិច្ឆិកា ឆ្នាំ២០២៣។
អ្វីដែលគួរឲ្យចាប់អារម្មណ៍គឺ Dave Leduc បានចេញវីដេអូ និងសារជារឿយៗមកលើកីឡាប្រដាល់កម្ពុជា។ ក្នុងនោះរូបគេបាននិយាយថា ធឿន ធារ៉ា ជាកីឡាករស្រួលបំផុតសម្រាប់ខ្លួន ដូច្នេះរូបគេមិនចាំបាច់ប្រកួតជាមួយទេ។ រូបគេក៏បាននិយាយខ្លួនឯងថាជា«ស្តេចប្រដាល់ឡេតវេ និងគុនខ្មែរ» បើទោះបីជារូបគេមិនធ្លាប់បានប្រកួតលក្ខណៈគុនខ្មែរក៏ដោយ។
Dave Leduc បានប្រកួតស្មើជាមួយ ព្រំ សំណាង បើទោះជាមានប្រៀបតាមរយៈការវាយឲ្យអ្នកលេងគុនខ្មែរត្រូវបានអាជ្ញាកណ្តាលរាប់៨ម្តង ប៉ុន្តែតាមច្បាប់គ្មានអ្នកសន្លប់គឺគ្មានអ្នកឈ្នះចាញ់។ បែបនេះក្តី Leduc បាននិយាយថា ខ្លួនឈ្នះ ព្រំ សំណាង ហើយ ព្រំ សំណាង បានឈ្នះ ធឿន ធារ៉ា ដូច្នេះរូបគេជាស្តេចប្រដាល់ប្រចាំតំបន់អាស៊ីអាគ្នេយ៍។
ចុងក្រោយបំផុតកាលពីថ្ងៃទី១១ ខែធ្នូ Dave Leduc បាននិយាយថា ៖«អ្នករាល់គ្នាដឹងហើយថាខ្ញុំផ្តល់ឱកាសដល់សំណាងហើយមិនបានធ្វើឲ្យគាត់សន្លប់ទេ ព្រោះការប្រកួតរបស់យើងជាការប្រកួតមិត្តភាពការទូតរវាងមីយ៉ាន់ម៉ា-កម្ពុជា។ ខ្ញុំបន្ថយល្បឿន បន្ទាប់ពីការដួលលើកទីមួយ នៅពេលខ្ញុំដឹងថា ខ្ញុំខ្លាំងពេក។ ខ្ញុំចង់ឲ្យយើងទាំងពីរនាក់បញ្ចប់ការប្រកួតដោយឈរជើងជាប់នៅលើសង្វៀនទាំងអស់គ្នា ហើយអាចលើកទង់ជាតិមីយ៉ាន់ម៉ា និងកម្ពុជាឲ្យផុតពីអាកាស! ខ្ញុំមិនអាចលើកទង់ជាតិបានទេ ប្រសិនបើគូប្រកួតខ្ញុំដេកលើសង្វៀន…»។
នៅព្រឹកថ្ងៃអង្គារ៍ ទី១២ ខែធ្នូនេះ ព្រំ សំណាង បានឆ្លើយតបទៅ Dave Leduc វិញដោយចាត់ទុកជាមនុស្សក្រឡេចក្រឡុចដោយមិនហ៊ានវាយពាក់ហ្គង់ដៃ និងកូរជាងកន្លះម៉ោងទើបប្រកួតកាលពីយប់ថ្ងៃទី៥ ខែវិច្ឆិកា ឆ្នាំ២០២៣ ប៉ុន្តែបែរជាថាខ្លួនតឲ្យសម្រាប់ការប្រកួតរុំអំបោះឆៅ។
ព្រំ សំណាង បាននិយាយថា ៖«ខ្ញុំដេកមិនលក់ បក់មិនរហើយ បើក Facebook កាលណា ឃើញគេនិយាយថា ថ្ងៃមុនគេតឲ្យខ្ញុំបាទ ព្រំ សំណាង។ សំណាងហើយដែលខ្ញុំមិនសន្លប់ ហើយតស្អីគេ បើឡើងជង្គង់កណ្តាលៗថ្គាម ឥឡូវខំស្រែកដូចគោ។ សំណាងហើយដែលអាជ្ញាកណ្តាលចាប់ទាន់»។
«លទ្ធផលមុនស្មើគ្នា ចង់ជម្រុះបញ្ជី ខ្ញុំចង់ស្នើឲ្យកម្មវិធីប៊ូសស្ត្រងជួយរៀបចំការប្រកួតលើកទី២ គាត់ថា ចូលនិវត្តន៍ មិនបាច់ចូលនិវត្តន៍ទេ ដាក់ម្តងទៀតមើល ហើយតអីគេ បើកវ៉ៃហ្គង់មិនហ៊ានវ៉ៃផង តអីទៀត។ គេរៀបចំវ៉ៃពាក់ហ្គង់ដៃ អត់ហ៊ានផង។ ប្រសិនបើខ្ញុំអត់ព្រមវ៉ៃរុំអំបោះឆៅវិញ ប្រហែលជាខូចកម្មវិធីបាត់ហើយពេលនោះ។ ឥឡូវសាកមើលគុនខ្មែរ៣ទឹក ធានាថាសន្លប់ ផ្ញើទៅ Dave Leduc»។
មុនការប្រកួតកាលពីថ្ងៃទី៥ ខែវិច្ឆិកា Dave Leduc ទទួលបានការស្រឡាញ់គាំទ្រច្រើនពីអ្នកគាំទ្រកម្ពុជា ពីព្រោះរូបគេបានរួមចំណែកផ្សព្វផ្សាយប្រដាល់គុនខ្មែរ ប៉ុន្តែមួយរយៈពេលចុងក្រោយអ្នកគាំទ្រហាក់ដូចជាមិនសូវពេញចិត្តនឹង Leduc ទេដោយសារបាននិយាយថា ខ្លួនជាស្តេចប្រដាល់ឡេតវេ និងគុនខ្មែរប្រចាំតំបន់អាស៊ីអាគ្នេយ៍ ទាំងខ្លួនមិនធ្លាប់បានប្រកួតគុនខ្មែរម្តងណាសោះ ហើយប្រកួតជាមួយ ព្រំ សំណាង ប្រើច្បាប់១ទឹកមានរយៈពេល៩នាទីដែលមិនមែនជាច្បាប់គុនខ្មែរ៕
អត្ថបទ៖ វីរបុត្រ
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
រដ្ឋមន្ត្រីថាកម្ពុជាមានទឹកស្ដុកសម្រាប់ខែប្រាំងជិត៤លានម៉ែត្រគូបខណៈស្នើកសិករធ្វើស្រែតែមួយដង
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
អគារសិក្សាថ្មថ្មី ១ ខ្នង ៥ បន្ទប់ ជាក្តីសង្ឃឹមកុមារតំបន់ដាច់ស្រយាល ក្នុងស្រុកអូរគ្រៀងសែនជ័យ
ធនាគារកណ្តាលកម្ពុជានឹងបន្តសហការជាមួយចិនលើវិស័យហិរញ្ញវត្ថុ
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ