កីឡា
Chilavert ជាអ្នកចាំទីមួយរូបបានស៊ុតបាន៣គ្រាប់ក្នុងមួយប្រកួត
ការលេងជាអ្នកចាំទីគឺជាតំណែងមួយដែលកម្រមានឱកាសរកគ្រាប់ស៊ុតបញ្ចូលទីណាស់ ប៉ុន្តែចំពោះអ្នកចាំទី José Luis Chilavert មានលទ្ធភាពរកគ្រាប់បានរហូតដល់ទៅ៣គ្រាប់ក្នុង១ប្រកួតទៅវិញ។

កីឡាករ José Luis Chilavert បានជាប់ឈ្នោះជាអ្នកចាំទី ដែលរកគ្រាប់បាល់បានច្រើនបំផុតក្នុងប្រវត្តិសាស្រ្ដដោយឈរនៅលេខរៀងទី២ ដោយក្នុងអាជីពជាអ្នកចាំទីរកគ្រាប់សរុបបាន៦៧គ្រាប់។
អ្នកចាំទី Chilavert បានស៊ុតបញ្ចូលទីបាន៣គ្រាប់ កាលពីថ្ងៃទី២៨ ខែវិច្ឆិកា ឆ្នាំ១៩៩៩ ក្នុងពេលលេងឱ្យក្រុម Velez ទល់ក្រុម Ferro Carril Oeste។ គ្រាប់ទាំង៣គ្រាប់របស់អ្នកចាំទីសញ្ជាតិប៉ារ៉ាហ្គាយគឺរកបានដោយការស៊ុតបាល់ពិន័យ១១ម៉ែត្រទាំង៣គ្រាប់។ វាមិនមែនជារឿងគួរឱ្យភ្ញាក់ផ្អើលទេនៅពេលនោះ ពីព្រោះ Chilavert ជាអ្នកចាំទីមានជំនាញប្រើប្រាស់ជើងបានយ៉ាងល្អ។

អ្នកចាំទី José Luis Chilavert បានឈ្នះពានរង្វាន់ចំនួន១២ក្នុងអាជីពជាកីឡាករ ក្នុងនោះពានរង្វាន់ធំៗរួមមាន Copa Libertadores ឆ្នាំ១៩៩៤ និង Intercontinental Cup ឆ្នាំ១៩៩៤ ពេលលេងឲ្យក្លិប Vélez Sarsfield និងឈ្នះពានរង្វាន់អ្នកចាំទីល្អបំផុត IFFHS ចំនួន៣។ លោកបានបង្ហាញខ្លួនឱ្យក្រុមជម្រើសជាតិប៉ារ៉ាហ្គាយចំនួន៧៤លើកពីឆ្នាំ១៩៨៩ ដល់ឆ្នាំ២០០៣ ដោយស៊ុតបញ្ចូលទីបាន៨គ្រាប់ ក្នុងការប្រកួតសំខាន់ៗ៥លើក។ ការបង្ហាញខ្លួនជាមួយក្លិបអាជីពវិញកីឡាករ Chilavert បង្ហាញខ្លួនសរុបបាន៦១៧ប្រកួត ស៊ុតបញ្ចូលទីបាន៥៩គ្រាប់ជាមួយក្លិប៧ផ្សេងគ្នា។

អ្នកចាំទី Chilavert បានបង្ហាញខ្លួនជាមួយក្រុមជម្រើសជាតិប៉ារ៉ាហ្គាយក្នុងការប្រកួត FIFA World Cup ចំនួន២លើកក្នុងឆ្នាំ១៩៩៨ និង២០០២។ លោកជាប្រធានក្រុមជម្រើសជាតិប៉ារ៉ាហ្គាយទាំង២លើកនាពេលនោះ។ សម្រាប់ពានរង្វាន់ក្នុងទ្វីបអាមេរិកឡាទីន Copa América លោកបានបង្ហាញខ្លួនក្នុងការប្រកួត៣លើកក្នុងឆ្នាំ១៩៩១, ១៩៩៣, និង១៩៩៧៕
អត្ថបទ៖ ផា រតនា

-
ព័ត៌មានអន្ដរជាតិ៩ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?