កីឡា

គ្រូព្រះខ័នរាជស្វាយរៀងប្រាប់ពីរបៀបលេងធ្លាក់ចុះ

បានផុស

១ year មុន

នៅ

ថ្ងៃពុធ ១៣ ធ្នូ ២០២៣

ដោយ

៣ប្រកួតចុងក្រោយ ព្រះខ័នរាជស្វាយរៀងរកបានតែ១ពិន្ទុប៉ុណ្ណោះតាមរយៈលទ្ធផលស្មើ១ប្រកួត និងចាញ់២ប្រកួតក្នុងលីគបាល់ទាត់កំពូលកម្ពុជារដូវកាល២០២៣-២៤ដែលបានបញ្ចប់សប្តាហ៍ទី១៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះខ័នរាជស្វាយរៀងដែលដឹកនាំដោយលោក Pep Muñoz គ្រូបង្វឹកសញ្ជាតិអេស្ប៉ាញតែងតែគ្រប់គ្រងបាល់រាល់ការប្រកួតទាំង១៣សប្តាហ៍កន្លងមក ប៉ុន្តែ៣ប្រកួតចុងក្រោយពិតជាពិបាករកគ្រាប់បាល់មែនទែន។ ១០ប្រកួតដំបូង ព្រះខ័នរាជស្វាយរៀងភាគច្រើនអាចបំប៉ោងសំណាញ់ទីរបស់ដៃគូប្រកួតចុងម៉ោង។

ជាក់ស្តែងណាហ្គាវើលដ៍បានប្រើក្បួនការពារស្ទើរពាក់កណ្តាលតារាង រួចវាយបក ហើយបានយកឈ្នះព្រះខ័នរាជស្វាយរៀង ១-០ នៅទឹកដីខេត្តកំពង់ស្ពឺតាមរយៈការទាត់បាល់ហ្វ្រីឃីត។ បន្ទាប់មក អាយអេសអាយ ដង្កោសែនជ័យ ក៏បានប្រើយុទ្ធសាស្ត្រការពារដ៏រឹងមាំ ហើយវាយបកដ៏មានប្រសិទ្ធភាពដែលបានយកឈ្នះព្រះខ័នរាជស្វាយរៀង ១-២ នៅទឹកដីខេត្តស្វាយរៀងថែមទៀត។

ពាក់ព័ន្ធនឹងលទ្ធផលមិនល្អប្រសើរចុងក្រោយនេះ លោក Pep Muñoz បានមើលឃើញរបៀបលេងរបស់ក្រុមលោកដែលអាចធ្វើឲ្យដៃគូចាប់ចំណុចខ្សោយបាន និងរៀបចំក្បួនដើម្បីការពារ រួចបក។

លោកបានប្រាប់ថា ៖«យើងមើលមិនឃើញពីចំនួនកំហុសជាក់លាក់ទេ តែយើងមើលឃើញពីមួយប្រកួតទៅមួយប្រកួត។ យើងតែងតែលេងរបៀបដដែលៗ តែតាមពិតទៅពីរបីប្រកួតចុងក្រោយ យើងលេងបានល្អណាស់ និងបង្កើតឱកាសជាច្រើន។ ខ្ញុំអាចនិយាយបានថា យើងលេងបានល្អជាងការប្រកួតមុនៗដែលយើងទទួលបានជ័យជម្នះថែមទៀត។ ឈ្នះ ឬចាញ់មិនមែនស្ថិតនៅក្នុងដៃយើងម្នាក់ឯងនោះទេ។ ការងាររបស់យើងគឺលេងឲ្យបានល្អ និងបង្កើតឱកាសរកគ្រាប់បាល់»។

ទោះបីជាយ៉ាងណា ព្រះខ័នរាជស្វាយរៀងនៅតែបន្តឈរលើកំពូលតារាងដោយមាន៣១ពិន្ទុ បន្ទាប់ពីឈ្នះ១០ប្រកួត ស្មើ១ប្រកួត និងចាញ់២ប្រកួត តាមពីក្រោយក្រុមលេខ២ភ្នំពេញក្រោនដែលមាន២៧ពិន្ទុ និងលេខ៣វិសាខាមាន២៦ពិន្ទុ។

នៅសប្តាហ៍ទី១៤ ព្រះខ័នរាជស្វាយរៀងត្រូវធ្វើដំណើរទៅខេត្តសៀមរាបដើម្បីសួរសុខទុក្ខក្រុមអង្គរថាយហ្គឺរនៅថ្ងៃទី១៦ ខែធ្នូ ឆ្នាំ២០២៣។

អ្វីដែលគួរឲ្យកត់សំគាល់សម្រាប់ជើងទី២ ក្រុមនីមួយៗមានការរៀបចំក្រុមឡើងវិញបានល្អដូចជា ណាហ្គាវើលដ៍ធ្វើបានឡើងវិញ ហើយវិសាខាកំពុងនាំចូលកីឡាករថ្មី និងបញ្ចេញកីឡាករខ្លះដែលនឹងធ្វើឲ្យការប្រកួតប្រជែងកាន់តែខ្លាំងឡើង៕