កីឡា

អ្នកលេងគុនហ្វីលីពីន John Rinon ត្រៀមរួចរាល់ប៉ះអ្នកជំនាញគុនចម្រុះ ចាន់ រតនា

បានផុស

៩ ខែ មុន

នៅ

ថ្ងៃព្រហស្បតិ៍ ១៤ ធ្នូ ២០២៣

ដោយ

កីឡាករ John Rinon Ornido សញ្ជាតិហ្វីលីពីនវ័យ២០ឆ្នាំ បានស្គាល់ច្បាស់ពីសមត្ថភាពរបស់កីឡាករគុនចម្រុះ ចាន់ រតនា មុនពេលជួបគ្នា ក្នុងកម្មវិធី«អ្នកលេងគុន» នាថ្ងៃទី១៥ ខែឆ្នូ ឆ្នាំ២០២៣ នៅពហុកីឡដ្ឋានជាតិអូឡាំពិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

John Rinon ជាកីឡាករក្បាច់គុនចម្រុះ ប៉ុន្តែរូបគេបានហ្វឹកហាត់គុនល្បុក្កតោបាន៦ខែហើយមុនពេលចូលរួមក្នុងកម្មវិធីអ្នកលេងគុន។ រូបគេជាកីឡាករវ័យក្មេងមែន ប៉ុន្តែសមត្ថភាពខ្ពស់ ដោយធ្លាប់ប្រកួតគុនចម្រុះ៤ដង ក្នុងនោះឈ្នះ៣ និងចាញ់១។ សម្រាប់ការហ្វឹកហាត់ល្បុក្កតោរយៈពេល៦ខែ កីឡាករហ្វីលីពីនរូបនេះមានពេលវេលាហ្វឹកហាត់គ្រប់គ្រាន់ និងបានស្គាល់ច្រើនពីគុនល្បុក្កតោរបស់ខ្មែរ។

កីឡាករ John បានប្រាប់«កម្ពុជាថ្មី»ថា ៖«ខ្ញុំតែងតែមើលការប្រកួតរបស់កីឡាករ ចាន់ រតនា។ ខ្ញុំបានឃើញគ្រប់ចំណុចពីអ្វីដែលគាត់មាន។ ខ្ញុំមើលឃើញការបំលាស់ទីរបស់គាត់គ្រប់ជំហាន ការវ៉ៃចេញ ចូល ការពារ គ្រប់ការប្រកួតផ្លូវការរបស់គាត់។ ខ្ញុំត្រៀមខ្លួនបានយ៉ាងល្អសម្រាប់ការប្រកួតស្អែក។ ខ្ញុំបានរៀនសូត្រពីកីឡាករ រតនា ជាច្រើន»។

ស្ថិតក្នុងវ័យ២០ឆ្នាំ ទោះបីមិនសូវមានបទពិសោធច្រើនមែន ប៉ុន្តែ John Rinon គ្មានអ្វីបារម្ភច្រើនទេ ដោយសាររូបគេមានពេលគ្រប់គ្រាន់ក្នុងការត្រៀមខ្លួន។