កីឡា

Neymar នឹងខកខានក្នុងការប្រកួតជើងឯក Copa America ឆ្នាំ២០២៤

បានផុស

១ year មុន

នៅ

ថ្ងៃពុធ ២០ ធ្នូ ២០២៣

ដោយ

កីឡាករ Neymar វ័យ៣១ឆ្នាំបានរបួសដាច់សរសៃជង្គង់ខាងឆ្វេង នៅពេលប្រកួតវគ្គជម្រុះជើងឯកពិភពលោកឆ្នាំ២០២៦ (2026 World Cup) ក្នុងជំនួបរវាងក្រុមជម្រើសជាតិប្រេស៊ីលជាមួយអ៊ុយរ៉ាហ្គាយ កាលពីថ្ងៃទី១៧ ខែតុលា ឆ្នាំ២០២៣ ហើយត្រូវវះកាត់ក្នុងពេល២សប្ដាហ៍បន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Lasmar និយាយថា ៖«វាពិតជាលឿនពេក និងមិនមានវិធីសាស្ត្រណាក្នុងការពន្លឿនស្ថានភាពរបួសឲ្យជាសះស្បើយក្នុងពេលខ្លី។ យើងរំពឹងទុកថា គាត់នឹងត្រឡប់ទៅកាន់ទីលានវិញ ប្រហែលជាខែសីហា ឆ្នាំ២០២៤។ យើងត្រូវតែអត់ធ្មត់។ បើនិយាយអំពីការត្រឡប់មកវិញមុនពេលរយៈពេល៩ខែគឺមិនគ្រប់គ្រាន់ទេ។ ជាទូទៅការវះកាត់សរសៃជង្គង់ត្រូវការពារបែបនេះ»។

វាមានសារសំខាន់ខ្លាំងក្នុងការគោរពតាមពេលវេលាវេជ្ជសាស្រ្ត។ ពេលវេលាដែលរាងកាយត្រូវការច្រើនដើម្បីបង្កើតឡើងវិញនូវសរសៃជង្គង់នោះ។ បើយើងធ្វើតាមជំហាន បន្ទាប់ពីជាសះស្បើយបានយូរ អីចឹងគាត់អាចបង្ហាញសមត្ថភាពលើទីលានកម្រិតខ្ពស់វិញបាន»។

ពានរង្វាន់ Copa America នឹងចាប់ផ្តើមនៅថ្ងៃទី២០ ខែមិថុនា រហូតដល់ថ្ងៃទី១៤ ខែកក្កដា ឆ្នាំ២០២៤។

Neymar ជាអ្នកស៊ុតបញ្ចូលទីច្រើនជាងគេរបស់ជម្រើសជាតិប្រេស៊ីល គិតត្រឹមបង្ហាញខ្លួន១២៩ប្រកួត ដោយស៊ុតបាន៧៩គ្រាប់។ ប្រេស៊ីលស្ថិតក្នុងពូល D ក្នុងពានរង្វាន់ Copa America នៅឆ្នាំក្រោយ ជាមួយកូឡុំប៊ី ប៉ារ៉ាហ្គាយ និងត្រូវរង់ចាំលទ្ធផលវគ្គជម្រុះរវាង កូស្តារីកា និង ហុងឌូរ៉ាស ដែលត្រូវមាន១ក្រុមចូលពូល D។

បន្ទាប់ពីចំណាយរយៈពេល៦ឆ្នាំជាមួយក្លិប Paris Saint-Germain កីឡាករ Neymar បានចូលរួមជាមួយក្លិប Al Hilal ក្នុងលីគកំពូលអារ៉ាប៊ីសាអ៊ូឌីត កាលពីខែសីហា ដោយទទួលបានចំណូល៩០លានអឺរ៉ូ។ រូបគេបានចូលលេងឱ្យក្លិបបានតែ៥ប្រកួតប៉ុណ្ណោះ ហើយស៊ុតបញ្ចូលទីបាន១គ្រាប់ មុនពេលរបួស៕