កីឡា

ចាន់ វឌ្ឍនាកា ប្រាប់កន្លែងសំខាន់៣ដែលជាបទពិសោធថ្មីនៅទឹកដី Aston Villa

បានផុស

៩ ខែ មុន

នៅ

ថ្ងៃពុធ ២០ ធ្នូ ២០២៣

ដោយ

កីឡាករបាល់ទាត់ជម្រើសជាតិកម្ពុជា និងបឹងកេត ចាន់ វឌ្ឍនាកា បានទម្លាយឲ្យដឹងពីចំណេះដឹងថ្មីក្នុងបាល់ទាត់សម័យទំនើប នៅពេលរូបគេបានទៅទស្សនកិច្ចក្លិប Aston Villa របស់អង់គ្លេសកាលពីសប្តាហ៍មុន។

ចាន់ វឌ្ឍនាកា បានឲ្យដឹងថា រូបគេទទួលបានបទពិសោធថ្មីៗជាច្រើននៅពេលទៅទស្សនកិច្ចក្លិប Aston Villa ដែលជាផ្នែកដ៏សំខាន់ធ្វើឲ្យក្លិបបាល់ទាត់អង់គ្លេសមួយនេះស្ថិតនៅក្នុងកម្រិតស្តង់ដា និងលក្ខណៈអាជីពស្របតាមបាល់ទាត់សម័យទំនើប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាជិកក្លិបបឹងកេតរូបនេះបានបង្ហាញកន្លែង៣សំខាន់គឺ១. ហាងលក់សម្លៀកបំពាក់ និងវត្ថុអនុស្សាវរីយ៍, ២. ទីលានហ្វឹកហាត់ និងកន្លែងធ្វើការងារជំនាញរបស់បុគ្គលិក និង៣.ទីលានប្រកួតផ្លូវការ។

ចាន់ វឌ្ឍនា បានរៀបរាប់ថា ៖«Villastor គឺជាកន្លែងលក់សម្ភារ និងវត្ថុអនុស្សាវរីយ៍របស់ក្លិប។ Bodymoor Health Training Ground គឺជាកន្លែងហ្វឹកហាត់សម្រាប់ក្រុម Aston villa ដែលមានដូចជា ទីលានហ្វឹកហាត់ បន្ទប់សម្រាប់បុគ្គលិកធ្វើការទៅតាមជំនាញរបស់ពួកគាត់ បន្ទប់សម្រាប់ព្យាបាល កន្លែងហ្វឹកហាត់សាច់ដុំ (gym) និងអាហារដ្ឋានសម្រាប់កីឡាករ និងបុគ្គលិក។ Villa Park គឺជាស្តាតសម្រាប់ការប្រកួត ដែលពេលនោះខ្ញុំក៏បានចូលរួមទស្សនាការប្រកួត១ប្រកួតផងដែ និងបានចូលទស្សនកិច្ចផ្ទាល់ក្នុងបន្ទប់ផ្លាស់សម្លៀលបំពាក់ផ្ទាល់កីឡាករ»។

កីឡាកររូបនេះបានបញ្ជាក់ថា នេះជាការរៀនសូត្រចំណេះដឹងថ្មីដែលត្រូវយកមកចែករំលែកក៏ដូចជាអភិវឌ្ឍបាល់កម្ពុជានាពេលបច្ចុប្បន្ន និងថ្ងៃអនាគត។

ចាន់ វឌ្ឍនាកា និង ស៊ូ យ៉ាទី កាលពីថ្ងៃទី១១ ខែធ្នូ បានជួបផ្ទាល់កីឡាកររបស់ក្លិប Aston Villa ៣រូបគឺខ្សែការពារសញ្ជិអង់គ្លេស Matty Cash, ខ្សែការពារកណ្តាលសញ្ជាតិអង់គ្លេស Ezri Konsa និងខ្សែបម្រើកណ្តាលសញ្ជាតិស្លុតឡេន John McGinn ដែលជាប្រធានក្រុម៕

អត្ថបទ៖ វីរបុត្រ

Related Topics:ចាន់ វឌ្ឍនាកា