កីឡា
កំណត់ត្រាចងចាំ! ថ្ងៃនេះឆ្នាំមុន ធឿន ធារ៉ា ផ្តួល Saiyok ទឹកទី១ផ្ទុះល្បីខ្លាំងដល់ឥឡូវ
អ្នកលេងគុនខ្មែរ ធឿន ធារ៉ា បានចាប់ផ្តើមផ្ទុះល្បីខ្លាំងបំផុតនៅពេលបានផ្តួលជើងខ្លាំងថៃ Saiyok Pumpanmuang នៅក្នុងទឹកទី១ដើម្បីក្លាយជាម្ចាស់ខ្សែក្រវាត់ និងពានរង្វាន់ស្តេចថៃអន្តរជាតិ Thai Fight កាលពីថ្ងៃទី២៤ ខែធ្នូ ឆ្នាំ២០២២។
គិតត្រឹមថ្ងៃទី២៤ ខែធ្នូ ឆ្នាំ២០២៣នេះមានរយៈមួយឆ្នាំគត់ដែលជាកំណត់ត្រា និងអនុស្សាវរ៍ស្រក់ទឹកភ្នែករបស់ ធឿន ធារ៉ា នៅលើទឹកដីថៃដើម្បីក្លាយជាកីឡាករគុនខ្មែរដំបូងឈ្នះខ្សែក្រវាត់ Thai Fight។ ចាប់តាំងពីពេលនោះកីឡាករកម្ពុជារូបនេះតែងតែបានបង្កើតកំណត់ត្រាថ្មីៗជាបន្តបន្ទាប់រហូតក្លាយជាតារាប្រដាល់ឆ្នើមជួរមុខនាពេលបច្ចុប្បន្ន។
រយៈពេលមួយឆ្នាំចុងក្រោយនេះ ធឿន ធារ៉ា បានឡើងប្រកួតមិនក្រោម២០ដងឡើយ ហើយបានចាញ់តែម្តងគត់គឺចាញ់កីឡាករថៃ Krongchak នៅទឹកទី៤ដោយសារឈឺដៃប្រកួតលែងកើតកាលពីថ្ងៃទី២៣ ខែមេសា ឆ្នាំ២០២៣។
ធឿន ធារ៉ា ជាកីឡាករកម្ពុជាដំបូងគេដែលបានផ្តល់បរាជ័យដល់កីឡាករថៃ Saiyok បន្ទាប់ពីធន់ រិទ្ធី ធ្លាប់ចាញ់ក្នុងទឹកទី២ នៅថ្ងៃទី១៦ ខែតុលា ឆ្នាំ២០២២ និង ផាន់ គ្រាន់ ធ្លាប់ចាញ់ទឹកទី១ កាលពីថ្ងៃទី២៣ ខែសីហា ឆ្នាំ២០១៦។ ចាប់តាំងពីចាញ់ ធឿន ធារ៉ាមក Saiyok បានឡើងប្រកួត៧ដងក្នុងឆ្នាំ២០២៣ក៏មិនដែលចាញ់ដែរ និងមានព័ត៌មានជាច្រើនដែលលើកឡើងពីកីឡាករថៃរូបនេះចង់សងសឹក ធឿន ធារ៉ា។
រឿងផ្ទុះខ្លាំងបំផុតមួយទៀតសម្រាប់ ធឿន ធារ៉ា គឺនៅពេលបានឈ្នះជើងឯកគុនខ្មែរពិភពលោកក្នុងព្រឹត្តិការណ៍ប្រកួតបេក្ខភាព៨រូបមកពី៨ប្រទេសផ្សេងគ្នា (8 Men Tournament) បន្ទាប់ពីផ្តួលដៃគូ៣រូបក្នុង១រាត្រីនៅថ្ងៃទី២៣ ខែវិច្ឆិកា ឆ្នាំ២០២៣។
ជុំដំបូង ធឿន ធារ៉ា បានឈ្នះកីឡាករអ៊ុយក្រែន WHITE SHARK អតីតដៃគូរបស់ Buakaw ដោយពិន្ទុ។ វគ្គពាក់កណ្តាលផ្តាច់ព្រ័ត្រ រូបគេបានផ្តួលកីឡាករសាធារណរដ្ឋឆេក MICHAL សន្លប់ក្នុងទឹកទី១ និងវគ្គផ្តាច់ព្រ័ត្របានផ្តួលកីឡាករប្រេស៊ីល MACHADO BENTO ឲ្យសន្លប់ធំក្នុងទឹកទី១។
ជ័យជម្នះ៣លើកជាប់គ្នាក្នុងរាត្រីតែមួយ ធឿន ធារ៉ា បានក្លាយជាម្ចាស់ខ្សែក្រវាត់គុនខ្មែរពិភពលោក និងទទួលបានរង្វាន់រថយន្តថ្មីសន្លាង១គ្រឿងដែលមានតម្លៃប្រមាណ៤ម៉ឺនដុល្លារអាមេរិក។ សរុបទាំងប្រាក់រង្វាន់ និងប្រាក់ឧបត្ថម្ភផ្សេងៗ រូបគេទទួលបានប្រមាណ២០០លានរៀល។
អ្នកគាំទ្រមួយចំនួនបាននាំគ្នាហៅកីឡាករ Buakaw ជាស្តេចប្រដាល់ស្រុកថៃ និងហៅកីឡាករកាណាដា-មីយ៉ាន់ម៉ា Dave Leduc ជាស្តេចប្រដាល់មីយ៉ាន់ម៉ា ប៉ុន្តែនៅកម្ពុជាមិនទាន់មានកីឡាករណាម្នាក់ត្រូវបានដាក់រហស្សនាមថា «ស្តេចប្រដាល់គុនខ្មែរ»។ តើ ធឿន ធារ៉ា ស័ក្តិសមទទួលបានរហស្សនាម«ស្តេចប្រដាល់គុនខ្មែរ»ទេ? ពិធីករបរទេសដែលបានមកអត្ថាធិប្បាយយប់មិញនេះគឺលោក Whitelaw បានបង្ហោះលើគណនី IG ពីកីឡាករ ធឿន ធារ៉ា ពាក់ម្កុដ ដែលជាសញ្ញាថា ស្តេចប្រដល់គុនខ្មែរ។
គិតចាប់ពីចុងឆ្នាំ២០២២ រហូតដល់ចុងឆ្នាំ២០២៣ ធឿន ធារ៉ា កំពុងក្លាយជាកីឡាករប្រដាល់គុនខ្មែរទទួលបានជោគជ័យបំផុតទាំងការប្រកួតក្នុងប្រទេស និងក្រៅប្រទេស។ ពេលនេះរូបគេកំពុងកាន់ខ្សែក្រវាត់អន្តរជាតិចំនួន៦គ្រឿង៕
- ខ្សែក្រវាត់អន្តរជាតិ Thai Fight
- ខ្សែក្រវាត់គុនខ្មែរអន្តរជាតិ IPCC Kun Khmer
- ខ្សែក្រវាត់ គ្រុឌគុនខ្មែរអន្តរជាតិ
- ខ្សែក្រវាត់គុនខ្មែរអន្តរជាតិ
- ខ្សែក្រវាត់គុនខ្មែរពិភពលោក IPCC តេជោសន្តិភាព
- ខ្សែក្រវាត់គុនខ្មែរពិភពលោក 8 Men Tournament
អត្ថបទ៖ វីរបុត្រ
ក្រោយភ្លៀង មេឃស្រឡះ! លោក ផាត់ ហ៊ន ត្រូវបានរដ្ឋមន្ត្រីក្រសួងព័ត៌មាន និងយុត្តិធម៌ ជួយឱ្យរួចផុតពីបណ្ដឹងព្រហ្មទណ្ឌ
លោក កើត ឆែ ៖ សន្តិភាពគឺជាទ្រព្យសម្បត្តិដែលមិនអាចកាត់ថ្លៃបានយើងមិនត្រូវឱ្យ៥០០ ឆ្នាំមុន វិលត្រឡប់មកវិញទេ
ក្រសួងការងារ និង ក្រុមហ៊ុន HONDA CARS HAKATA CO., LTD ចុះអនុស្សរណៈយោគយល់គ្នា ស្ដីពី “គម្រោងបណ្តុះបណ្តាលអ្នកជំនាញតោន និងបាញ់ថ្នាំរថយន្ត”
លោក សុខ សប្បាយណា ចុះផ្សព្វផ្សាយអំពីព្រឹត្តិការណ៍ «សាទរកម្ពុជា» ដល់និស្សិតជិត៦រយនាក់ នៅសាកលវិទ្យាល័យភូមិន្ទភ្នំពេញ
ខេត្តកោះកុង កំពុងមានចំណាប់អារម្មណ៍ពីអ្នកវិនិយោគ និងត្រូវការកម្លាំងពលកម្មច្រើន
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
កាដូឆ្នាំថ្មី ម៉ាក់ស្រីនា ចាំចៅយូរពេក ស្វាគមន៍សមាជិកថ្មីខ្លួនឯង ផ្អើលទាំងយប់
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៤ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
សន្តិសុខសង្គម៦ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ