កីឡា

ទៅប្រកួតមិត្តភាពនៅចិន Al Nassr របស់ Ronaldo នឹងទទួលបាន១៣លានដុល្លារ

បានផុស

១ year មុន

នៅ

ថ្ងៃព្រហស្បតិ៍ ២៨ ធ្នូ ២០២៣

ដោយ

ក្រុម Al Nassr របស់តារាឆ្នើម Cristiano Ronaldo នឹងទទួលបានប្រាក់ប្រមាណ១៣លានដុល្លារអាមេរិកសម្រាប់ការប្រកួតមិត្តភាពនៅប្រទេសចិននាខែមករា ឆ្នាំ២០២៤ ដែលត្រូវបានរំពឹងមានអ្នកគាំទ្រ២០០លាននាក់កំពុងរង់ចាំមើលការប្រកួតនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការគ្រោងទុក Ronaldo និងមិត្តរួមក្រុមត្រូវធ្វើដំណើរទៅប្រទេសចិននៅថ្ងៃទី១៩ ខែមករា ឆ្នាំ២០២៤ ដើម្បីប្រកួតមិត្តភាពក្នុងថ្ងៃឈប់សម្រាក FIFA។ ក្រុមរបស់លីគកំពូលអារ៉ាប៊ីសាអ៊ូឌីតនឹងប្រកួតជាមួយ Shanghai Shenhua ថ្ងៃទី២៤ ខែមករា និងបន្តប៉ះ Zhejiang Professional ថ្ងៃទី២៨ ខែមករា។

ក្រុមទាំង២ស្ថិតក្នុងក្របខណ្ឌលីគកំពូលចិន Chinese Super League ខណៈ Shanghai កំពុងឈរលេខ៥ និង Zhejiang Professional លេខ៣ក្នុងតារាង។ ការប្រកួតទាំង២ធ្វើឡើងនៅកីឡដ្ឋាន Shenzhen Universiade Center។ តាមសេចក្តីរាយការណ៍ Al Nassr នឹងទទួលបានប្រាក់ឈ្នួលសរុបចំនួន១៣លានដុល្លារពីការប្រកួតមិត្តភាពទាំងពីរ។

ការប្រកួតចុងក្រោយ ក្នុងឆ្នាំ២០២៣ Al-Nassr ប៉ះ Al-Taawoun ថ្ងៃទី៣០ ខែធ្នូ ឆ្នាំ២០២៣ មុនពេលធ្វើដំណើរទៅកាន់ប្រទេសចិន។

នៅលើ Twitter របស់ក្លិប Al Nassr ប្រធានក្រុមជម្រើសជាតិព័រទុយហ្គាល់ Ronaldo បាននិយាយថា៖«តើអ្នកត្រៀមខ្លួនហើយឬនៅ? វានឹងក្លាយជាពេលវេលាដ៏រំភើបមួយសម្រាប់អ្នកគាំទ្រ Al Nassr និង Ronaldo នៅចិន។ ការប្រកួតមិត្តភាពទេសចរណ៍នេះនឹងក្លាយជាការដូពិសេសសម្រាប់ឆ្នាំថ្មី»។

មានការលើកឡើងថា អ្នកគាំទ្រប្រមាណ២០០លាននាក់កំពុងទន្ទឹងរង់ចាំមើលការប្រកួតមិត្តភាពនៅចិននេះ។ កីឡាករសំខាន់របស់ក្លិមាន Anderson Talisca, Otavio និង Marcelo Brozovic សុទ្ធតែបានសម្តែងការសាទរចំពោះដំណើរទេសចរណ៍នៅចិន៕

ប្រែសម្រួល៖ ផា រតនា
ប្រភព៖ sportsbrief