កីឡា
ក្រោយផ្ដួលកីឡាការិនីឲ្យសន្លប់ អែម សុវណ្ណារី ប្រាប់អំពីការតាំងចិត្តបន្ថែម
កាលខែ មករា កូនខ្មែរនៅអាមេរិក អែម សុវណ្ណារី ឬ គេស្គាល់រហស្សនាមថា “The Sweet Savage” បានរក្សាកំណត់ត្រា ១០០ % ក្នុងការបញ្ចប់គូប្រកួតក្រោយផ្ដួលកីឡាការិនី Choi Jeong Yun ឲ្យសន្លប់។ ជ័យជម្នះផ្ដួលគូប្រកួតឲ្យសន្លប់នៅទឹកទី២នាព្រឹត្តិការណ៍ ONE: UNBREAKABLE II នៅកីឡដ្ឋាន Singapore Indoor Stadium ឯប្រទេសសិង្ហបុរី បាននាំឲ្យកីឡាការិនីកូនខ្មែរនៅអាមេរិកឈ្នះលើកទី៤ក្នុងការប្រឡូកនៅសង្វៀនគុនចម្រុះ។ ជ័យជម្នះនេះ បានបង្ហាញថា គេអាចប្រឈមនឹងគូប្រកួតខ្ពស់ជាងខ្លួនដែលមានជំនាញកណ្ដាប់ដៃ និង ការទាត់ខ្ពស់ជាដើម។ ប៉ុន្តែ រូបគេនៅតែប្រើក្បាច់ចំបាប់បានល្អបំផុត។

សុវណ្ណារី រំលឹកថា ៖«ខ្ញុំមិនបានចេញកណ្ដាប់ដៃច្រើន ប៉ុន្តែខ្ញុំគ្រប់គ្រងការប្រកួតទាំងស្រុងនៅទឹកទី១។ ដូច្នេះ ខ្ញុំពិតជាមានមោទកភាពសម្រាប់ការប្រកួតនេះ។ ខ្ញុំមានបញ្ហាបញ្ចប់គូប្រកួតដោយស្នៀតតេក្វាន់ដូ ព្រោះគេខ្លាំងណាស់។ គូប្រកួតរបស់ខ្ញុំជំនាញឃីកបុកសីង និងខ្ពស់ជាងខ្ញុំ។ គេអាចវាយចេញវែង និងទាត់បានខ្ពស់»។ យ៉ាងណាក្ដី សុវណ្ណារី បានប្រើវិធីចូលបោកផ្ដួលដោយក្បាច់ចំបាប់ និងគាបជើងដោយស្នៀតតេក្វាន់ដូ ហើយអាចសំពងពីលើជាច្រើនដៃរហូតដល់អាជ្ញាកណ្ដាលបញ្ឈប់។

កូនខ្មែរអាមេរិក បញ្ជាក់អំពីការចង់ឡើងសង្វៀនថា ៖«ខ្ញុំនឹងបន្តហ្វឹកហាត់ឲ្យខ្លាំង និង កាន់តែរីកចម្រើនសម្រាប់ការប្រកួតនីមួយៗ។ និយាយដោយស្មោះ ខ្ញុំចង់អភិវឌ្ឍ [ស្នៀតប្រយុទ្ធរបស់ខ្ញុំ] ឲ្យល្អបំផុត»។ កីឡាការិនីវ័យ ២៨ ឆ្នាំសង្កត់ធ្ងន់ថា ៖«ក្នុងអាជីពរបស់ខ្ញុំរហូតដល់ពេលនេះ ខ្ញុំប្រកួតបានម្ដងក្នុងមួយឆ្នាំ។ ដូច្នេះគោលដៅឆ្នាំ២០២១ ខ្ញុំចង់ឲ្យរវល់ខ្លាំងជាងរាល់ដង យ៉ាងហោច ក៏បាន ២ប្រកួតដែរនៅឆ្នាំនេះ។ មួយទៀត ខ្ញុំចង់បង្កើនកម្រិតឲ្យទទួលខ្សែក្រវាត់ពណ៌ស្វាយក្នុងក្បាច់គុនជឺជិតស៊ូ ផងដែរ»។ «ជ័យជម្នះនេះជាមោទនភាពគុនខ្មែរ ដែលតំណាងឲ្យកម្ពុជា។ ជ័យជម្នះនេះ វាធ្វើឲ្យខ្ញុំកាន់តែឆ្ពោះទៅរកគោលដៅធំបំផុត។ ខ្ញុំចង់ក្លាយជាម្ចាស់ខ្សែក្រវាត់ទម្ងន់ ONE Flyweight នៅថ្ងៃមុខ»។
គួរដឹងថា ឆ្នាំ ២០២០ អែម សុវណ្ណារី មិនបានបង្ហាញខ្លួនទេ ដោយសារវិបត្តិកូវីដ-១៩ ផ្ទុះខ្លាំងនៅអាមេរិក និងត្រូវបានដាក់កំហិតក្នុងការធ្វើដំណើរ។ គិតត្រឹមពេលនេះ សុវណ្ណារី ឈ្នះ ៤ លើកក្នុងការបង្ហាញខ្លួន ៥ លើក ពេលចាប់ផ្ដើមប្រឡូកក្នុងពិភពគុនចម្រុះ តាំងចុងឆ្នាំ ២០១៦ មក៕


-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ