កីឡា

មុនប៉ះភ្នំពេញក្រោន ក្លិប Mariners លក់ខ្សែប្រយុទ្ធដ៏ល្អ Tulio ទៅលីគជប៉ុន

បានផុស

១ year មុន

នៅ

ថ្ងៃព្រហស្បតិ៍ ២៨ ធ្នូ ២០២៣

ដោយ

ក្លិបបាល់ទាត់អូស្ត្រាលី Central Coast Mariners ថ្ងៃនេះបានបញ្ជាក់ពីការលក់ខ្សែប្រយុទ្ធមុតស្រួចរបស់ខ្លួន Marco Tulio ទៅក្លិបនៅលីគកំពូលជប៉ុន Kyoto Sanga នៅខែមករា ឆ្នាំ២០២៤ ក្នុងតម្លៃមិនឲ្យសាធារណៈដឹង។

ការលក់ខ្សែប្រយុទ្ធដ៏ល្អនេះបានកើតមានឡើងមុនពេលក្រុមអូស្ត្រាលីត្រូវប្រកួតជាមួយក្លិបរបស់កម្ពុជា ភ្នំពេញក្រោន ក្នុងវគ្គពាក់កណ្តាលផ្តាច់ព្រ័ត្រប្រចាំតំបន់អាស៊ាននៃពានរង្វាន់ AFC Cup។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅវគ្គសន្សំពិន្ទុក្នុងពូល កីឡាករប្រេស៊ីល Marco បានបង្កើតកំណត់ត្រាដោយរកបាន៨គ្រាប់ក្លាយជាកីឡាកររកបានគ្រាប់បាល់ច្រើនជាងគេនាំមុខកីឡាករ Shintaro Shimizu ខ្សែប្រយុទ្ធរបស់ភ្នំពេញក្រោនដែលរកបាន៧គ្រាប់។

Marco បានចូលរួមជាមួយក្លិប Central Coast Mariners កាលពីខែកញ្ញា ឆ្នាំ២០២២ដោយជួយក្លិបឈ្នះជើងឯកលីគកំពូលអូស្ត្រាលីកាលពីរដូវកាលមុន។ រូបគេបានបង្ហាញខ្លួនលើទីលាន១៤ប្រកួតរកបាន១២គ្រាប់។

កីឡាករ Tulio បានអរគុណដល់ក្លិប Mariners និងនិយាយទៅកាន់អ្នកគាំទ្រថា ៖«ខ្ញុំសូមអរគុណដល់អ្នករាល់គ្នានៅក្លិប Mariners សម្រាប់រយៈពេលកន្លងទៅ។ ខ្ញុំមានពេលវេលាដ៏អស្ចារ្យជាមួយក្លិបដោយបានឈ្នះជើងឯកកាលពីរដូវកាលមុន ហើយការគាំទ្ររបស់អ្នកពិតជាអស្ចារ្យណាស់សម្រាប់ខ្ញុំ»៕