កីឡា
កីឡាករបរទេសក្រុមបាល់ទះវិសាខាកំពុងយល់ចិត្តគ្នាមុនលីគចាប់ផ្តើម
សមាជិកបរទេស៣រូបរបស់ក្លិបបាល់ទះវិសាខាកំពុងយល់ចិត្តគ្នាជាមួយមិត្តរួមក្រុមមុនពេលការប្រកួតលីគបាល់ទះកំពូលកម្ពុជាលើកដំបូងនាសប្តាហ៍ទី២ នៃខែមករា ឆ្នាំ២០២៤។
លោក គាំ ស៊ានហ៊ីន គ្រូបង្វឹកបាល់ទះវិសាខាបានឲ្យដឹងថា ការបង្កើតឲ្យមានលីគបាល់ទះនេះគឺពិតជាល្អខ្លាំងមែនទែនដោយមានក្រុមអាជីព៨សុទ្ធតែខ្លាំងចូលរួមប្រកួត។ ការប្រកួតដែលមានការប្រកួតប្រជែងខ្ពស់បែបនេះគឺជាមូលដ្ឋានគ្រឹះដ៏សំខាន់នាំឲ្យវិស័យបាល់ទះកម្ពុជារីកចម្រើន និងមានគុណភាពខ្ពស់។
គ្រូបង្វឹករូបនេះបានលើកឡើងថា ក្រុមអាជីពទាំង៨សុទ្ធតែខ្លាំង មានបទពិសោធច្រើន មានបច្ចេកទេសខ្ពស់ កីឡាករល្អៗ។ ក្រុមរបស់លោកបានត្រៀមខ្លួនរួចរាល់ហើយដើម្បីចូលរួមប្រកួតលីគលើកដំបូងនេះ។ វិសាខាមានកីឡាករកម្ពុជា១១នាក់ និងកីឡាករបរទេស៣នាក់ សរុបទាំងអស់១៤នាក់ដែលត្រៀមខ្លួនប្រកួតលីគ។
លោក គាំ ស៊ានហ៊ីន បានសង្កត់ថា ៖«សម្រាប់ការប្រកួតលីគលើកទី១នេះ ក្លិបបាល់ទះវិសាខាដាក់គោលដៅយកមេដាយមាស។ យើងនឹងពង្រឹងចំណុចខ្វះកន្លែងណាឲ្យកាន់តែល្អប្រសើរ។ សំខាន់គឺមូលដ្ឋានគ្រឹះរឹងមាំ វាយសេវា ទទួលសេវា រនាំងការពារ ប្រយុទ្ធហ្នឹងគឺកន្លែងណាខ្សោយ យើងត្រូវតែបំពេញ»។
«បច្ចុប្បន្ននេះ ពួកគាត់ (កីឡាករបរទេស) បានហ្វឹកហាត់ជាមួយក្រុមមានការរីកចម្រើនច្រើន។ ពួកគាត់យល់ចិត្តគ្នាខុសពីការប្រកួតលើកមុន។ ដោយសារលើកមុន យើងយកមកដាក់បញ្ចូលគ្នាភ្លាមៗ អត់ទាន់បានយល់ចិត្តគ្នា។ ពេលនោះពួកគាត់លេងអត់យល់ចិត្តគ្នា អត់ស៊ីសង្វាក់គ្នាធ្វើឲ្យចាញ់ក្រុមព្រះសីហនុ។ ឥឡូវនេះល្អប្រសើរជាងមុន»។
ពិតណាស់ ក្រុមបាល់ទះវិសាខាបានចាញ់ក្រុមបាល់ទះនគរបាលខេត្តព្រះសីហនុដោយលទ្ធផល ២-៣ នៅវគ្គផ្តាច់ព្រ័ត្រពានរង្វាន់ ស សុខា កាលពីថ្ងៃទី៦ ខែសីហា ឆ្នាំ២០២៣។ ពេលនោះ ក្រុមបាល់ទះព្រះសីហនុក៏មានកីឡាករបរទេស៣នាក់ ខណៈក្រុមវិសាខាក៏មានកីឡាករបរទេស៣នាក់ដែរ។
តាមការគ្រោងទុក ការប្រកួត«តេជោលីគ»នឹងចាប់ផ្តើមនៅថ្ងៃទី១២ ខែមករា ដល់ទីថ្ងៃ១៨ ខែកុម្ភៈ ឆ្នាំ២០២៤ នៅវិមានពហុកីឡដ្ឋានជាតិអូឡាំពិកមានក្រុមបាល់ទះអាជីពចំនួន៨ចូលរួមប្រកួតរួមមានក្រុមបាល់ទះវិសាខា ក្រសួងមហាផ្ទៃ បញ្ជាការដ្ឋានអង្គរក្ស កងពលធំអន្តរាគមន៍លេខ៣ រដ្ឋបាលរាជធានីភ្នំពេញ ក្រុមនគរបាលព្រះសីហនុ ក្រុមនគរបាលពោធិ៍សាត់ និងក្រុមនគរបាលខេត្តកណ្តាល។
ជុំទី១ ការប្រកួតជុំសន្សំពិន្ទុ។ បន្ទាប់មកក្រុម២ទាបជាងគេត្រូវបានកាត់ចេញ ហើយក្រុមលេខ១ដល់៦ត្រូវបន្តប្រកួតសន្សំពិន្ទុជុំទី២។ ក្រោយចប់ជុំទី២ ក្រុម២មានពិន្ទុទាបជាងគេត្រូវកាត់ចេញ និងមាន៤ក្រុមឡើងទៅជុំទី៣ដែលត្រូវវគ្គពាក់កណ្តាលផ្តាច់ព្រ័ត្រ និង២ក្រុមឡើងវគ្គផ្តាច់ព្រ័ត្រតែម្តង៕
អត្ថបទ៖ វីរបុត្រ
សហព័ន្ធគុនខ្មែរ ពិន័យកីឡាករ១៥នាក់ពីការឡើងប្រកួតញឹកពេក
ព្រះមហាក្សត្ររាជានុញ្ញាតឱ្យប្រើប្រាស់ «រាជសព្ទ» ចំពោះសម្ដេចព្រះសង្ឃ២អង្គបន្ថែម
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
ទីផ្សារបុរី ខុនដូ ទំនងកើនឡើងវិញនៅឆ្នាំ ២០២៥ ខណៈតម្លៃប្រហាក់ប្រហែលឆ្នាំមុន
ស្អែកនេះ ក្រុមហ៊ុនធំៗ ៦ នឹងផ្ដល់ឱកាសការងារជាង ១ ពាន់កន្លែង ពីវេទិកាការងារ NEA
ជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
ភូមិគ្រឹះនៅ LA តម្លៃជិត ៩លានដុល្លារ ឈរយ៉ាងរឹងមាំ ទោះជាភ្លើងឆេះជុំវិញសល់តែផេះក្ដី
អ្នករករ៉ែ១០០នាក់ជាប់គាំងក្នុងអណ្តូងរ៉ែស្លាប់ដោយសារការអត់អាហារជាច្រើនខែ
អ្នកនាំពាក្យ ថា កម្ពុជាកំពុងរៀបចំនីតិវិធីជាមួយរុស្ស៊ី ដើម្បីបញ្ជូនខ្លួនលោក ហេង សិទ្ធី មកកម្ពុជា
រុស្ស៊ី ប្រកាសផ្តល់ទីជ្រកកោនដល់ជនរងគ្រោះដោយភ្លើងឆេះព្រៃនៅកាលីហ្វ័រញ៉ា តែមានលក្ខខណ្ឌ
-
ចរាចរណ៍២ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ៦ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៥ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៤ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ៧ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១៩ ម៉ោង agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៥ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ចរាចរណ៍២ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ