កីឡា

មកដឹងប្រវត្តិកីឡាករ Zach Kaina គូដណ្តឹងរបស់វីរកីឡាការិនី ខាន់ ចេសា

បានផុស

១ year មុន

នៅ

ថ្ងៃព្រហស្បតិ៍ ៤ មករា ២០២៤

ដោយ

កីឡាករ Zach Kaina និងវីរកីឡាការិនីកម្ពុជា ខាន់ ចេសា ជាមិត្តភក្តិតាំងពីកុមារភាព ដោយពួកគេមានចំណូលចិត្តនិងស្រឡាញ់កីឡាជឺជីតស៊ូដូចគ្នា។ បន្ទាប់ពីស្វែងយល់ចិត្តគ្នាអស់រយៈពេលជាច្រើនឆ្នាំ អ្នកទាំងពីរបានរៀបចំពិធីភ្ជាប់ពាក្យកាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Zach Kaina កើតនៅថ្ងៃទី២៣ ខែឧសភា ឆ្នាំ២០០២ នៅ Oahu រដ្ឋហាវ៉ៃ សហរដ្ឋអាមេរិក ជាកន្លែងដែលរូបគេបានចំណាយពេលកុមារភានៅទីនោះ មុនពេលផ្លាស់ទៅរដ្ឋកាលីហ្វញ៉ាពេលអាយុ១០ឆ្នាំ។ កាលពីអាយុ៥ឆ្នាំ រូបគេបានហ្វឹកហាត់កីឡាការ៉ាតេ ប៉ុន្ដែហាត់បានមួយរយៈពេលខ្លីប៉ុណ្ណោះ ដោយសារមិនសូវចាប់អារម្មណ៍នឹងកីឡានេះ។

ក្រោយចាកចេញពីរដ្ឋហាវ៉ៃ គ្រួសាររបស់កីឡាករ Zach Kaina មានទំនាក់ទំនងជាមួយកីឡាករ BJ Penn ដែលជាអតីតម្ចាស់ជើងឯក UFC និងជាអត្តពលិកអាមេរិកដំបូងគេដែលបានឈ្នះជើងឯក IBJJF World ផ្នែកខ្សែក្រវ៉ាត់ខ្មៅពេញវ័យ។ នៅពេលនោះ Kaina លែងចាប់អារម្មណ៍លើការ៉ាតេ។ បន្ទាប់មក អ្នកម្តាយបានបញ្ចូនគាត់ទៅហាត់កីឡាជឺជីតស៊ូវិញ។

អាយុទើប៦ឆ្នាំ Zach Kaina បានចាប់ហ្វឹកហាត់ជឺជីតស៊ូជាមួយលោកគ្រូ Mike និង Chris Onzuka នៅក្រុម O2។ បន្ទាប់មក រូបគេបានហាត់ជាមួយលោកគ្រូ Kyle Nitahara រហូតទទួលបានខ្សែក្រវាត់ពណ៌ទឹកក្រូចនៅរដ្ឋហាវ៉ៃ។

នៅអាយុ១០ឆ្នាំ Kaina បានស្គាល់អំពីកីឡាជឺជីតស៊ូ បន្ទាប់ពីបានផ្លាស់ទៅតំបន់ Costa Mesa រដ្ឋកាលីហ្វញ៉ា ជាមួយក្រុមគ្រួសារដើម្បីហ្វឹកហាត់នៅក្លិប Art Of Jiu-Jitsu Academy (AOJ) ក្រោមកម្មវិធី Believe & Achieve kids។

ផ្តើមចេញពីម្ចាស់ខ្សែក្រវាត់ពណ៌ទឹកក្រូចរហូតដល់កម្រិតអាជីពជាមួយក្លិប AOJ រូបគេក៏ក្លាយជាម្ចាស់ខ្សែក្រវ៉ាត់ខ្មៅនៅថ្ងៃទី ៩ខែធ្នូ ឆ្នាំ២០២៣។

សមិទ្ធផលសំខាន់របស់កីឡាករ Zach Kaina មានដូចខាងក្រោម៖

លេខ១ IBJJF World Championship NOGI (ពណ៌ត្នោត ២០២២)

លេ១ IBJJF សញ្ជាតិអាមេរិក (ពណ៌ស្វាយ ២០២២)

លេខ២ IBJJF សញ្ជាតិអាមេរិក (ពណ៌ត្នោត ២០២២)

លេខ៣ IBJJF World Championship (ពណ៌ត្នោត ២០២២)

លេខ៣ IBJJF Pan Championship (ពណ៌ស្វាយ ២០២១)

លេខ៣ IBJJF Pan Championship NOGI (ពណ៌ត្នោត ២០២២)

ចំណាត់ថ្នាក់លេខ៣ IBJJF សញ្ជាតិអាមេរិក (ពណ៌ស្វាយ ២០២១)

សមិទ្ធផលសំខាន់ៗ (យុវជន)

លេខ១ IBJJF World Championship (២០១៨)

លេខ១ IBJJF World Championship NOGI (២០១៨)