កីឡា

ជើងឯកឃីកបុកស៊ីងជប៉ុន១១រូបនៅសង្វៀន KNOCK OUT មានម្នាក់ទើបឈ្នះ ឯម សុធី

បានផុស

១១ ខែ មុន

នៅ

ថ្ងៃអង្គារ ៩ មករា ២០២៤

ដោយ

ប្រទេសជប៉ុនមានសង្វៀនប្រដាល់ឃីកបុកស៊ីងមួយឈ្មោះ KNOCK OUT ដែលបានបង្កើតឡើងកាលពីឆ្នាំ២០១៦ នៅទីក្រុងតូក្យូដើម្បីជំរុញ និងអភិវឌ្ឍកីឡាឃីកបុកស៊ីងដែលមានកីឡាករមកពីប្រទេសផ្សេងៗចូលរួមប្រកួត។

នៅឆ្នាំ២០១៩ សង្វៀននេះបានបង្កើតច្បាប់ការប្រកួត២ប្រភេទផ្សេងគ្នា។ ច្បាប់ទី១គឺ Knock Out-Red ដែលអនុញ្ញាតឲ្យប្រើ កែង កណ្តាប់ដៃ និងកាច់ផ្តួល។ ច្បាប់ទី២គឺ Knock Out Black អនុញ្ញាប្រើក្បាច់ដូច K-1 ដែរដោយ ប្រើជើងទាត់ កណ្តាប់ដៃ និងជង្គង់ (ជង្គង់ពីចម្ងាយ ឬជង្គង់ហោះ) ប៉ុន្តែការអោបឡើងជង្គង់ កែង និងកាច់ផ្តួល ត្រូវបានហាមឃាត់។

ព្រឹត្តិការណ៍លើកទី១ឈ្មោះ Knock Out Vol.0) នៅសង្វៀន Tokyo Dome City Hall កាលពីថ្ងៃទី៥ ខែធ្នូ ឆ្នាំ២០១៦ ដែលមានកីឡាករជប៉ុន Genji Umeno ប៉ះកីឡាករថៃ Sirimongkol ជាគូឯក ហើយជើងខ្លាំងមិនដែលចាញ់ជប៉ុន Tenshin Nasukawa ប៉ះកីឡាករថៃ Wanchalong។ ពេលនោះ Tenshin បានផ្តួលកីឡាករថៃសន្លប់ក្នុងទឹកទី១។

រហូតដល់បច្ចុប្បន្នមានកីឡាករជប៉ុន១១រូប និងកីឡាករថៃ១រូបកំពុងគ្រប់គ្រងខ្សែក្រវាត់ទៅតាមប្រភេទទម្ងន់ និងជំនាញរៀងៗខ្លួននៅសង្វៀនមួយនេះ។

កីឡាករ Bazooka Koki ជើងឯកទម្ងន់ Super Lightweight (៦៥គក) ច្បាប់ Red
កីឡាករ Yota Shigemori ជើងឯកទម្ងន់ Lightweight (៦២.៥គក) ច្បាប់ Red
កីឡាករ Eisaku Ogasawara ជើងឯកទម្ងន់ Featherweight (៥៧.៥គក) ច្បាប់ Red
កីឡាករ Hikaru Furumaru ជើងឯកទម្ងន់ Super Bantamweight (៥៥គក) ច្បាប់ Red
កីឡាករ Riku Otsu ជើងឯកទម្ងន់ Bantamweight (៥៣.៥គក) ច្បាប់ Red
កីឡាករ Kaito Ono ជើងឯកទម្ងន់ Super Welterweight (៧០គក) ច្បាប់ Black
កីឡាករ Ryotaro ជើងឯកទម្ងន់ Welterweight (៦៧.៥គក) ច្បាប់ Black
កីឡាករ Chihiro Suzuki ជើងឯកទម្ងន់ Super Lightweight (៦៥គក) ច្បាប់ Black
កីឡាករ Taimu Hisai ជើងឯកទម្ងន់ Lightweight (៦២.៥គក) ច្បាប់ Black
កីឡាករ Ryusei ជើងឯកទម្ងន់ Featherweight (៥៧.៥គក) ច្បាប់ Black
កីឡាករ Seiya Furuki ជើងឯកទម្ងន់ Super Bantamweight (៥៥គក) ច្បាប់ Black

អ្វីដែលគួរឲ្យកត់សំគាល់ កីឡាករជប៉ុន Taimu Hisai ជាជើងឯកទម្ងន់ Lightweight (៦២.៥គក) ទើបតែបានប្រកួតឈ្នះកីឡាករកម្ពុជា រតនៈ សុធី (ឯម សុធី) កាលពីចុងសប្តាហ៍កន្លងទៅនេះ។ រូបគេពិតជាមានជំនាញឃីកបុកស៊ីងពិតប្រាកដណាស់ដោយមានកណ្តាប់ដៃ ទាត់ និងជង្គង់ហោះដែលជាជំនាញសំខាន់ក្នុងឃីកបុកស៊ីង៕