កីឡា
ការពិត Rodtang ដាក់គោលដៅយកខ្សែក្រវាត់ឃីកបុកសីងពិភពលោកពីកីឡាករ Ennahachi
អ្នកនិយមតាមដានកីឡាប្រដាល់ថៃ ក៏ដូចជានៅស្ថាប័ន ONE Championship ប្រហែលជាដឹងហើយថា ជើងខ្លាំងរឹងដូចដែក Rodtang Jitmuangnon នឹងត្រូវប្រកួតឃីកបុកសីងជាលើកដំបូងក្នុងអាជីពរបស់ខ្លួន។
តារាប្រដាល់ថៃរហស្សនាម«មនុស្សដែក» Rodtang Jitmuangnon ត្រូវប្រកួតមិត្តភាពឃីកបុកសីងជាមួយកីឡាករអេស្ប៉ាញ Alejandro Rivas នៅព្រឹត្តិការណ៍ ONE: Fists of Fury នៅថ្ងៃទី២៦ ខែកុម្ភៈនេះ ក្នុងប្រទេសសិង្ហបុរី។
ការចូលប្រឡូកអាជីពប្រដាល់ឃីកបុកសីងរបស់«មនុស្សដែក»នេះមិនមែនគ្រាន់តែជាការសាកល្បងសមត្ថភាពធម្មតា ឬប្រកួតដើម្បីទទួលបានចំណូលនោះទេ ប៉ុន្តែរូបគេមានគោលដៅធំច្បាស់លាស់នាពេលខាងមុខ។ តាមរយៈវីដេអូដែល ONE ចេញផ្សាយពីការត្រៀមខ្លួនប្រកួននាថ្ងៃទី២៦ ខែកុម្ភៈខាងមុខនេះបានបញ្ជាក់ថា Rodtang ដាក់គោលដៅយកខ្សែក្រវាត់ឃីកបុកសីងពិភពលោកក្នុងប្រភេទទម្ងន់ ONE Flyweight។ សម្រាប់ខ្សែក្រវាត់ឃីកបុកសីងពិភពលោក ONE Flyweight បច្ចុប្បន្នគ្រប់គ្រងដោយកីឡាករ Ilias Ennahachi ដែលជាអ្នកប្រដាល់របស់ប្រទេសហុល្លង់។ រូបគេទទួលបានខ្សែក្រវាត់ពិភពលោកនេះមកគ្រប់គ្រង បន្ទាប់ពីបានផ្តួលកីឡាករថៃ Petchdam កាលពីឆ្នាំ២០១៩។
តាមពិតទៅស្ថាប័ន ONE បានដាក់ខ្សែក្រវាត់ឃីកបុកសីងពិភពលោកក្នុងប្រភេទទម្ងន់ ONE Flyweight នេះឲ្យ Ilias Ennahachi និង Petchdam ប្រកួតដណ្តើមគ្នាដើម្បីរកជើងឯកពិភពលោកនៅខែឧសភា ឆ្នាំ២០១៩ ហើយពេលនោះកីឡាករថៃជាអ្នកឈ្នះដោយបានក្លាយជាជើងឯក។
ប៉ុន្តែ៣ខែក្រោយមក Ennahachi មិនអស់ចិត្ត និងបានប្រកួតដណ្តើមសាជាថ្មី ហើយទីបំផុតរូបគេបានផ្តួល Petchdam ក្នុងទឹកទី៣ដើម្បីយកខ្សែក្រវាត់មកគ្រប់គ្រងតាំងពីពេលនោះរហូតដល់ឥឡូវនេះ និងធ្លាប់ការពារបានជោគជ័យម្តងនៅចុងឆ្នាំ២០១៩។
Rodtang បានប្រកួតឈ្នះ៣លើកជាប់គ្នាលើកីឡាករ Fahdi Khaled, Hakim Hamech និងអ្នកលេងគុនខ្មែរ សុខ ធី មុនពេលប្រកួតដណ្តើមខ្សែក្រវាត់មួយថៃពិភពលោក ONE Flyweight ជាមួយកីឡាករអង់គ្លេស Janathan Haggerty កាលពីឆ្នាំ២០១៩ ហើយក៏បានឈ្នះខ្សែក្រវាត់នោះ ព្រមទាំងបានប្រកួតការពារខ្សែក្រវាត់ជោគជ័យបាន៣ដងហើយ។
ពេលនេះ កីឡាករថៃមនុស្សដែកបានដាក់គោលដៅយកខ្សែក្រវាត់ឃីកបុកសីងមួយទៀតក្នុងបញ្ជីសមិទ្ធផលនៃអាជីពកីឡារបស់ខ្លួន ប៉ុន្តែមុនពេលឈានដល់ការប្រកួតដណ្តើមខ្សែក្រវាត់នោះ រូបគេត្រូវប្រកួតមិត្តភាពជាមួយកីឡាករអេស្ប៉ាញ Alejandro Rivas ជាមុនសិន។
តាមពិតទៅនៅព្រឹត្តិការណ៍ ONE: Fists of Fury នៅថ្ងៃទី២៦ ខែកុម្ភៈនេះ ខ្សែក្រវាត់ឃីកបុកសីងពិភពលោក ONE Flyweight គឺកីឡាករថៃ Superlek ត្រូវប្រកួតដណ្តើមខ្សែក្រវាត់ពី Ilias Ennahachi មុនទៅហើយ។ ប្រសិនបើ Superlek អាចដណ្តើមបានខ្សែក្រវាត់ពិភពលោកនេះពី Ilias Ennahachi បានជោគជ័យនោះ ប្រហែលជា Rodtang បង្វែគោលដៅទៅរកមិត្តរួមជាតិ Superlek ហើយ ប៉ុន្តែបើ Ennahachi អាចរក្សាខ្សែក្រវាត់របស់ខ្លួនបានគង់វង្សនោះ ច្បាស់ហើយ គឺត្រូវជួប Rodtang៕
ឧក្រិដ្ឋជនវៀតណាម ១២នាក់ ត្រូវបានចាប់ខ្លួនពាក់ព័ន្ធករណីចាប់ជំរិតជនជាតិចិន នៅក្រុងបាវិត
សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ
ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
អតីតមន្ត្រីបក្សប្រឆាំងទូទាំងប្រទេស អបអរសាទរ«ទិវាសន្តិភាពនៅកម្ពុជា» ខណៈពួកគេស្អប់ខ្ពើមសង្រ្គាម
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
ប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
មនុស្សលើយន្តហោះសរុប១៨១នាក់ ទំនងជានៅរស់តែ២នាក់ប៉ុណ្ណោះ
លោក ពូទីន ចេញមុខសុំទោសមេដឹកនាំ អាស៊ែរបៃហ្សង់ រឿងធ្លាក់យន្តហោះស្លាប់មនុស្ស ៣៨ នាក់
យុវជន៨នាក់ ស្ម័គ្រចិត្តចូលប្រឡងបម្រើការងារជាគ្រូមត្តេយ្យសហគមន៍នៅក្នុងខេត្តមណ្ឌលគិរី
-
សន្តិសុខសង្គម៥ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៦ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ជីវិតកម្សាន្ដ៥ ម៉ោង agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៤ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៥ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៦ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ៧ ថ្ងៃ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
ព័ត៌មានអន្ដរជាតិ១ សប្តាហ៍ agoរន្ធត់! មួយគ្រួសារមានសមាជិក ១០នាក់ ស្លាប់ទាំងអស់ ក្នុងហេតុការណ៍ធ្លាក់យន្តហោះនៅ ប្រេស៊ីល